Ешая 26:8 - Мукъаддес Китап

⁸ Я РАББИ! Къарарларынъ ёлунда кетип, Санъа ишанамыз! Адынъны чагъырмагъа, Сени тюшюнмеге – джанларымызнынъ истегидир!

Ешая 26:8 Referans Kwoze

Ешая 33:2

Я РАББИ! Бизни аджы! Санъа ишанамыз! Бизге эр саба-танъда такъат бер, бизни сыкъынты заманда къуртар!

Зебур 65:6

О, денъизни къуру топракъкъа айландырды; олар озенден джаяв кечти. О ерде биз Онъа къувандыкъ!

Чыкъыш 3:15

Алла Мусагъа даа бойле деди: – Исраиль огъулларына айт: Мени сизге РАББИ, бабаларынъызнынъ Алласы, Ибраимнинъ Алласы, Исхакънынъ Алласы ве Якъупнынъ Алласы ёллады. Бу – эбедиен Меним Адым. Мени несильден несильге бойле деп акъылларында тутарлар, – айт.

2 Тессалоникелилерге 3:5

Рабби юреклеринъизни Алланынъ севгисине ве Месихнинъ сабырына догърултсын.

Римлилерге 8:25

Эгер даа корьмеген шейни корьмеге умют этсек, оны сабырнен беклермиз.

Фаалиет 1:4

Куньлернинъ биринде, олар берабер аш ашагъанда, Иса бойле эмир этти: – Ерусалимден кетменъиз, Баба сёз берген шейни бекленъиз. Мен оны сизге эвель айттым.

Ешая 56:1

РАББИ бойле дей: – Адалетни къорчаланъыз, инсафлы ишлер япынъыз. Якъында Мен къуртараджагъым, чокъ кечмеден, догърулыгъымны косьтереджегим.

Ешая 25:9

О куню бойле дейджеклер: – Мына, бу – бизим Алламыз! Онъа ишандыкъ, ве О бизни къуртарды! Бу – РАББИдир! Биз Онъа ишандыкъ! О бизни къуртарды! Къуванып, шенъленейик!

Ешая 12:4

О куню бойле дейджексинъиз: – РАББИни макътанъыз! Адыны чагъырынъыз! Япкъан ишлери акъкъында халкъларгъа хабер этинъиз! Ады юдже олгъаныны акъылларына кетиринъиз!

Энъ яхшы йыр 5:8

Эй, Ерусалим къызлары! Емин этинъиз: эгер севгилимни тапсанъыз, айтынъыз онъа, севгиден эсимни джоям.

Зебур 106:3

тюрлю мемлекетлерден топлап алды: шаркътан ве гъарптан, шималь ве дженюптен!

Зебур 84:2

Я РАББИ, Сен Озь топрагъынъа мерамет косьтердинъ, Якъупны эсирликтен къайтардынъ,

2 Падишалар 23:5

Эльбетте, эвим бойлеликнен Аллада! О манъа там ве яхшы къорулгъан эбедий васиет берди. Бутюн меним къуртулышым, бутюн меним истеклерим Ондан дегильми?

Сайылар 36:13

Моав тегизликлеринде, Иорданнынъ янында, Ерихон къаршысында РАББИ Мусанынъ ярдымынен Исраиль огъулларына бойле эмирлерини ве къарарларыны буюрды.

Лука 1:6

Олар экиси Алланынъ огюнде инсафлы адамлар олып, Раббининъ эписи эмир ве къанунларыны къатиен тута эдилер.

Малакий 4:4

– Къулум Мусанынъ Къануныны акъылларынъызда тутунъыз. Мен бу Къанунны, эм де низамнамелерни ве къарарларны Хорев дагъында бутюн Исраиль ичюн буюрдым.

Микъа 7:7

Мен исе РАББИден ярдым беклейджегим, Къуртарыджым Аллама умют этеджегим, Аллам да мени эшитеджек.

Ешая 30:18

Онынъ ичюн РАББИ сизлерге мерамет эйлемеге истеп, беклей, турып, сизлерни аджыйджакъ. РАББИ – адалетли суд эткен Алладыр, Онъа ишангъан эр кес бахтлыдыр.

Ешая 24:15

Онынъ ичюн, куньдогъушта яшагъанлар! РАББИни макътанъыз! Денъиз адаларында яшагъанлар! РАББИнинъ, Исраиль Алласынынъ Адыны шуретленъиз!

Ешая 25:1

Я РАББИ! Сен Меним Алламсынъ, Сени юксельтип, Адынъны макътарым. Сен аджайип ишни яптынъ, эвель-эзельден ниет эткенинъни толусынен беджердинъ.

Ешая 26:13

Я РАББИ-Таалямыз! Сенден гъайры башкъа падишалар бизге башлыкъ этти, амма ялынъыз Санъа, Сенинъ Адынъа ибадет этемиз.

Ешая 49:23

Падишалар сизни беслейджек, апайлары сизге даялыкъ этеджек. Бетлеринен ерге тюшип, аякъларынънынъ тозуны ялайджакълар. О заман Мен РАББИ олгъанымны биледжексинъ, Манъа ишангъанлар утанмайджакъ.

Ешая 51:4

Эй, халкъым, Мени динъленъиз! Эй, джемаатым, Манъа къулакъ асынъыз! Менден Къанун чыкъаджакъ, халкъларгъа ярыкъ Меним адалетли судум оладжакъ.

Микъа 4:5

Эр бир халкъ озь алласынынъ адынен юрсе де, бизлер омюрлик Алламыз РАББИнинъ Адынен юреджекмиз.

Зебур 42:2

Сен, Алла, – меним къалемсинъ; не ичюн мени ред эттинъ? Не ичюн мен душманларымнынъ зулумы астында гъам чекип юрем?