Эфеслилерге 3:10 - Мукъаддес Китап

¹⁰ Алланынъ чешит тюрлю икмети исе иманлылар джемиети ярдымынен коклердеки башлыкъларгъа ве акимиетлерге шимди белли оладжакъ эди,

Эфеслилерге 3:10 Referans Kwoze

1 Пётр 1:12

Эвельки пейгъамберлерге ачылгъан эди ки, коклерден ёлланылгъан Мукъаддес Рухнынъ ярдымынен сизлерге шимди бильдирильген Къуванчлы Хабер оларгъа дегиль, лякин сизлерге файдалы олды. Атта мелеклер де шуны анъламагъа истейлер.

Эфеслилерге 6:12

Бизим курешимиз къангъа ве беденге къаршы дегиль, лякин башлыкълар, акимиетлер, къаранлыкъ дюньянынъ укюмдарлары, коклер тюбюндеки яман рухий кучьлерге къаршыдыр.

1 Коринтлилерге 2:7

Биз Алланынъ гизли ве сакълангъан икмети акъкъында айтамыз. Бизге шурет бермек ичюн, О, бу икметни дюнья яратылмаздан эвель азырлады.

Римлилерге 11:33

Алланынъ зенгинлиги, Онынъ икмети ве бильгиси не къадар сынъырсыз! Онынъ къарарларына ич кимсенинъ акъылы етмез! Онынъ ёлларыны ич кимсе анъламаз!

Эфеслилерге 1:21

эр бир башлыкътан ве акимиеттен, кучьтен ве салтанаттан юксекче отуртты, Оны тек бу дюньяда дегиль, келеджек дюньяда да айтылгъан эр бир адлардан юдже япты.

Эфеслилерге 1:3

Алланы, Раббимиз Иса Месихнинъ Бабасыны, шуретленъиз! О, бизге Месихте эр бир коклердеки рухий бахшышны берди.

1 Коринтлилерге 1:24

Амма Алла чагъыргъанлар ичюн, эм еудийлер, эм юнанлар ичюн Месих – Алланынъ къудрети ве Алланынъ икметидир.

1 Пётр 3:22

Месих исе кокке котерилип, шимди Алланынъ онъ тарафында олаята; Алла Онъа мелеклерни, акимиетлерни ве кучьлерни бойсундырды.

Колоссайлыларгъа 1:16

Коклердеки ве ердеки, корюнген ве корюнмеген эр бир шейлер: тахтлар, салтанатлар, башлыкълар ве акимиетлер Онда яратылгъан. Эр шей Онынъ ярдымынен ве Онынъ ичюн яратылгъан.

1 Тимотейге 3:16

Шубесиз, акъикъий диннинъ сыры буюктир: Алла инсан беденинде корюнди, Онынъ догърулыгъы Рухта ачылды. О, мелеклерге корюнди, халкъларгъа бильдирильген эди. Дюньяда Онъа инандылар; шурет ичинде О, коклерге котерильди.

Эфеслилерге 1:8

Алла бутюн акъылданеликнен ве анълавнен бу эйилигини бизге боллукънен берди.

Римлилерге 8:38

Мен эминим: Раббимиз Иса Месихнен берильген Алланынъ севгисинден бизни не олюм, не яшайыш, не мелеклер, не коклердеки башлыкълар, не шимдики ве келеджек заманлар, не кучьлер, не юкъары дюнья, не ашагъы дюнья, не яратылгъан башкъа ич бир шей айырып оламаз.

Зебур 104:24

Алла халкъыны пек чокълаштырды, душманларындан кучьлю япты.

Ехезкель 3:12

Бундан сонъ ель мени котерди, ве РАББИнинъ Шурети еринден котерилеяткъанда, мен дешетли зельзеленинъ сесини эшиттим,

Зебур 103:20

Орталыкъкъа къаранлыкъ тюшюресинъ, гедже ола, ормандаки айванлар авгъа чыкъа.

Эфеслилерге 1:23

Иманлылар джемиети исе – Месихнинъ бедени, эписини эписинде Толдургъаннынъ толулыгъыдыр.

Колоссайлыларгъа 2:10

Онда сизлер омюрнинъ толулыгъыны тапасынъыз. О, – эр тюрлю башлыкънынъ ве акимиетнинъ башыдыр.

Колоссайлыларгъа 2:15

О, башлыкъларны ве акимиетлерни къуветтен кестирди, ачыкъ-айдын масхара этти, оларны хач ярдымынен енъди.