Эстер 1:10 - Мукъаддес Китап

¹⁰ Единджи куню падишанынъ юреги шараптан шенъленгенде, Ахашверош падиша онъа хызмет эткен еди везирлерине – Мехуман, Бизта, Харбона, Бигта, Абагта, Зетар ве Къаркъаскъа –

Эстер 1:10 Referans Kwoze

Эстер 7:9

Падишанынъ везирлеринден бири Харбона бойле деди: – Мордекъай падишагъа эйилик этти, Хаман исе онъа бу дирекни азырлады. Мына о, Хаманнынъ эви янында тура, юксеклиги йигирми беш метр. – Хаманны о дирекке асынъыз, – деди падиша.

Къадылар 16:25

Шенъленген фелестинлилер: – Шимшонны кетиринъиз, о бизни кейфлендирсин, – дедилер. Шимшонны зиндандан кетирттилер, ве о, оларны эглендире башлады. Шимшонны эвнинъ эки диреги арасында къойдылар.

Икметли сёзлер 20:1

Шарап мыскъыллай, ички кучьлю сеснен къычыра, оларнынъ артындан эр бир кеткен адам икметли дегиль!

2 Падишалар 13:28

Авишалом йигитлерине: – Бакъынъыз, Амнон шарап ичип, тавланып башлагъанда, мен сизге: «Амнонны ольдюринъиз», – деп буюрарым. О вакъыт къоркъмайып, оны ольдюринъиз. Бу – меним сизге эмирим. Джесюр ве джесаретли олунъыз, – деп буюрды.

Башланув 43:34

Юсуф оларгъа озюнинъ софрасындан ашлар ёллай эди, Биньяминнинъ пайы исе, башкъаларына бакъкъанда, беш къат чокъ эди. Олар даа ички ичтилер ве Юсуфнен берабер сархошландылар.

Джемаат башы 10:19

Зияфет зевкъ ичюн япылыр, шарап яшайышны шенъ этер, акъча исе эписине джевап берер.

Къадылар 19:6

Олар экиси отурып ашадылар-ичтилер, ве яш къадыннынъ бабасы левийлиге: – Къал, менде геджелерсинъ. Юрегинъ раатланыр, – деди.

Рут акъкъында китап 3:7

Боаз ашап-ичти, кейфи ерине кельди. Сонъ ашлыкъ обасы янына барып ятты. Рут явашчыкътан келип, аякълары тарафындан орьтюни ачып ятты.

Эстер 1:9

Вашти къыраличе де Ахашверош падишанынъ сарайында къадынлар ичюн байрам япты.

Эстер 3:15

Хаберджилер падишанынъ эмиринен тез ёлгъа чыкътылар. Къанун Шушан къалесинде де илян этильген эди. Падишанен Хаман отурып иче эдилер, Шушан шеэрининъ халкъы исе шашкъынлыкъ ичинде эди.

Икметли сёзлер 31:4

Падишаларгъа ярашмаз, эй, Лемуэл! Шарап ичмек падишаларгъа ярашмаз! Башлыкъларгъа да ички къыдырмакъ келишмез.