Ешая 19:8 - Мукъаддес Китап

⁸ Балыкъчылар агълайджакъ, дерьягъа къармакъ ташлагъанлар эписи окюр-окюр агълайджакъ, сувда агъ къойгъанлар рухтан тюшеджеклер.

Ешая 19:8 Referans Kwoze

Хавакъкъукъ 1:15

Душман оларны къармакънен тута, сачмаларнен сувдан чыкъара, балыкъ агъларынен авлай, бу себептен де къувана ве севине.

Ехезкель 47:10

Ялыда балыкъчылар пейда оладжакъ. Эн-Гедиден башлап Эн-Эгълаимге къадар балыкъ тутып, агъларны къурутмагъа къояджакълар. Анда Акъ денъиздеки олгъаны киби, пек чокъ чешит тюрлю балыкъ оладжакъ.

Сайылар 11:5

Мысырда бедава ашагъан балыкъны акъылымызда тутамыз, хыярлар, къавунлар, ешиль согъан, согъан ве сарымсакъ аля даа акъылымызда.

Чыкъыш 7:21

Дерьядаки балыкъ олип, озен сасыгъаны ичюн, мысырлылар дерьядаки сувны ичип оламай эдилер. Бутюн Мысыр топрагъында къан эди.

Матта 11:17

«Биз сизге къавал чалдыкъ, сиз ойнамадынъыз! Биз такъмакълар окъудыкъ, сиз исе агъламадынъыз», – деп къычыргъан балаларгъа ошайлар.

Хавакъкъукъ 1:17

Не вакъыткъадже олар агъларыны толдураджакъ ве бошатаджакълар, не вакъыткъадже токътамайып, халкъларны аджымайып ольдюреджеклер?