Ешая 11:3 - Мукъаддес Китап

³ О, РАББИ къоркъусынен толаджакъ, козьлери корьгенине коре суд этмейджек, къулакълары эшиткенине коре къарар чыкъармайджакъ.

Ешая 11:3 Referans Kwoze

Юхан 7:24

Корюнишине коре суд этменъиз, лякин адалетли суд этинъиз, – деди.

Лука 2:52

Иса осе эди. Яшы арткъанынен, икмети де арта эди. Исагъа Алланынъ ве адамларнынъ хайыры да чокълаша эди.

1 Падишалар 16:7

Лякин РАББИ Смаилге: – Сен онынъ дюльбер къыяфетине, юксек боюна бакъма. Мен оны ред эттим. Мен адам киби бакъмайым. Адам адамнынъ юзюне бакъа, РАББИ исе юрегине бакъа, – деди.

Икметли сёзлер 2:5

о заман РАББИ къоркъусыны анълап, Алла акъкъында бильгини тапарсынъ.

Еудийлерге 5:14

Агъыр аш исе буюк адамларгъа, яхшылыкънен яманлыкъны айырмагъа теджрибелеринден огренген адамларгъа яраша.

3 Падишалар 3:28

Эписи исраиллилер, падишанынъ чыкъаргъан къарары акъкъында эшитип, падишадан къоркъып башладылар, бойле укюм этмек ичюн, онъа Алла икмет бергенини корьдилер.

Икметли сёзлер 2:9

О заман сен инсафлыкъ, адалет, догърулыкъ, эр бир яхшылыкънынъ ёлуны анъларсынъ.

3 Падишалар 3:9

Сенинъ халкъынъа укюмдарлыкъ этмек ичюн, яхшылыкъны яманлыкътан айырмакъ ичюн, манъа, Сенинъ къулунъа, анълагъан юрек бер. Сенинъ бойле бир буюк халкъынъа ким укюмдарлыкъ этип оладжакъ?

2 Падишалар 14:17

Падиша-эфендимнинъ сёзю мени тынчландырсын. Падиша-эфендим – Алланынъ мелеги кибидир, эм яхшы, эм ярамай шейлерни динълер. РАББИ, сенинъ Алланъ сеннен берабер олсун, – деди.

Юхан 2:25

Исагъа адамлар акъкъында шаатлыкъ бермек керекмей эди. Адамнынъ юрегинде не олгъаныны О, Озю биле эди.

Эюп акъкъында китап 34:3

Тамакъ ашнынъ леззетини насыл айырса, къулакъ да сёзлерни сынай.

Эюп акъкъында китап 12:11

Къулакъ сёзлерни айырмазмы? Тиль ашнынъ дадыны анъламазмы?

Ешая 33:6

Сенинъ яшайышынъны къорчалайджакъ, сени бутюнлей къуртараджакъ, акъыл ве бильги береджек. РАББИден къоркъмакъ – энъ къыйметлидир.

Ехезкель 45:8

Бу топракъ онынъ Исраильдеки пайы оладжакъ. Илериде ёлбашчылар халкъымны хорламасынлар ве Исраиль халкъына къабилелерине коре топракъ айырсынлар.

Микъа 4:3

РАББИ чокъ халкъны суд этеджек, узакъ ерлердеки чокъ миллетнинъ даваларыны чезеджек. Сонъра олар къылычларындан сабан тишлерини дёгеджек, мызракъларындан пычакъларны япаджакъ. Бир даа халкъ халкъкъа къаршы къылыч котермейджек, энди дженк этмеге огренмейджек.

2 Падишалар 14:8

Падиша къадынгъа: – Эвинъе раат-раат къайт, мен сенинъ акъкъынъда эмир берерим, – деди.