Ешая 5:8 - Мукъаддес Китап

⁸ Эвге эв къошкъан, тарлагъа тарла къошкъанларнынъ башларына беля! Башкъаларына ер къалмай! Ер юзюнде яшагъан тек сизлерми?!

Ешая 5:8 Referans Kwoze

Микъа 2:2

Олар тарлаларны истесе, оларны тартып алалар, эвлерни истесе – тартып алалар. Инсанны хорлайлар, эвини талайлар, адамны ве онынъ барлыгъыны чайпайлар.

Матта 23:13

Эй, Къанун оджалары ве фериселер! Экиюзьлюлер! Алынъызгъа беля! Кок Падишалыгъыны инсанларнынъ огюнде къапатып, озьлеринъиз де кирмейсиз, кирмеге истегенлерни де йибермейсиз.

Ехезкель 33:24

– Инсан огълу! Исраиль топрагъынынъ йыкътырылгъан ерлеринде яшагъанлар шойле дейлер: «Ибраим бир озю эди, амма шу топракънынъ сабысы олды. Бизлер исе чокъмыз, эбет, бу топракълар бизге мульк оларакъ берильди».

Ехезкель 11:15

– Инсан огълу! Ерусалимде яшагъанлар сенинъ сойларынъа, сенинъ догъмушларынъа, сюргюн этильгенлерге ве эписи исраиллилерге: «РАББИден узакъ олунъыз, бу мемлекет бизге мульк оларакъ берильгендир», – дейлер.

Эюп акъкъында китап 15:28

Шунынъ ичюн о, хараплангъан шеэрлерде, отурылмаз эвлерде, йыкъылаяткъан ерлерде яшайджакъ.

Амос 1:13

РАББИ бойле дей: – Гуна устюне гуна къазангъанлары ичюн, аммонлыларны мытлакъа джезалайджагъым. Чюнки олар, озь мемлекетине башкъа топракъларны къошмакъ ичюн, Гиладда юклю къадынларнынъ къурсакъларыны яра эди.

Эюп акъкъында китап 20:21

Ачкозьлюгинден бир шей къуртулып оламады, шунынъ ичюн байлыгъы къатты турамаз.

Икметли сёзлер 15:27

Акъчагъа ачкозьленген эвини йыкъар, къапарлардан нефретленген исе раат яшар.

Микъа 2:1

Яманлыкъ япкъанларгъа беля олсун. Олар озь ятакъларында яманлыкъ тюшюне, сабасы кунеш ярыгъында оны беджерелер, буны япмагъа къолларынынъ кучю ете.

Хавакъкъукъ 2:6

Амма шу халкъларнынъ эписи онынъ устюнден шакъа этеджек, оны мыскъыллайджакъ: – Башкъасынынъ барлыгъыны тартып аласынъ, борджкъа алып зенгинлешесинъ. Амма чокъкъамы? Алынъ фена!