Ешая 19:5 - Мукъаддес Китап

⁵ Денъиздеки сувлар чекиледжек, буюк дерья битип къуруйджакъ.

Ешая 19:5 Referans Kwoze

Йирмея 51:36

Онынъ ичюн РАББИ бойле дей: – Бакъынъыз! Мен сенинъ даванъны чезерим, сенинъ тарафынъны тутып, оны джезаларым, денъизини харап этерим, чокъракъ сувларыны къурутырым.

Ехезкель 30:12

Мен Нил къолларыны къуру топракъкъа чевиреджегим, мемлекетни ярамазларнынъ къолларына береджегим. Ябанджыларнынъ къолларынен Мен мемлекетни де, ичиндеки эр шейни де йыкътыраджагъым. Буны Мен, РАББИ, айттым.

Зекерья 14:18

Мысыр халкъы Ерусалимге кетмесе, Чалашлар Байрамыны япмагъа Ерусалимге кетмеген бутюн халкъларнынъ башларына тюшкен беляны РАББИ оларнынъ башына да тюшюреджек.

Зекерья 10:11

Олар белялар денъизинден кечеджек, ве денъизнинъ далгъалары ятышаджакъ, Нил дерьясынынъ бутюн терен ерлери къуруйджакъ. Ашшурнынъ къопайлыгъы азлашаджакъ, Мысырнынъ падишалыкъ таягъы алынаджакъ.

Эюп акъкъында китап 14:11

Сувлар бувгъа чевирилип, денъизден учар, озен суву къуруп кетер.

Ешая 15:6

Нимрим озенининъ сувлары чекильди, чайырлар къуруды, отлар сарарып солды, ешиллик битти.

Ешая 23:11

РАББИ къолуны денъизге къаршы узатты, падишалыкъларны сарсытты, РАББИ Ханаан къалелерини йыкъмагъа буюрды.

Ешая 50:2

Мен кельгенимде, не ичюн кимсе ёкъ эди? Чагъыргъанымда, не ичюн кимсе джевап бермеди? Сизлерни къуртармакъ ичюн, къолум къыскъардымы, аджеба? Сизлерни къорчаламакъ ичюн, кучюм биттими? Бакъынъыз! Сертнен къычыргъанымда, денъиз къуруй, озенлер сахрагъа чевириле, сув етмегенинден балыкълар оле ве сасый.

Ешая 37:25

Къую къазып, сувны ичтим, бутюн Мысыр озенлерини табанларымнен къуруттым», – дединъ.