Ёэль 2:30 - Мукъаддес Китап

³⁰ Коклерде ве ер юзюнде бельгилеримни косьтереджегим: къан, атешни ве думан диреклерини ёллайджагъым.

Ёэль 2:30 Referans Kwoze

Лука 21:11

Шиддетли ер тепренювлери келеджек, тюрлю топракъларда ачлыкълар ве веба хасталыкълары оладжакъ. Коклерде къоркъунчлы вакъиалар ве буюк бельгилер корюнеджеклер.

Матта 24:29

‌Бирден шу куньлернинъ буюк мусибетинден сонъ «Кунеш къара оладжакъ, ай да ярыкъ бермейджек. Йылдызлар коктен тюшеджеклер ве коклердеки кучьлер сарсыладжакълар».

Къадылар 20:40

Тамам шу вакъытта шеэрнинъ устюнден тютюн диреги котерильди. Биньямин аскерлери арткъа бакъса, не корьсюнлер – бутюн шеэрлерини янгъын къаплагъан, тютюни тап коклерге котерильген.

Сырларнынъ ачылувы 18:9

Вавилоннен ороспулыкъ япкъан, байлыкъта яшагъан ер юзюнинъ падишалары, оны якъкъан атешнинъ тютюнини корип, аджджы агълайджакълар.

Башланув 19:28

Содом ве Гоморагъа ве бутюн дживарларнынъ этрафларына бакъты. Ер юзюнден тютюн, собадан чыкъкъан дайын, котерильгенини корьди.

Сырларнынъ ачылувы 18:18

шеэрдеки янгъындан чыкъкъан тютюнге бакъып: – Бу буюк шеэрге ошагъан шеэр бармы? – деп къычырдылар,

Энъ яхшы йыр 3:6

– Бу ким экен чёльден чыкъаята? Тютюн диреклери киби, котериле, мюр ве темиз къокъулы мискънинъ, алыш-веришчилернинъ тюрлю къокъулы шейлерининъ къокъусыны даркъата.

Къадылар 20:38

Исраиллилер ве сакълы отургъан адамларнынъ арасында бойле анълашма бар эди: шеэрнинъ ичинде атеш якъылып, шеэрден тютюн котериледжек.

Нун огълу Ехошуа 8:20

Ай аскерлери артларына айланып бакъкъанларында, шеэрден чыкъкъан думан кокке котерильгенини корьдилер. Олардан чёльге къачкъан исраиллилер энди оларны къуваламакъ ичюн артларына айландылар, лякин оларгъа къачмакъ ичюн не огге, не арткъа чареси ёкъ эди.

Сырларнынъ ачылувы 8:7

Биринджи мелек боразан чалды. Къаннен къарышкъан бурчакъ ве атеш пейда олды ве ер юзюне ягъды. Ернинъ учьте бири, тереклернинъ учьте бири ве бутюн ешиль отлар янды.

Йирмея 4:28

Мемкелет агълайджакъ, юкъарыдаки коклер къарараджакъ. Мен айттым, къарар эттим, пешман этмейджегим, ниетимден къайтмайджагъым.

Зекерья 14:6

О куню ярыкъ олмайджакъ, ярыкълаткъан эр шей къатып къаладжакъ.