Эфеслилерге 4:31 - Мукъаддес Китап

³¹ Эр бир къозгъалув ве ачув, гъазап ве къычырув, ифтира ве эр бир яманлыкъ сизден узакъ олсун.

Эфеслилерге 4:31 Referans Kwoze

Колоссайлыларгъа 3:8

Шимди исе буларнынъ эписини: гъазап, ачув ве яманлыкъны бир четке къоюнъыз; агъызынъыздан ифтира ве сёгюш чыкъмасын.

Джемаат башы 7:9

Рухунъ къызма табан олмасын, чюнки гъазап ахмакънынъ юрегинде яшай.

1 Пётр 2:1

Бойлеликнен, эр бир яманлыкъ, айнеджилик, экиюзьлюлик, пахыллыкъ ве яман лафларны бир четке ташланъыз

Якъуп 1:19

Севимли дин къардашларым, буны акъылынъызда тутунъыз: эр бир адам динълемеге азыр олсун, айтмагъа исе ашыкъмасын, ачувланмагъа да ашыкъмасын.

Колоссайлыларгъа 3:19

Акъайлар, апайларынъызны севинъиз, оларгъа серт олманъыз.

Якъуп 3:14

Лякин эгер юрегинъизде къара пахыллыкъ ве тек озюни тюшюнюв олса, акъыллы олгъанынъыз акъкъында макътанманъыз ве акъикъатны ред этменъиз.

Эфеслилерге 4:26

Гъазаплангъанда, гуна япманъыз. Кунеш баткъандже, гъазаптан къайтынъыз,

1 Юхан 3:12

Хаинге ошамайыкъ. О, ямандан эди ве озь къардашыны ольдюрди. Къардашыны не ичюн ольдюрди? Чюнки онынъ ишлери яман, къардашынынъ ишлери исе догъру эди.

Зебур 101:5

Юрегим – къуругъан ве йыкъылгъан от киби, отьмегимни ашамагъа биле унутам.

Якъуп 4:11

Агъа-къардашларым, бири-биринъизни яманламанъыз! Озь агъа-къардашыны яманлагъан я да оны суд эткен адам Алланынъ Къануныны яманлай ве Къанунны суд эте. Эгер сен Къанунны суд этсенъ, сен Къанунны беджермекнинъ ерине суд этиджи оласынъ.

Икметли сёзлер 26:20

Одун олмаса – атеш сёнер, ошекчи олмаса – къавгъа битер.

Титке 1:7

Бакъыджы къабаатсыз олсун, чюнки о, иманлылар джемиети олгъан Алланынъ Эвинде башында булуна. О, инат, тез ачувлангъан, ичкиджи, къызматабан ве арам акъчагъа тоймагъан адам олмасын.

1 Тимотейге 3:11

Апайлары да урьметли олсун, ифтираджы дегиль, айыныкъ фикирли, эр шейде ишанчлы олсунлар.

2 Коринтлилерге 12:20

Янынъызгъа кельгенимде, сизлерни мен истемеген алынъызда тапарым ве сизлер мени истемегенинъиз алымда тапарсыз, деп къоркъам. Кельгенимде, къавгъа, пахыллыкъ, гъазап, давалар, яман лафлар, ошек, къопайлыкъ, низамсызлыкъ корерим, деп къоркъам.

1 Коринтлилерге 14:20

Дин къардашлар, балалар киби тюшюнменъиз. Яманлыкъкъа коре, бала киби къабаатсыз олунъыз, акъылгъа коре исе буюк адамлар киби олунъыз.

Икметли сёзлер 29:22

Ачувлы адам къавгъа чыкъара, гъазаплы да чокъ акъсызлыкъ япа.

Икметли сёзлер 14:17

Тез ачувлангъан адам ахмакълыкъ япмакъ мумкюн, лякин яман ниетлери олгъан адамдан эр кес нефрет эте.

Икметли сёзлер 10:18

Яланджы тиль нефретни гизлей, ошек ташыгъан – акъылсыздыр.

Икметли сёзлер 10:12

Нефрет къавгъаларны къозгъай, севги исе эписи къабаатларны багъышлай.

1 Тимотейге 5:13

Бундан гъайры эвден эвге кезгенде, тенбель олмагъа огренелер. Олар тек тенбель дегиль, даа ошекчи олып, башкъаларнынъ ишине киришип, керек олмагъан шейлерни айталар.

Галатиядакилерге 5:20

путперестлик, этне, душманлыкъ, къавгъа, пахыллыкъ, гъазап, давалар, бозгъунлыкълар, фыркъаларгъа болюнювлер,

1 Коринтлилерге 5:8

Шунынъ ичюн эски маянен, яни яманлыкъ ве ярамайлыкъ маясынен дегиль, маясыз пителернен, яни темизлик ве догърулыкънен байрам япайыкъ.

Римлилерге 3:14

Агъызлары лянетке ве аджджы сёзлерге толу.

Икметли сёзлер 25:23

Шимальден эскен ель ягъмур кетиргени киби, ошекчининъ тили де ачувлы бакъышларгъа ёл ачар.

Икметли сёзлер 6:19

ялан айткъан яланджы шаат ве агъа-къардашларнынъ арасыны бозгъан адам.

