Ешая 17:2 - Мукъаддес Китап

² Ароэр шеэрлери бошап къаладжакъ, айванлар отлагъан ерлер оладжакъ. Олар анда раатланаджакъ, оларны къоркъузмагъа ич кимсе олмайджакъ.

Ешая 17:2 Referans Kwoze

Ехезкель 25:5

Рабба шеэрини девелер отлагъан ер япаджагъым, аммонлыларнынъ топрагъыны исе къойларнынъ раатлангъан ери япаджагъым. О заман Мен – РАББИ олгъанымны билирсинъиз.

Йирмея 7:33

Бу халкънынъ олюлери кок къушларына ве кийик айванларгъа аш оладжакъ, ве ич кимсе оларны къуваламайджакъ.

Цефанья 2:6

Денъиз боюндаки виляет къой отлаткъан яйла ве къой-эчкилер ичюн къош оладжакъ.

Микъа 4:4

Лякин эр кес озь юзюм пытагъы тюбюнде, озь инджир тереги тюбюнде отураджакъ, ве оларны къоркъутаджакъ киши олмайджакъ. Ордуларнынъ РАББИси шойле айтты.

Къануннынъ текрары 2:36

Арнон вадийининъ сынъырында олгъан Ароэр шеэринден ве вадийнинъ ортасында ерлешкен башкъа шеэрден башлап, Гилад ерине къадар, бизден къуветли шеэр ёкъ эди. РАББИ-Таалямыз эписини къолумызгъа берди.

Сайылар 32:34

Гъад огъуллары бойле пекинген шеэрлерни къурдылар: Дивон, Атарот, Ароэр,

Йирмея 48:19

Эй, Ароэрде яшагъан къыз! Ёл кенарында тур да бакъ! Къачкъан адамдан, къуртулгъан союндан: «Не олды?» – деп сора.

Къануннынъ текрары 3:12

О заман биз шу топракънынъ саиплери олдыкъ. Арнон вадийиндеки Ароэр шеэринден башлап, Гилад дагълы топрагъынынъ ярысыны онынъ шеэрлеринен берабер мен Рубен ве Гъад къабилелерине бердим.

Ешая 7:21

О куню бир сюрюден бир бузавны ве бир чифт къойны сакълап олгъанлар

Ешая 5:17

Яйлада киби, къойлар отлайджакълар, ябанджылар байларнынъ йыкъылгъан эвлерини тинтеджеклер.

Нун огълу Ехошуа 13:16

Арнон дерьясынынъ ялысындаки Ароэр шеэри ве вадийнинъ ортасында ерлешкен шеэрден башлап, Медева шеэрининъ янындаки бутюн тегизлик,

Эюп акъкъында китап 11:19

Ятарсынъ, ве ич кимсе сени къоркъузмаз. Чокъ адам сенинъ мераметинъни къыдырыр.

Ешая 7:22

бу айванлар берген сютюнден япылгъан иримчикнен кечинеджеклер. Сагъ къалгъан эр кес де тек иримчик ве балнен бесленеджек.

Ешая 27:10

Янына барылмаз шеэр бошап къалды, яшагъан ерлери, сахра киби, адамсыз, бакъымсыз олды. Анда бузавлар отлап раатланыр, филислерини ашап битирир.

Ехезкель 39:26

Озь топракъларында тынч-аман яшагъанда, оларны кимсе къоркъузмагъанда, олар Манъа къаршы япкъан масхара ишлерини ве эписи акъсызлыкъларыны унутаджакълар.

Нун огълу Ехошуа 13:25

Язер топрагъы, Гиладнынъ эписи шеэрлери ве Раббанынъ янында олгъан Ароэрге къадар аммонлыларнынъ яры топрагъы,