Ешая 1:2 - Мукъаддес Китап

² Эй, коклер, динъленъиз! Эй, ер юзю, къулакъ ас! РАББИ бойле дей: – Мен огъулларымны тербиелеп осьтюрдим, олар исе Манъа къаршы чыкътылар.

Ешая 1:2 Referans Kwoze

Къануннынъ текрары 32:1

– Къулакъ асынъыз, коклер, мен айтаджагъым, динъле, ер юзю, агъзымдан чыкъаджакъ лафларны.

Къануннынъ текрары 30:19

Коклер ве ер юзю бизге шаат олсунлар: мен сенинъ огюнъде яшайыш ве олюм, багъышлавлар ве къаргъышларны къойдым. Яшайышны сайлап ал, ве сен эвлядынънен яшарсынъ.

Микъа 1:2

– Эй, халкъларнынъ эписи, эшитинъиз! Дюнья ве дюньяда яшагъан эр ким, къулакъ асынъыз! РАББИ-ТААЛЯ сизлерге къаршы шаат олсун, Рабби Озюнинъ Мукъаддес Сарайындан шаатлыкъ берсин!

Къануннынъ текрары 4:26

бугунь кок ве ерни шаат оларакъ чагъырып ант этем ки, бу топракътан мытлакъа тез-тез гъайып оладжакъсынъыз. Онынъ саиплери олмакъ ичюн, сиз бугунь Иорданны кечсенъиз де, анда чокъ вакъыт яшамайджакъсынъыз, лякин мытлакъа ёкъ оладжакъсынъыз.

Зебур 50:4

Мени къабаатымдан бутюнлей ювып, мени гуналарымдан темизле!

Малакий 1:6

– Огъул озь бабасына, къул озь эфендисине сайгъы косьтере. Мен – сизинъ Бабанъыз, лякин не ичюн сиз Манъа сайгъы косьтермейсинъиз? Мен – Раббим, лякин не ичюн сиз Менден къоркъмайсынъыз? – дей Ордуларнынъ РАББИси сизге, Онынъ Адына урьметсизлик косьтерген руханийлерге. – Сиз: «Адынъа насыл этип урьметсизлик косьтеремиз?» – деп сорайсынъыз.

Микъа 3:8

Мен исе РАББИнинъ Руху къудретине, догърулыкъкъа ве джесаретке толу оладжагъым, Якъуп огъулларына – къанунсызлыгъыны, Исраильнинъ огъулларына – гуналарыны косьтереджегим.

Амос 3:1

Эй, Исраиль огъуллары, бу сёзлерни динъленъиз! РАББИ сизге, Мысырдан чыкъаргъан бутюн халкъкъа шойле дей:

Ехезкель 36:4

Шунынъ ичюн, Исраиль дагълары, РАББИ-ТААЛЯнынъ сёзюни динъленъиз! РАББИ-ТААЛЯ дагъларгъа ве байырларгъа, дере ве вадийлерге, бакъымсыз къалгъан йыкътырылгъан ерлерге, къомшу халкълар мыскъыллагъан ве ягъмалангъан бош шеэрлерге дей.

Йирмея 22:29

Ах, топракъ, топракъ, топракъ! РАББИнинъ сёзюни динъле!

Йирмея 6:19

Динъле, мемлекет! Мына, бу халкъкъа яман беляны ёллайджагъым, къара фикирлерининъ акъларыны кетиреджегим. Сёзлериме къулакъ асмадылар, Къанунымны ред эттилер де.

Ешая 65:2

Яман ёлда юрген, къара ниетлерини беджерген, инат бир халкъкъа кунь бою къолларымны узаттым.

Ешая 30:9

Бу халкъ инаттыр, яланджы балалардыр, РАББИнинъ Къанунына бойсунмагъа истемейлер.

Ешая 30:1

– Инат огъулларнынъ башларына беля! – дей РАББИ. – Олар Менден сорамайып, ниетлерини беджерелер, Менден рухланмайып, башкъаларнен бирлешелер, гунагъа гуна къошалар.

Йирмея 31:9

Агълай-агълай келеджеклер, мерамет этип, оларны алып кетиреджегим, сув бою дос-догъру ёлдан алып келеджегим, сюрюнмезлер. Мен – Исраильнинъ бабасыдырым, Эфраим – биринджи догъгъан баламдыр.

Йирмея 13:15

Динъленъиз, къулакъ асынъыз, кибирленменъиз. РАББИ бойле дей:

Къануннынъ текрары 1:31

Баба огълуны къолда ташыгъаны киби, Алланъыз олгъан РАББИ сизни бу сахрада бутюн ёл бою, бу ергедже кельмезден эвель, ташый эди, ве сиз шуны корьдинъиз», – дедим.

Фаалиет 4:20

Биз корьген-эшиткенлеримизни айтмайып оламамыз, – дедилер.

Зебур 49:1

Аллаларнынъ Алласы, РАББИ буюрды, кунешнинъ догъгъан еринден баткъан еринедже О, ер юзюни чагъырды.

Ешая 31:6

Эй, Исраиль огъуллары! о къадар инатлыкънен юзюнъизни чевирген РАББИнъизге къайтынъыз!

Ешая 34:1

Эй, миллетлер, динълемек ичюн, якъынлашынъыз! Эй, халкълар, къулакъ асынъыз! Ер юзю ве ер устюнде яшагъан эр шей, дюнья ве анда эписи догъгъанлар, динъленъиз!

Ешая 63:16

Бизим Бабамыз – тек Сенсинъ. Ибраим бизни танымаса да, Исраиль бизни къабул этмесе де, Сен, я РАББИ – бизим Бабамызсынъ, эвель-эзельден Адынъ – бизни сатын алгъан Къуртарыджымыздыр.

Йирмея 3:22

– Арткъа къайтынъыз, ёлдан урулгъан балалар, инатлыгъынъызны тедавийлерим. – Иште, биз Санъа келемиз. Сен – РАББИ, бизим Алламызсынъ.

Ехезкель 24:3

Бу инат халкъкъа шу икяени айтып бер. Оларгъа айт: РАББИ-ТААЛЯ шойле дей: Къазанны алып къой, ичине сув толдур.

4 Падишалар 21:22

бабаларынынъ Алласы олгъан РАББИни къалдырып, РАББИнинъ ёлларындан юрмеди.

Микъа 1:1

Ехуда падишалары Ётамнынъ, Ахазнынъ ве Хизкиянынъ заманларында РАББИ морешетли Микъагъа Самарие ве Ерусалим акъкъында берген хабер ве руя.