Ешая 12:6 - Мукъаддес Китап

⁶ Эй, Сион халкъы, къуванчнен къычырынъыз! Аранъыздаки булунгъан Исраильнинъ Азизи буюктир!

Ешая 12:6 Referans Kwoze

Зекерья 2:5

РАББИ даа бойле деди: «Мен Озюм онынъ чевре-четине атештен дивар оладжагъым. Онынъ ичинде Меним Намым янъгъырайджакъ».

Зебур 9:11

Адынъны бильгенлер Санъа ишаныр, чюнки Сени къыдыргъанларны къалдырмайсынъ, я РАББИ!

Ешая 41:14

– Къоркъма, Якъуп-къурт, Исраиль акъайлары! Санъа Мен ярдым этеджегим, – дей РАББИ, сени сатын алгъан Исраильнинъ Азизи.

Ехезкель 48:35

Диварнынъ умумий узунлыгъы докъуз километр оладжакъ. Бундан сонъ шеэрнинъ ады «РАББИ анда!» оладжакъ.

Ешая 54:1

– Эй, догъып оламагъан, баласыз къадын, къуван! Багъыр, къуванчнен къычыр, эй, догъып азап чекмеген! Къысыр къадыннынъ балалары акъайы олгъан къадыннынъ балаларындан чокътыр! – дей РАББИ.

Ешая 41:16

Оларны савураджакъсынъ, оларны ель алып дагъытаджакъ, боран алып кетеджек. Сен исе РАББИде къуванаджакъсынъ, Исраильнинъ Азизинен макътанаджакъсынъ.

Ешая 40:9

Эй, Сионнынъ хаберджиси, юксек дагъгъа чыкъ! Эй, Ерусалимнинъ хаберджиси, юксельт сесинъни, юксельт, къоркъма! Ехуда шеэрлерине айт: «Мына сизинъ Алланъыз!»

Цефанья 2:5

Денъиз боюнда яшагъан халкъкъа, керетлилернинъ миллетине беля! Эй, ханаанлылар, Фелестин топрагъы! РАББИнинъ сёзю сизге къаршы: «Мен сени ёкъ этеджегим, ич биринъиз сагъ къалмаз!»

Ехезкель 43:7

Сес манъа: – Инсан огълу! Меним тахтым, аякъларым баскъан ерим мындадыр. Исраиль халкъынен эбедиен яшайджакъ ерим будыр. Исраиль халкъы бир даа Меним мукъаддес Адымны арам этмейджек, не олар, не падишалары путларнен ороспулыкъ этмейджек, ольген падишаларына тёпелерде къурбан кетирмейджек.

Ешая 49:26

Сени чекиштиргенлерге озь этлерини ашатаджагъым, тазе шараптан киби, озь къанларындан сархош оладжакълар. О заман эр бир джан биледжек ки, Мен – РАББИ, сенинъ Къуртарыджынъ, сени сатын алгъан Батыр, Якъупнынъ Алласыдырым.

Ешая 33:24

Анда отургъанларнынъ ич бириси: «Мен хастам», – демейджек; анда яшагъан халкънынъ гуналары багъышланаджакъ.

Ешая 30:19

Эй, Сионда ве Ерусалимде яшагъан халкъ! Сен чокъ агъламайджакъсынъ: ярдымгъа чагъырувларынъызны эшитип, РАББИ санъа мытлакъа мерамет эйлейджек. Сизни эшиткенде, джевап береджек.

Ешая 24:23

Ай арланаджакъ, кунеш утанаджакъ. Ордуларнынъ РАББИси Сион дагъында ве Ерусалимде падишалыкъ этеджек, акъсакъаллар Онынъ шуретини кореджек.

Ешая 10:24

Шунынъ ичюн Ордуларнынъ РАББИ-ТААЛЯсы бойле дей: – Эй, Сионда яшагъан халкъым! Ашшурдан къоркъманъыз! О, эвельден Мысыр киби, сени таякънен урар, сопасыны санъа къаршы котерир.

