Ешая 2:8 - Мукъаддес Китап

⁸ Топрагъы бош путларгъа да толу олды, къолларынен япылгъан, пармакъларынен ясалгъан путларгъа табыналар.

Ешая 2:8 Referans Kwoze

Сырларнынъ ачылувы 9:20

Белялардан ольмеген адамлар озь япкъанларына тёвбе этмедилер. Олар шейтанларгъа ве корьмеген, эшитмеген, юрмеген алтын, кумюш, тунч, таш ве агъач путларгъа ибадет этмектен вазгечмедилер.

Йирмея 2:28

Къана, озьлеринъизге япкъан аллаларынъыз къайда? Беля кельгенде, сизни къуртарып олсалар, айды, турсунлар! Шеэрлеринъиз не къадар олса, о къадар аллаларынъыз да бар, эй, Ехуда!

Ешая 37:19

оларнынъ аллаларыны атеште якътылар. Олар исе аллалар дегиль, олар инсан япкъан шейдир: агъач ве таш. Шунынъ ичюн де оларны ёкъ эттилер.

Фаалиет 17:16

Павел Афинада Силанен Тимотейни беклеп тургъанда, бу шеэр путларнен толгъаныны корип, гонълю янды.

Хошеа 14:3

РАББИге къайтынъыз, Оны чагъырынъыз, Онъа айтынъыз: «Бутюн къабаатларымызны багъышла, эйиликнен бизни къабул эт, ве биз тиллеримизнен Санъа шукюр этеджекмиз».

Хошеа 13:2

Шимди де олар гунагъа гуна къошалар, кумюшини ирите ве озьлерине, акъыллары еткенине коре, путларны япалар. Усталар путларнынъ эписини ясайлар ве: «Къурбан кетирген адам бузав путуны опьсюн!» – дейлер.

Хошеа 12:11

Гилад шеэринде яманлыкъ бармы? Олар мытлакъа гъайып оладжакъ! Гилгал шеэринде бузавларны къурбан чалалармы? Къурбан ерлери тарла меджасындаки таш обаларына чевириледжек.

Йирмея 11:13

Шеэрлеринънинъ сайысы къадар аллаларынъ да бар, эй, Ехуда! Ерусалим сокъакъларынынъ сайысы къадар джиренч аллаларгъа къурбан ерлерини къурдынъыз, Баалгъа къокъулы отларны якъмакъ ичюн ерлерни яптынъыз.

Ешая 57:5

Эр бир даллы терекнинъ тюбюнде, эменлернинъ арасында истекнен янып туташасынъыз; къая чатлакъларында, асылып тургъан къаяларнынъ этеклеринде балаларны къурбан чаласынъыз.

Ешая 17:8

Къоллары япкъан къурбан ерлерине бакъмайджакъ, пармакълары япкъанларыны корьмейджеклер, Ашера путуна табынма диреклерине ве отлар якъыладжакъ ерлерине къулакъ асмайджакъ.

2 Тарих вакъиалары 27:2

Бабасы Уззия япкъаны киби, Ётам да РАББИнинъ огюнде догъру ишлер япып яшады, тек РАББИнинъ Сарайына кирмеди. Халкъ исе эп бозукъ ёлларда юре эдилер.

Къануннынъ текрары 4:28

Анда сиз адам къолларынен таш ве агъачтан япылгъан, козьлери корьмеген, къулакълары эшитмеген, аш ашамагъан ве бурунларынен къокъу алмагъан аллаларгъа хызмет этеджексинъиз.

Хошеа 8:6

Бу – Исраильнинъ ишидир. Бир уста шу бузавны япты, шунынъ ичюн о, Алла дегильдир. Самариенинъ бузавы чиль-парча оладжакъ.

3 Падишалар 16:7

Лякин Хананий огълу Еху пейгъамберден Бааша ве онынъ сою акъкъында РАББИнинъ сёзю энди айтылгъан эди, чюнки о, РАББИнинъ огюнде пек чокъ ярамай шейлер япты. Еровоамнынъ союна ошап, озь къоллары иле япкъанларынен РАББИни ачувландырды ве бунынъ ичюн ёкъ этильди.

Ешая 26:13

Я РАББИ-Таалямыз! Сенден гъайры башкъа падишалар бизге башлыкъ этти, амма ялынъыз Санъа, Сенинъ Адынъа ибадет этемиз.

Ешая 40:19

Уста маден иритип, путны япа, къуюмджы оны алтыннен къаплай, онынъ ичюн темиз кумюштен зынджырчыкълар ясай.

Ешая 41:29

Иште, эписи бир олмайджакъ, ишлери де бир шейге ярамайджакътыр, путлары – ель ве бошлукътыр!

Йирмея 1:16

Ишлеген къабаатлары, Менден вазгечкенлери, ябанджы аллаларгъа къокъулы отларны якъкъанлары, къоллары яраткъанларына ибадет эткенлери ичюн Ехуданы суд этип, джезалайджагъым.

4 Падишалар 17:10

Эр бир юксек байырда ве эр бир талдалы терек тюбюнде озьлерине пут ташларыны ве Ашера путуна табынма диреклерини къойдылар,

4 Падишалар 17:16

Олар РАББИ олгъан Алласынынъ бутюн эмирлерини ред эттилер, озьлерине эки дане маденден ясалгъан бугъа ве Ашера путуна табынма дирегини яптылар, бутюн коклернинъ ордусына табындылар ве Баалгъа хызмет эттилер,

Микъа 5:12

Сенинъ ырымджылыкъ кучюнъни тартып аладжагъым, булутлардан фал бакъкъанлар къалмайджакъ.