Джемаат башы 2:3 - Мукъаддес Китап

³ Беденимни шарапнен сынап бакъмакъ къарарына кельдим. Эм де, инсан огъуллары ичюн нелер яхшы ве бу дюньядаки яшайышларнынъ саювлы куньлери девамында олар нелер япмакъ кереклигини бильмек ичюн, юрегим икметли къалып, ахмакълыкъкъа урулмагъа ниетлендим.

Джемаат башы 2:3 Referans Kwoze

Икметли сёзлер 20:1

Шарап мыскъыллай, ички кучьлю сеснен къычыра, оларнынъ артындан эр бир кеткен адам икметли дегиль!

Джемаат башы 1:17

Икметни ве акъылсызлыкънен ахмакълыкъны анъламакъ ичюн, бутюн юрегимнен ынтылдым – бу да ель къувалав олгъаныны анъладым.

Эфеслилерге 5:18

Сархош олгъандже шарап ичменъиз; шу, бозукълыкъкъа алып бара. Аксине, Мукъаддес Рухкъа толунъыз,

Джемаат башы 12:13

Бутюн эшиткенлернинъ нетиджеси бойледир: Алладан къоркъ ве эмирлерини тут. Будыр адамнынъ боюн-борджу.

Джемаат башы 6:12

Адам ичюн яшайышында, къаралты киби кечирген бош яшайышынынъ саювлы куньлеринде не яхшы олгъаныны ким бильсин? Эм де адамгъа, ондан сонъ ер юзюнде не оладжагъыны ким айтып олур?

Матта 6:24

Эки эфендиге кимсе хызмет эталмаз. Я бирисинден нефретленип, башкъасыны север, я бирисине садыкъ олып, башкъасыны кореджек козю олмаз. Сиз эм Аллагъа, эм зенгинликке хызмет этип оламайсыз.

Джемаат башы 7:25

Икмет ве шейлернинъ манасыны тапмакъ, бильмек ве огренмек, яманлыкъ, ахмакълыкъ ве джаилликни анъламакъ ичюн юрегимнен берильдим.

Джемаат башы 7:18

Биринджи огютни алып тут, экинджисини де къолунъдан йиберме. Алладан къоркъкъан адам экисини де тутар.

Джемаат башы 2:24

Ашап-ичмектен ве эткен заметинден зевкъ алмакътан ич бир шей адамгъа яхшы дегиль. Бу да, корьгениме коре, Алладандыр!

Эюп акъкъында китап 14:14

Адам ольген сонъ, сагъ олурмы? Хызметимнинъ бутюн куньлеринде денъишмелер вакътыны беклерим.

1 Падишалар 25:36

Авигаил Навалгъа къайтып кельди, бакъса, онынъ эвинде, падишанынъ эвинде киби, той кете, Навал шенълене, зиль сархош. Шунынъ ичюн Авигаил онъа сабагъадже бир шей айтмады.

Башланув 47:9

Якъуп фыравунгъа: – Ер юзюндеки яшайышыма 130 йылдыр. Кочебе яшайышымнынъ куньлери аз ве ямандыр, эм де деделеримнинъ ер юзюндеки кочебе яшайыш йылларына еталмайлар, – деди.

Къадылар 9:13

Лякин о, джевап къайтарып: «Мен озюмнинъ шарабымны бермектен вазгечейимми? О, Алланы ве инсанларны къувандыра. Мен башкъа тереклернинъ устюнден пытакъларымны саллап турайыммы?» – деди.

Зебур 104:15

«Меним сайлагъанларыма тийменъиз, пейгъамберлериме яманлыкъ этменъиз!»

Джемаат башы 5:18

Эгер Алла адамгъа мал-мульк ве байлыкъ берип, оларнен файдаланмагъа, озь пайыны алмагъа, эм де эткен заметлеринден зевкъ алмагъа имкян берсе, бу – Алладан бахшыштыр.

Джемаат башы 8:15

Сонъ мен шенъликни макътадым, чюнки ер юзюнде адамлар ичюн ашап-ичип шенъленмектен яхшы шей ёкъ. Бу – Алла онъа ер юзюнде берген омрю девамында эткен заметлерининъ махсулыдыр.

Джемаат башы 10:19

Зияфет зевкъ ичюн япылыр, шарап яшайышны шенъ этер, акъча исе эписине джевап берер.