Ешая 47:2 - Мукъаддес Китап

² Дегирмен ташларыны ал да, ун чек. Орьтюнъни чыкъар, этегинъни котер, тизлеринъни ачып, озенден кеч.

Ешая 47:2 Referans Kwoze

Матта 24:41

Дегирмен ташында ун чеккен эки къадындан бириси алынаджакъ, бириси къалдырыладжакъ.

Ешая 20:4

Ашшур падишасы мысырлыларны ве хушлуларны сюргюн эткенде, олар ойле де оладжакъ. Яшы-къарты чыплакъ ве ялынаякъ, аврет ерлерини ачып, кетеджеклер. Мысырлылар ичюн бу буюк масхаралыкъ оладжакъ.

Къадылар 16:21

Фелестинлилер Шимшонны якъалады, онынъ козьлерини ойып чыкъардылар. Оны Гъазагъа кетирип, бакъыр зынджырларнен багъладылар. Зиндангъа ташлап, онъа дегирменде ашлыкъ чектирттилер.

Чыкъыш 11:5

– О заман озь тахтында отургъан фыравуннынъ биринджи догъгъан баласындан башлап, дегирмен ташларында ун чеккен хызметчи апайнынъ биринджи догъгъан баласынадже Мысыр топрагъында олгъан эр бир биринджи догъгъан бала ве айванларнынъ бутюн биринджи догъгъан балалары оледжектир.

Лука 17:35

Ун чеккен эки къадындан бириси алынаджакъ, экинджиси къалдырыладжакъ.

Эюп акъкъында китап 31:10

апайым башкъасынынъ богъдайыны чексин, башкъа акъайлар онен ятсын.

Микъа 1:11

Эй, Шафирде яшагъанлар, чыплакъ ве масхара олып кетинъиз. Цаананда яшагъанлар шеэринден чыкъмайлар. Бет-Эцел шеэри агълавгъа толгъан, о да сизге ярдым этмез.

Хошеа 2:3

Ёкъса, Мен оны чыр-чыплакъ союндыраджагъым, догъгъан куню олгъаны киби этеджегим, бош сахра киби япаджагъым, оны къуру топракъкъа чевиреджегим ве сувсузлыкътан ольдюреджегим.

Агълав йырлары 5:13

Дегирмен ташларнен йигитлер ун чекелер, агъыр одун юкю ташып, яш огъланлар сюрюнелер.

Йирмея 27:7

Онынъ ве мемлекетининъ йыкъыладжакъ вакъты-саати кельмегендже, бутюн халкълар онъа, огълуна ве торунына хызмет этеджеклер. Онъа чокъ халкълар ве буюк падишалар хызмет этеджеклер.

Йирмея 13:26

Шунынъ ичюн урбанънынъ этеклигини чыкъараджагъым, бетинъе къадар котереджегим, аврет ерлеринъни ачыкъ этеджегим.

Йирмея 13:22

«Булар неден башыма кельди?» – ичинъден дейджексинъ. Гуналарынънынъ чокълугъындан этегинъ ачылды, аврет ерлери корюндилер.

Ешая 32:11

Эй, къасеветсизлер, къалтыранъыз! Эй, къайгъысызлар, титренъиз! Урбаларынъызны чыкъарынъыз, союнынъыз, белинъизге чувал токъумасыны багъланъыз.

Ешая 3:17

Шунынъ ичюн Рабби Сион къызларынынъ башларыны тыраш этеджек, масхаралыгъынъызны РАББИ ачаджакъ.

Башланув 24:65

– Тарла бою бизге тараф кельген бу адам кимдир? – деп сорады. – Меним эфендим, – деди хызметчи. О заман Рефикъа орьтю алды да, орьтюльди.

1 Коринтлилерге 11:5

Амма башыны къапатмайып дува окъугъан я да пейгъамберлик япкъан эр бир апай озь башлыгъыны масхара эте. Бойле къадын башы тыраш этильген къадынгъа тенъ.

Джемаат башы 12:4

Сокъакъкъа бакъкъан къапулар япылыр, дегирменнинъ сеси тынар. Адам хораз къычыргъанда турар, амма къушларнынъ тюркюлерини эшитип оламаз.

Ешая 3:23

О заман мис къокъусы ерине – яман къокъу, къушакъ ерине – йип, дюльбер сачлар ерине – таз, паалы урба ерине – чувал токъумасы, дюльберлик ерине – буларнынъ эписи оладжакъ.

Йирмея 25:10

– Оларнынъ арасында севинч ве къуванч сеслери, киев-келин сеслери, дегирмен ташларынынъ давушлары кесиледжеклер, къандиллер де ярыгъыны бермейджеклер.

1 Тарих вакъиалары 19:4

Сонъ Ханун Давутнынъ хызметчилерини якъаламагъа, эр бирининъ яры сакъалыны тыраш этмеге, урбаларынынъ ашагъы ярысыны янбашларына къадар кесмеге ве оларны бойле алда йибермеге буюрды.