Ешая 8:18

Мына, мен ве РАББИ манъа берген балалардыр. Биз – Сион дагъында яшагъан Ордулар РАББИсинден Исраильге берильген аляметлер ве бельгилермиз.

Зебур 68:16

Акъкъан сувлар мени алып кетмесин, теренлик мени ютмасын, олюм чукъурынынъ агъзы устюмден япылмасын!

Зебур 46:5

О, бизге гузель топракъны сайлады, севген къулу Якъупнынъ гузеллигини бизге берди. Сэла

Зебур 99:2

РАББИге севине-севине хызмет этинъиз, Онынъ янына къуванчлы къычырувнен барынъыз!

Ешая 1:24

Онынъ ичюн Рабби, Ордуларнынъ РАББИси, Исраильнинъ Кучьлюси бойле дей: – Вай-вай-вай… Манъа къаршы чыкъкъанларны енъеджегим, душманларымны джезалайджагъым!

Ешая 24:14

Сагъ къалгъанлар сеслерини юксельтеджек, РАББИнинъ буюклиги акъкъында къуванчнен къычыраджакъ, куньбатышта сес котерип, Раббини шуретлейджеклер!

Ешая 60:16

Халкъларнынъ сютюне тояджакъсынъ, падишанынъ къолундан кечинеджексинъ. Сонъра биледжексинъ ки, Мен – РАББИ, сенинъ Къуртарыджынъ, сени сатын алгъан Якъупнынъ Кучьлюсим.

Йирмея 10:6

Я РАББИ, Сен киби ёкъ! Сен улусынъ! Къудретинъ ичюн Сен намлысынъ!

Ехезкель 35:10

Сен: «Шу эки халкъ ве шу эки мемлекет менимки оладжакъ. РАББИ анда олса да, мен оларнынъ сабысы оладжагъым», – дегенинъ ичюн,

Ехезкель 39:7

Исраильге, Меним халкъыма, Меним мукъаддес Адымны белли этеджегим. Бундан сонъра Меним мукъаддес Адымны яманламагъа ёл бермем. О заман халкълар Мен, РАББИ – Мукъаддесим, Исраильде булунгъанымны билирлер.

Ехезкель 48:8

Ехуданынъ пайынен сынъырлангъан, шаркътан гъарпкъадже узангъан 12,5 километр кенълигинде РАББИге багъышлангъан топракъ пайы оладжакъ. Шаркътан гъарпкъадже узунлыгъы эр бир къабилеге тюшкен пайнынъ узунлыгъы киби оладжакъ. Онынъ ортасында Азиз Ер ерлешеджек.

Хошеа 11:9

Къызгъын ачувыма коре япмайджагъым, бир даа Эфраимни къырып ташламайджагъым. Мен – Аллам, Мен инсан дегилим. Сизинъ аранъызда Мен – Мукъаддес Аллам. Ачувланып, Мен шеэрге кирмейджегим.

Сайылар 23:21

Якъупта беля корюнмей, Исраильде къаза тапылмай. РАББИ, оларнынъ Алласы – оларнынъ янындадыр, олар Оны озь Падишалары деп илян этип, Онъа боразанларда чалалар.

Къануннынъ текрары 23:15

Эфендисинден санъа къачып кельген къулны эфендисине къайтарма.

Зебур 135:21

О, оларнынъ топрагъыны мирас этип берди, – акъикъатен эбедийдир Онынъ севгиси, –

Ешая 33:21

Анда аджайип РАББИ бизнен оладжакъ, анда дерьялар ве кенъ каналлар ерлешеджек. Амма бир курекли къайыкъ, бир буюк геми анда кечалмайджакъ.

Ёэль 2:27

О вакъыт Мен Исраильнинъ арасында олгъанымны биледжексинъиз, Мен – РАББИм, сизинъ Алланъыз, башкъа бири ёкъ. Халкъым омюрлик бир даа масхара олмайджакъ.

Зекерья 2:9

– Мына, оларгъа къаршы къолумны котереджегим, ве оларнынъ къуллары оларны чайпайджакъ. Сонъ Ордуларнынъ РАББИси мени ёллагъаныны биледжексинъиз.