Ешая 2:11 - Мукъаддес Китап

¹¹ Къопай адамлар козьлерини ашагъы тюшюреджек, гъурурлы адамлар ашаланаджакъ. О куню тек РАББИ юксек оладжакъ!

Ешая 2:11 Referans Kwoze

Ешая 2:17

Адамларнынъ къопайлыгъы ерге тюшеджек, гъурурлы адамлар ашаланаджакъ. О куню тек РАББИ юксек оладжакъ,

Малакий 4:1

– Мына, фурун киби янгъан кунь келе. О вакъыт эписи къопайлар ве яманлыкъ япкъанлар тобан киби оладжакълар, ве келеяткъан кунь оларны якъаджакъ, – дей Ордуларнынъ РАББИси. – Оларда не тамыр, не пытакъ къалдырылмайджакъ.

Ешая 24:21

О куню РАББИ юкъарыда кок ордусыны джезалайджакъ, ер юзюнде ер падишаларыны джезалайджакъ.

Ешая 13:11

Мен дюньяны – яманлыкъ ичюн, яман адамларны – акъсыз япкъанлары ичюн джезалайджагъым, къопайларнынъ гъурурыны ёкъ этеджегим, макътангъан залымларны ашалайджагъым.

Ешая 12:4

О куню бойле дейджексинъиз: – РАББИни макътанъыз! Адыны чагъырынъыз! Япкъан ишлери акъкъында халкъларгъа хабер этинъиз! Ады юдже олгъаныны акъылларына кетиринъиз!

Микъа 4:6

РАББИ бойле дей: – Шу куню Мен топал халкъымны топлайджагъым, сюргюн этильгенлерни ве Мен джезалагъанларны арткъа къайтараджагъым.

Хошеа 2:18

О куню Мен кийик айванларгъа, коктеки къушларгъа, ер юзюндеки махлюкъларгъа халкъымнен муаббет яшамагъа буюраджагъым. Мен о мемлекеттен эм яйны, эм къылычны, эм дженкни узакълаштыраджагъым, оларгъа раат яшамагъа береджегим.

Ехезкель 39:22

Бу куньден башлап, Исраиль халкъы Мен – РАББИ, оларнынъ Алласы олгъанымны билирлер.

1 Пётр 5:5

Яшлар, акъсакъалларны динъленъиз. Эпинъиз бири-биринъизге алчакъгонъюллик косьтеринъиз. Алла къопайларгъа къаршы чыкъа, алчакъгонъюллилерге исе эйилик япа.

2 Коринтлилерге 10:17

Макътангъан адам Раббинен макътансын.

2 Коринтлилерге 10:5

Алланынъ бильгисине къаршы баш котерген эр бир къопайлыкъны ёкъ этемиз, эр бир ниетни эсирге аламыз ве Месихке бойсундырамыз.

Лука 18:14

Сизге айтам: бу адам, фериседен зияде акъланып, эвине къайтты. Озюни юксельткен эр бир адам алчакъта оладжакъ, озюни алчакъ туткъан исе юксельтиледжек.

Зекерья 9:16

О куню РАББИ, оларнынъ Алласы оларны къуртараджакъ. Къойларны киби, Озь халкъыны къорчалайджакъ. Олар, таджда къыйметли ташлар киби, Онынъ топрагъында йылтырайджакъ.

Цефанья 3:16

О куню Ерусалимге: «Къоркъма, Сион! Рухтан тюшме! – дейджеклер.

Цефанья 3:11

О куню сен Манъа къаршы япкъан яманлыкъларынънен озюнъни масхара этмейджексинъ. Мен сенинъ аранъдан къопай ве бурун котерген эр бир адамны узакълаштыраджагъым. Сен Меним мукъаддес дагъымда башкъа озюнъни юксек тутмайджакъсынъ.

Микъа 5:10

РАББИ бойле дей: – Шу куню атларынъны ёкъ этеджегим, дженк арабаларынъны бозаджагъым.

Овадья 1:8

– О куню Мен Эдомнынъ икметли адамларыны, Исавнынъ дагъларындаки акъыллы адамларны ёкъ этеджегим, – дей РАББИ.

Амос 9:11

– О куню йыкъыкъ эвге ошагъан Давутнынъ падишалыгъыны Мен янъыдан тиклейджегим, диварларыны тюзетеджегим, йыкъылгъан ерлерни янъыдан къураджагъым, оны эски замандаки киби япаджагъым.

Ёэль 3:18

О куню дагълардан юзюм шырасы тамлайджакъ, байырлардан сют акъаджакъ, Ехуданынъ эписи озенлери сувгъа толаджакъ. РАББИнинъ Эвинден бир чокъракъ чыкъаджакъ ве Шиттим вадийине сув береджек.

Хошеа 2:21

– О куню, – дей РАББИ, – Мен джевап береджегим. Мен коклерге дейджегим, ве коклер ерге ягъмур ягъдыраджакъ.

Хошеа 2:16

– О куню, – дей РАББИ, – сен Манъа «акъайым» дейджексинъ, бир даа манъа «эфендим» демейджексинъ.

Ехезкель 39:11

– О куню Исраиль топрагъында Гоггъа бир мезарлыкъ ери береджегим, Оверим вадийинде, денъизнинъ куньдогъуш тарафында оны ерлештиреджегим. О ер эписи кеткен-кечкенлернинъ ёлуны кеседжек, чюнки Гог ве онынъ ордулары анда комюледжек. Шунынъ ичюн шу ернинъ ады Хамон-Гог вадийи оладжакъ.

Ехезкель 38:19

Гъазабымнынъ алеви янып, Мен куньджюлигимде шойле дейим: шу куню Исраиль топрагъында буюк бир ер тепренмеси оладжакъ.