Зебур 64:3

Сен дуваны эшитесинъ, бутюн инсанлар Санъа келеджек.

Зебур 50:20

Озь разылыгъынъа коре Сионгъа яхшылыкъ эт, Ерусалимнинъ диварларыны котер!

Зебур 15:3

Ер юзюнде олгъан азиз адамларгъа, асылзаделерге, оларнынъ эписине меним бутюн муратларым.

2 Падишалар 19:27

Къулум исе эфендим падишагъа меним акъкъымда ботен шейлер айтты. Лякин сен, падиша-эфендим, Алланынъ мелеги кибисинъ. Санъа не догъру олып корюнсе, шуны яп.

Башланув 37:4

Агъалары, Якъуп Юсуфны олардан зияде севгенини корип, Юсуфны корьмеге козьлери ёкъ олды; олар онен достане лаф этип оламай эдилер.

Башланув 27:41

Якъуп бабасындан багъышлавны алгъаны ичюн, Исавнынъ оны корьмеге козю ёкъ эди, ве Исав юрегинде: «Бабама янып агълайджакъ куньлеримиз якъынлаша. Сонъ мен къардашым Якъупны ольдюририм», – деди.

Башланув 4:8

Сонъ Хаин озь къардашы Хабильнен лаф этти. Олар тарлада олгъанда, Хаин озь къардашы Хабильге къаршы чыкъып, оны ольдюрди.

Сырларнынъ ачылувы 12:10

О вакъытта коктен кучьлю сеснен айтылгъан бу сёзлерни эшиттим: – Энди Алламызнынъ къуртарувы, къудрети ве падишалыгъы, эм де Онынъ Месихининъ акимиети кельди. Энди агъа-къардашларымызны къабаатлагъан, Алламызнынъ огюнде оларны гедже-куньдюз яманлагъан бири котерип атылды.

1 Юхан 3:15

Озь агъа-къардашыны кореджек козю олмагъан эр бир адам – башкъасыны ольдюрген адамдыр. Башкъасыны ольдюрген ич бир адамда исе эбедий омюр булунмагъаныны билесинъиз.

Титке 2:3

Къарт апайлар Алланы урьмет этип яшасын, башкъаларны яманламасын, чокъ шарап ичмекнинъ къулу олмасын, яхшы ишлер япмагъа огретсинлер.

2 Тимотейге 2:23

Ахмакъ ве джаиль давалардан узакълаш. Олар тек къавгъагъа себеп олгъаныны билесинъ.

1 Тимотейге 3:3

О, ичкиджи ве къызматабан олмасын, лякин йымшакъ, къавгъа этмеген, акъчаны севмеген адам олсун.

Фаалиет 21:30

Бутюн шеэр арекетке келип, халкъ топланды. Павелни тутып, Сарайдан тышарыгъа сюйреклеп чыкъардылар. Шу ань къапулар къапатылды.

Йирмея 6:28

Олар эписи ёлдан урулгъан инатлардыр, башкъаларны яманлап яшайлар. Олар бакъыр ве демирдир, эписи бозукъ арекет этелер.

Икметли сёзлер 29:9

Икметли адам ахмакънен давалашкъанда, ачувланса да, кульсе де, – раат олмаз.

Икметли сёзлер 19:12

Падишанынъ гъазабы арсланнынъ окюрюгине ошай, онынъ разылыгъы исе – отнынъ устюнде чыкъ кибидир.

2 Падишалар 19:43

Исраиллилер исе Ехуда акъайларына: – Биз – он дане Исраиль къабилесимиз, сизден он кере чокъмыз. Шунынъ ичюн бизим Давутта он къат чокъ акъкъымыз бар. Не ичюн бизни ашалайсынъыз? Падишамызны къайтарув ишинде биринджи сёз бизимки дегильми я? – дедилер. Лякин ехудалыларнынъ джевабы исраиллилернинъ сёзлеринден даа серт олды.

2 Падишалар 13:22

Авишалом Амнонгъа не яхшы, не яман бир шей айтмады, лякин къызкъардашы Тамарнынъ намусына токъунгъаны ичюн, Амнонны кореджек козю олмады.

Башланув 37:21

Рубен буны эшиткен сонъ: – Оны ольдюрмейик, – деп, Юсуфны олардан къуртарды.

2 Тимотейге 3:3

севгисиз, багъышламагъан, ифтираджы, озюни къолда тутмагъан, мераметсиз, яхшылыкъны кореджек козю олмагъан,

Йирмея 9:4

– Эр кес достундан сакъынсын, къардашларынынъ ич бирине ишанмасын; эр къардаш башкъасына къапкъан къоя, эр дост башкъасыны яманлай.

Зебур 37:8

Белим атеш ичинде, беденимде сагълам ер къалмады.

Эфеслилерге 4:22

Ялан истеклернинъ ичинде гъайып олаяткъан эски адамнынъ эвельки аятыны бир четке алып къоймакъ керексинъиз,

Эфеслилерге 4:25

Шунынъ ичюн, яланны четке ташлап, эр биринъиз озь якъындакилеринъизге догърусыны айтынъыз, чюнки биз бири-биримизге бир беденнинъ азалары оламыз.