Джемаат башы 11:8 - Мукъаддес Китап

⁸ Эгер адам чокъ яшаса, бутюн омюр девамында шенъленсин, амма къара куньлерни унутмасын, – олар да чокъ олур. Бутюн оладжакъ шей – боштыр.

Джемаат башы 11:8 Referans Kwoze

Юхан 12:35

Иса оларгъа деди: – Даа къыскъа бир вакъыт ичинде ярыкъ сизнен оладжакъ. Къаранлыкъ сизни басмасын деп, ярыкъта юрюнъиз. Къаранлыкъта юрген адам къаерге кетеяткъаныны бильмей.

Къануннынъ текрары 32:29

Ах, акъыллы олып, олар буны анълап бильгейди, оларнен не оладжагъыны анълагъайды!

Ёэль 2:2

Къою къаранлыкъ куню, булут ве тютюн кунюдир о. Чокъ сайылы ве кучьлю халкъ, танъ ярыгъы киби, дагълар бою даркъала. Бойле сою ич бир вакъыт олмады, эм келеджекте яшайджакъ адамларнынъ заманында да олмайджакъ.

Джемаат башы 7:14

Яхшы куньлеринъде бахтлы ол, яман куньлеринъде исе буны тюшюн: эм яхшы, эм яман куньлерни Алла яраткъан, адам онынъ артындан не оладжагъыны бильмез.

Иуда 1:18

Олар сизлерге: «Сонъки вакъытта озь алласыз истеклерининъ артындан юрген мыскъылджылар пейда оладжакъ», – дедилер.

Йирмея 13:16

РАББИни, сизинъ Алланъызны шуретленъиз! Бир кунь О, къаранлыкъ ёллайджакъ, къараргъан дагъларда аякъларынъыз сюрюнип башлайджакъ. Сиз ярыкъ беклейджексиз, Рабби исе оны олюм кольгесине, къою къаранлыкъкъа чевиреджек.

Джемаат башы 8:15

Сонъ мен шенъликни макътадым, чюнки ер юзюнде адамлар ичюн ашап-ичип шенъленмектен яхшы шей ёкъ. Бу – Алла онъа ер юзюнде берген омрю девамында эткен заметлерининъ махсулыдыр.

Джемаат башы 8:12

Гунакяр юз кере яманлыкъ япса да, узун омюр яшай. Амма мен билем ки, Алладан къоркъкъанларгъа, Оны къоркъып яшагъанларгъа яхшы олур.

Джемаат башы 6:11

Чокъ сёз буюк бошлукъ догъура. Адам ичюн бундан не файда?

Матта 22:13

О вакъыт падиша хызметчилерине: «Онынъ къол-аякъларыны багълап, тышарыгъа, къаранлыкъкъа, агълав ве тиш гъыджыртысы ерине ташланъыз», – дей.

Джемаат башы 6:6

Бу адам исе эки кере бинъ йыл яшап да, яхшы шейлеринден зевкъ алмагъан олса биле, эписи бир! Олар экиси де бир ерге кетеджеклер!

Джемаат башы 4:16

Халкъны ве эвель яшагъанларны саймагъа чаре ёкъ эди, амма артындан кельген несиллер оларнен разы олмаз. Бу да – бошуна ве ель къувалавдыр.

Джемаат башы 4:8

Янъгъыз бир адам бар эди, янында не огълу бар эди, не агъа-къардашы. Заметине сонъу олмагъан, зенгинлигине исе козю ич бир вакъыт тоймагъан эди. «Мен ким ичюн замет этем, джанымны яхшылыкътан марум этем?» Бу да – бош шей ве фена иштир.

Джемаат башы 2:26

Алла, Онынъ козюнде яхшы олгъан адамгъа икмет, бильги ве къуванч бере. Гунакяргъа исе, сонъундан Алланынъ огюнде яхшы олгъан адамгъа къалдырсын деп, топлап-джыймакъ къасеветини бере. Бу да бошуна ве ель къувалавдыр!

Джемаат башы 2:19

О адам икметли, я да ахмакъ оладжагъыны ким биле? Мен замет эткен ве ер юзюнде озюмни икметли косьтерген заметимнен о къулланаджакъ. Бу да бошуна.

Джемаат башы 2:17

Бойлеликнен, яшайышны кореджек козюм олмады, чюнки ер юзюнде япылгъан ишлер манъа файдасыз корюнди. Эр шей бошуна ве ель къувалавдыр.

Джемаат башы 2:15

«Ахмакънынъ башына кельгени, меним де башыма келеджек, – дедим озь-озюме. – Ойле олса, о къадар икметли олгъанымдан не файда?» «Бу да бошуна», – деп тюшюндим.

Эюп акъкъында китап 18:18

Оны ярыкътан къаранлыкъкъа къувалайджакълар, ер юзюнден оны ёкъ этеджеклер.

Эюп акъкъында китап 15:23

Долашып, отьмек тилимини къыдырыр, къаранлыкъ куню якъын олгъаныны билир.

Эюп акъкъында китап 14:10

Адам исе къуветсиз олып, олер, гъайып олур, ондан бир шей къалмаз.

Эюп акъкъында китап 10:22

зульмет мемлекетине, зифт къаранлыкъкъа, олюм кольгесине, тек къалабалыкъ олгъан ерге, ярыкъ зульмет киби олгъан ерге кетмезден эвель, озь алыма къалдыр мени.

Джемаат башы 9:7

Бар, шенъликнен отьмегинъни ашап, къуванч иле шарабынъны ич. Алла ишлеринъден энди разы олды.

Джемаат башы 11:2

Сенде олгъанындан еди, атта секиз адамгъа пай айырып бер, чюнки ер юзюнде насыл беля оладжагъындан хаберинъ ёкъ.

Эюп акъкъында китап 10:21

Къайтмагъа ёлу олмагъан ерге кетмезден эвель, къаранлыкъ ве олюм кольгеси ерине,

Эюп акъкъында китап 14:12

Адам да ойле, ятар ве бир даа турмаз, коклер тургъандже уянмаз, юкъусындан уяндырылмаз.

Зебур 49:20

Отурып, къардашынъа къаршы, озь ананънынъ огълуна ялан айтасынъ.