Ешая 16:12 - Мукъаддес Китап

¹² Моавлылар келип, ибадет тёпелеринде йыкъылгъандже табынса да, азиз еринде дува этсе де, бир шей ярдым этмейджек.

Ешая 16:12 Referans Kwoze

Ешая 15:2

Аллаларынынъ эвине, Дивон шеэрининъ ибадет тёпелерине агъламакъ ичюн кеттилер. Моав халкъы Нево ве Медева шеэрлери ичюн аджджы агълай; эр кеснинъ баш сачлары алынгъан, сакъаллары тыраш олунгъан.

Йирмея 48:35

Моавда ибадет тёпелеринде къурбан чалгъанларны, озь аллаларына къокъулы отларны якъкъанларны ёкъ этерим, – дей РАББИ.

3 Падишалар 18:29

Бойле этип уйледен акъшам къурбаны вакътынадже къутурдылар. Лякин не бир сес эшитильди, не де бир джевап берильди, оларны кимсе эшитмеди.

Сайылар 23:28

Бойледже, Балакъ Беламны сахрагъа бакъкъан Пеор дагъынынъ тёпесине алып барды.

Сайылар 23:14

Балакъ Беламны Цофим яйласына, Фисга дагъынынъ тёпесине алып барды. Анда еди къурбан ерини къурды, эр къурбан ерининъ устюнде бирер бузав ве бирер къочкъар бутюнлей якъыладжакъ къурбан оларакъ кетирди.

Сайылар 22:39

Бундан сонъ Белам Балакънен кетип, Кирьят-Хуцоткъа кельди.

Йирмея 48:46

Вай-вай-вай, Моав! Кемошкъа табынгъан халкъ гъайып олды. Огъулларынъ эсирликке кетти, къызларынъ да алынды.

Йирмея 48:13

Ишангъан Бет-Эль шеэри ичюн Исраиль халкъы насыл масхара олгъан олса, Моав да Кемош алласы ичюн ойле масхара оладжакъ.

Йирмея 48:7

Ишлеринъе ве байлыгъынъа ишангъанынъ ичюн, сен де запт этиледжексинъ, Кемош алласы да озь руханийлеринен ве башлыкъларынен берабер сюргюнликке кетеджек.

Йирмея 10:5

Хыяр бостанында къушларны къоркъузмакъ ичюн къоюлгъан шей киби, путлар туралар, ич бир шей айтып оламайлар, юрип оламагъанлары ичюн, оларны ташыйлар. Олардан къоркъманъыз! Олар зарар кетирип оламайлар, яхшылыкъ да къолларындан кельмей.

Ешая 47:13

Чокъ акъыл танышкъанынъдан ёрулдынъ. Йылдыз фалджыларынъ, йылдыз сайгъанларынъ, янъы ай догъгъанда не оладжагъыны бильдиргенлеринъ шимди турып, башынъа тюшеджегинден сени къуртарсынлар.

Ешая 37:38

Бир кунь, о, озюнинъ алласы Нисрок путханесинде табынгъанда, огъуллары Адраммелек ве Сарецер оны къылычнен ольдюрдилер. Озьлери исе Арарат мемлекетине къачып кеттилер. Онынъ ерине огълу Эсар-Хаддон падиша олды.

Ешая 26:16

Я РАББИ! Сени сыкъынты вакътында къыдырдылар, башларына джеза тюшкенде, Санъа явашчыкътан ялвардылар.

Икметли сёзлер 1:28

О заман мени чагъыраджакълар, лякин мен эшитмейджегим, саба-танъдан мени къыдыраджакълар, лякин тапалмайджакълар.

4 Падишалар 19:12

Баба-деделерим ёкъ эткен миллетлерни аллалары къуртардымы? Гозан ве Харанны, Рецеф ве Телассардаки Эден огъулларыны къуртардылармы?

4 Падишалар 3:27

Сонъра озюнден сонъ падиша оладжакъ биринджи огълуны алып, оны диварнынъ устюнде къурбан чалып бутюнлей якъты. Бойле шей исраиллилерге къаршы пек буюк гъазап къозгъады. Олар артына чекилип, озь топрагъына къайттылар.

3 Падишалар 11:7

Сонъ Сулейман Ерусалимнинъ огюндеки дагъда моавлыларнынъ арам путу Кемошкъа ве аммонлыларнынъ арам путу Молекке ибадет тёпесини къурды.

Сайылар 24:17

Оны корем, амма шимдилик дегиль. Онъа бакъам, амма О, якъында дегиль. Якъуптан бир йылдыз чыкъаджакъ, Исраильден бир таякъ юкселеджек. О, моавлыларнынъ кенарларыны бозаджакъ, Шетнинъ огъулларыны бутюнлей ёкъ этеджек.

Сайылар 22:41

Саба Балакъ Беламны Бамот-Баалгъа чыкъарды. Белам андан Исраиль халкъынынъ бир къысмыны корип олды.

Сайылар 21:28

Хешбондан атеш, Сихоннынъ шеэринден алев чыкъты ве Моавнынъ Ар шеэрини, Арнон тёпеликлерининъ саиплерини якъып ёкъ этти.

Ешая 16:13

РАББИ Моав акъкъында бойле хабер этти.