Эфеслилерге 5:5 - Мукъаддес Китап

⁵ Шуны билинъиз: ич бир ороспу, пис я да ачкозь адам (бойле адам – путпересттир) Месихнинъ ве Алланынъ падишалыгъында мирас алмайджакъ.

Эфеслилерге 5:5 Referans Kwoze

Галатиядакилерге 5:21

нефрет, ичкиджилик, намуссыз отурышлар ве шунъа ошагъан ишлер. Сизлерни эвельден тенбиелей эдим, кене эвельден айтам: бойле ишлерни япкъанлар Алланынъ Падишалыгъыны мирас этип алмайджакълар.

Сырларнынъ ачылувы 22:15

Тышарыда исе пис шейлерни япкъан адамлар, джадылар, ороспулар, адамларны ольдюргенлер, путперестлер, яланны севген ве ялан айткъанлар къаладжакълар.

Колоссайлыларгъа 3:5

Онынъ ичюн, сизинъ гуналы табиатынъызны: ороспулыкъ, пислик, ахлякъсызлыкъ, яман арзулар ве путперестликке тенъ олгъан ачкозьликни ёкъ этинъиз.

Эфеслилерге 5:3

Сизинъ аранъызда ороспулыкъ, ич бир пислик я да ачкозьлик тильге биле алынмасын, чюнки сиз азиз адамларсыз.

Сырларнынъ ачылувы 21:8

Амма къоркъакъ, имансыз, игренч, адамларны ольдюрген, ороспу, джады, путперест ве бутюн яланджыларнынъ къысмети – атеш ве кукюрт янгъан гольдедир. Бу, экинджи олюмдир.

Галатиядакилерге 5:19

Беденнинъ ишлери беллидир, булар – ороспулыкъ, пислик, ахлякъсызлыкъ,

Еудийлерге 13:4

Эпинъиз озь акъай-апакъайынъызны урьмет этинъиз ве яткъан тёшегинъизни арамламанъыз, чюнки Алла ороспуларны ве аиле садыкълыгъыны бозгъанларны джезалайджакъ.

1 Тимотейге 6:10

Акъчагъа севги – эр тюрлю яманлыкънынъ себебидир. Базылары акъча севгисине берилип, имандан вазгечтилер ве озьлерини чокъ азапларгъа огъраттылар.

1 Тимотейге 6:17

Бу дюньядаки зенгин адамларгъа буны буюр: олар гъурурланмасын, келип-кеткен зенгинликке дегиль, Аллагъа умют багъласынлар. О, бизге эр шейни бизим кейфленювимиз ичюн бол-бол бере.

Чыкъыш 20:17

Якъын адамнынъ эвини арзу этме, онынъ не апайыны, не къулуны, не хызметчи апайыны, не бугъасыны, не эшегини, не бир шейини истеме.

Нун огълу Ехошуа 7:21

гъаниметнинъ арасында Шинар мемлекетининъ аджайип урбасыны, эки кило кумюш ве ярым кило агъырлыгъында бир кесек алтынны корьдим, оларны бегенип алдым. Бу шейлерни чадырымнынъ ортасында топракъта сакъладым. Кумюшни чукъурнынъ тюбюне къойдым.

Фаалиет 8:21

Бу иште сенинъ не акъкъынъ, не къысметинъ бар, чюнки Алланынъ огюнде юрегинъ догъру дегиль.

Фаалиет 20:32

Энди сизлерни Аллагъа ве Онынъ Хайыр Сёзюне авале этем. Бу Сёзнинъ сизлерни къавийлештирмеге ве Алланынъ эписи азизлеринен берабер сизлерге мирасны бермеге кучю бар.

Колоссайлыларгъа 1:13

бизни къаранлыкъ укюмдарлыгъындан къуртарды ве севимли Огълунынъ Падишалыгъына алып кирди.