Джемаат башы 10:10 - Мукъаддес Китап

¹⁰ Балтанынъ агъзы токъалланып да къайралмаса, чалышмагъа зор олур, лякин икмет буны догъурлап олур.

Джемаат башы 10:10 Referans Kwoze

Якъуп 1:5

Эгер биринъизнинъ икмети эксик олса, Алладан истенъиз, ве Алла сизге икмет берер. Алла опькелемейип, эписине боллукънен бере.

Колоссайлыларгъа 4:5

Фырсаттан файдаланынъыз, инанмагъанларнен акъылнен арекет этинъиз.

Джемаат башы 10:15

Ахмакънынъ замети оны ёрулта, о, шеэрге кеткен ёлны биле бильмез.

1 Коринтлилерге 14:20

Дин къардашлар, балалар киби тюшюнменъиз. Яманлыкъкъа коре, бала киби къабаатсыз олунъыз, акъылгъа коре исе буюк адамлар киби олунъыз.

3 Падишалар 3:9

Сенинъ халкъынъа укюмдарлыкъ этмек ичюн, яхшылыкъны яманлыкътан айырмакъ ичюн, манъа, Сенинъ къулунъа, анълагъан юрек бер. Сенинъ бойле бир буюк халкъынъа ким укюмдарлыкъ этип оладжакъ?

Римлилерге 16:19

Сизинъ ишанчлыгъынъызны эр кес биле. Мен бунъа къуванам, амма сизлер акъылнен яхшылыкъ япынъыз ве эр бир яманлыкътан вазгечинъиз.

Матта 10:16

‌Мына, Мен сизлерни къашкъыр сюрюсине къойлар киби ёллайым. Сиз йыланлар киби акъыллы ве гогерджинлер киби саде олунъ.

1 Тарих вакъиалары 12:32

Йиссакъар огъулларындан акъыллы адамлар кельген эди. Олар исраиллилерге не заман нени япмагъа кереклигини биле эдилер. Эписи олып, олар 200 къоранта башлыкълары эди ве бутюн къоранталары оларнынъ эмирлерини беджере бар эди.

Къануннынъ текрары 32:41

парылдагъан къылычымны къайрарым, суд этип, къолум оны тутар, душманларымнынъ акътыманыны алырым, Мени кореджек козьлери олмагъанларны джезаларым.

Джемаат башы 2:13

Къаранлыкътан ярыкъ хайырлы олгъаны киби, мен ахмакълыкътан икмет хайырлы олгъаныны корьдим.

Джемаат башы 10:9

Ташлар ташыгъан адам озюне зарар кетирмек мумкюн, одун парлагъан адам да телюкеге къалмакъ мумкюн.

Джемаат башы 10:11

Йылан ырымдан эвель чакъса, ырымджынынъ файдасы олмаз.

Джемаат башы 9:18

Икмет дженк силяларындан яхшыдыр, амма бир гунакяр чокъ яхшылыкъны ёкъ этер.