Ехезкель 38:14

Шунынъ ичюн, инсан огълу, пейгъамберлик эт ве Гоггъа бойле айт: РАББИ-ТААЛЯ шойле дей: – О вакъыт Меним халкъым Исраиль къоркъмайып, къасеветсиз яшайджакъ, сен исе ёлгъа чыкъаджакъсынъ.

Йирмея 9:24

Бирев макътанса, Мени анълагъанынен ве бильгенинен макътансын. Мен – РАББИм! Дюньяда севгинен яхшылыкъ этем, адалет ве догърулыкънен суд этем. Мен булардан разы олам, – дей РАББИ.

Ешая 52:6

Онынъ ичюн халкъым Адымны биледжек, о куню: «Мына – Меним!» деген – Мен олгъанымны анълайджакъ.

Ешая 37:23

Кимни сёгдинъ, кимни ашаладынъ? Кимге сес котерип, юкъарыдан бакътынъ? Исраильнинъ Азизине!

Ешая 30:23

Тарланъызда сачкъан урлукъларгъа Рабби ягъмур ягъдыраджакъ; топракъ береджек махсуллар бол ве берекетли оладжакъ. О куню айванларынъ кениш отлакъларда отлап юреджеклер.

Ешая 29:18

О куню сагъырлар китапнынъ сёзлерини эшитеджек, къаранлыкъта ве зульметте олгъан кёрлар корип башлайджакъ.

Ешая 28:5

О куню сагъ къалгъан халкъына Ордуларнынъ РАББИси аджайип тадж, дюльберлик ве шурет оладжакъ.

Ешая 26:1

О куню Ехуда топрагъында бу тюркюни йырлайджакълар: Бизим шеэримиз къавий! Рабби бизни, дивар ве къале киби, къорчалай.

Ешая 25:9

О куню бойле дейджеклер: – Мына, бу – бизим Алламыз! Онъа ишандыкъ, ве О бизни къуртарды! Бу – РАББИдир! Биз Онъа ишандыкъ! О бизни къуртарды! Къуванып, шенъленейик!

Ешая 12:1

О куню бойле дейджексинъ: – Я РАББИ! Санъа шукюрлер олсун! Сен манъа ачувлана эдинъ, амма ачувынъ ятышып, юрегимни алдынъ.

Ешая 4:1

О куню еди къадын бир эркекни тутып, онъа бойле айтаджакълар: – Озь отьмегимизни ашайджакъмыз, озь урбаларымызны киеджекмиз, тек бизге эвлен де, адынъны ташымагъа разылыкъ бер. Акъайгъа чыкъмагъанымыз ичюн, устюмиздеки масхаралыкътан азат эт.

2 Тессалоникелилерге 1:10

Шу куню О эписи азизлер арасында шурет къазанмагъа келеджек ве Онъа инангъанларнынъ эписини айретте къалдыраджакъ. Сиз де анда олурсынъыз, чюнки бизим шаатлыгъымызгъа инандынъыз.

2 Падишалар 22:28

Алчакъгонъюллини къуртарасынъ, макътангъан адамны корип, алчакълатасынъ.

Зебур 20:8

Падиша РАББИге ишана; Юдже Алланынъ севгисинде олып, о, сарсылмаз.

Зебур 46:10

Халкъларнынъ мырзалары топландылар, Ибраимнинъ Алласынынъ халкъына къошулдылар, чюнки ер юзюнинъ къалкъанлары Алланынъкидир! О, юксек котерильгендир!

Икметли сёзлер 30:13

Ойле несиль бар ки, озьлерини эр кестен устюн тутар, эр кеске тёпеден бакъар.

Ешая 23:9

Эр бир шуретли адамнынъ къопайлыгъыны масхара этмек, бутюн ер юзю урьмет эткен адамларны ашаламакъ ичюн, бу къарарны Ордуларнынъ РАББИси чыкъарды.

Ешая 30:18

Онынъ ичюн РАББИ сизлерге мерамет эйлемеге истеп, беклей, турып, сизлерни аджыйджакъ. РАББИ – адалетли суд эткен Алладыр, Онъа ишангъан эр кес бахтлыдыр.

Микъа 2:3

Шунынъ ичюн РАББИ шойле дей: – Мына, Мен шу халкъкъа ойле беля ёлларым ки, озь боюнларынъызны къуртарып оламазсынъыз, башынъызны котерип юрип оламазсынъыз, ве заманлар пек фена оладжакъ.

Зебур 94:2

Онынъ янына шукюр сёзюнен якъынлашайыкъ, Онъа къуванчнен багъырып йырлайыкъ!

Икметли сёзлер 16:5

Кибирли юректен РАББИ нефретленир, керчектен де, о джезасыз къалмаз.

Ешая 10:12

Рабби Сион дагъында ве Ерусалимде озь ишини битирген сонъ, Ашшурнынъ падишасыны къопай юреги ве юкъарыдан бакъкъан козьлери ичюн джезалайджакъ.

Ешая 14:15

Амма сени олюлернинъ дюньясына, олюм чукъурынынъ теренлигине алып кеттилер!

Ешая 40:23

О, мырзаларны ич бир шейге чевире, ернинъ къадыларыны бош бир шейге айландыра.

Йирмея 12:9

Халкъым Манъа чубар йыртыджы къуш киби олды, башкъа йыртыджы къушлар да оны сарды. Кетинъиз, эписи кийик айванларны топланъыз, оны ашап битиринъиз.

Даниял 4:34

Шимди мен, Невукъаднеццар, эписи ишлери акъикъий ве ёллары адалетли олгъан Коктеки Падишаны макътайым, юксельтем ве шерефлейим. О, кибирленген адамларны алчакъгонъюлли япа биле.