Ешая 16:2 - Мукъаддес Китап

² Арнон дерьясынынъ сай ерлеринде Моав къызлары – ювасындан атылгъан, эвсиз къушлар киби оладжакълар.

Ешая 16:2 Referans Kwoze

Икметли сёзлер 27:8

Тувгъан ерини къалдыргъан адам ювасындан узакъ учкъан къуш кибидир.

Къадылар 11:18

Сонъ олар Эдом ве Моавны кечмейип, сахрадан кеттилер. Моавнынъ шаркъындан кечип, Арноннынъ артында ордусыны ерлештирдилер. Лякин Моавнынъ сынъырларына кирмедилер. (Арнон исе Моавнынъ сынъыры.)

Йирмея 48:20

Моав масхара олды, харапланды. Аджджы-аджджы агъланъыз, Моавнынъ йыкъылгъаны акъкъында Арнон вадийинде илян этинъиз.

Ешая 13:14

О заман эр кес, артындан къувалангъан гъазель киби, чобансыз къой-эчкилер киби, озь халкъларына къайтаджакълар, озь топракъларына къачаджакълар.

Нун огълу Ехошуа 13:16

Арнон дерьясынынъ ялысындаки Ароэр шеэри ве вадийнинъ ортасында ерлешкен шеэрден башлап, Медева шеэрининъ янындаки бутюн тегизлик,

Къануннынъ текрары 3:12

О заман биз шу топракънынъ саиплери олдыкъ. Арнон вадийиндеки Ароэр шеэринден башлап, Гилад дагълы топрагъынынъ ярысыны онынъ шеэрлеринен берабер мен Рубен ве Гъад къабилелерине бердим.

Къануннынъ текрары 3:8

Бойлеликнен, о заман биз бу эки аморлыларнынъ падишаларындан Иордан озенинден шаркъта яткъан, Арнон вадийинден Хермон дагъына къадар топракъларыны алдыкъ.

Къануннынъ текрары 2:36

Арнон вадийининъ сынъырында олгъан Ароэр шеэринден ве вадийнинъ ортасында ерлешкен башкъа шеэрден башлап, Гилад ерине къадар, бизден къуветли шеэр ёкъ эди. РАББИ-Таалямыз эписини къолумызгъа берди.

Сайылар 21:29

Вай санъа, эй, Моав! Кемошнынъ халкъы, сен ёкъ олдынъ! Огъуллары тараф-тараф къачтылар, къызлары аморлыларнынъ падишасы Сихоннынъ эсирлери олды.

4 Падишалар 3:4

Моав мемлекетининъ падишасы Меша къой асравджылыкънен огъраша эди. О, Исраиль падишасына 100 000 баш къоюн ве 100 000 баш къоюннынъ юнюни йибере эди.

Икметли сёзлер 26:2

Къуш учар, къарылгъач кетер, акъсыз къаргъыш да тиймейип кечер.

Йирмея 48:9

– Моавнынъ къабирине чечек алып кетинъиз, о мытлакъа бу яшайыштан кетеджектир, шеэрлери къоркъунчлы шейге чевириледжек, оларда ич кимсе яшамайджакъ.

Йирмея 48:46

Вай-вай-вай, Моав! Кемошкъа табынгъан халкъ гъайып олды. Огъулларынъ эсирликке кетти, къызларынъ да алынды.