Джемаат башы 7:4 - Мукъаддес Китап

⁴ Икметлининъ юреги – матем эвинде, ахмакънынъ юреги исе – шенълик эвиндедир.

Джемаат башы 7:4 Referans Kwoze

Хошеа 7:5

Падишанынъ байрамларында башлыкълар шараптан хасталана. Падиша исе макътанчакъларнен анълаша.

Даниял 5:30

О геджеси де къасдийлилернинъ падишасы Белшаццар ольдюрильди,

Йирмея 51:57

Вавилоннынъ башлыкъларыны, акъыллы адамларыны, виляет башлыкъларыны, акимлерини ве аскерлерини сархош этерим де, эбедий юкъугъа даладжакълар ве бир даа уянмайджакълар, – дей Падиша, Онынъ Ады – Ордулар РАББИсидир!

Йирмея 51:39

Амма олар къызышкъанларында, Мен оларгъа байрам япып, эписини сархош этеджегим. Олар кейфленип, эбедий юкъугъа даладжакълар ве уянмайджакълар, – дей РАББИ.

Ешая 21:4

Юрегим ойнай, къоркъудан къалтырайым, эвель сабырсызлыкънен беклеген гедже шимди мени дешет тюбюнде къалдыра.

3 Падишалар 20:16

Уйле вакътында ёлгъа чыкътылар. Бен-Хадад онъа ярдым эткен 32 падишанен берабер ичип, зиль сархош олды.

2 Падишалар 13:28

Авишалом йигитлерине: – Бакъынъыз, Амнон шарап ичип, тавланып башлагъанда, мен сизге: «Амнонны ольдюринъиз», – деп буюрарым. О вакъыт къоркъмайып, оны ольдюринъиз. Бу – меним сизге эмирим. Джесюр ве джесаретли олунъыз, – деп буюрды.

1 Падишалар 30:16

Мысырлы Давутны алып баргъан сонъ, иште, амалеклилер бутюн улькеге даркъалып, Фелестин ве Ехуда ерлеринде чокъ мульк тутып алгъанларына къуванып ашай-иче ве байрам эте эдилер.

1 Падишалар 25:36

Авигаил Навалгъа къайтып кельди, бакъса, онынъ эвинде, падишанынъ эвинде киби, той кете, Навал шенълене, зиль сархош. Шунынъ ичюн Авигаил онъа сабагъадже бир шей айтмады.

Нахум 1:10

Олар сыкъ тикенлик ичинде къарышып къаладжакълар, сархош олгъандже шарап ичеджеклер. Оларнынъ эписи, къуру тобан киби, янып кетеджек.

Джемаат башы 2:1

Озь-озюме: «Къана, мен озюмни бахыт ве шенъликнен сынап бакъайым», – дедим. Амма бу да бош иш олгъаныны анъладым.

Джемаат башы 7:3

Кедер кулькюден яхшыдыр, бет-сымадаки гъам юрек ичюн яхшы.

Джемаат башы 7:5

Икметли адамнынъ тенбиесини динълемек ахмакъларнынъ тюркюлерини динълемектен яхшыдыр.