Джемаат башы 1:9 - Мукъаддес Китап

⁹ Эвель не олгъан олса, кене о олур, эвель не япылгъан олса, кене о япылыр. Ер юзюнде ич бир янъылыкъ ёкъ.

Джемаат башы 1:9 Referans Kwoze

Джемаат башы 3:15

Эвель не олгъан олса, шимди де о, оладжакъ, илериде не оладжакъ олса, о, энди олгъан эди, ве Алла кечмишни къайтарыр.

Джемаат башы 6:10

Дюньяда не олса, онынъ энди ады бар, адамнынъ да не олгъаны белли. О, озюнден кучьлю олгъангъа къаршы чыкъмаз.

Джемаат башы 2:12

Сонъ мен икмет, акъылсызлыкъ ве ахмакълыкъкъа айланып бакътым. Падишалыкъкъа янъы отургъан адам энди япылгъанындан арткъач не япып олур?

Сырларнынъ ачылувы 21:1

Ондан сонъ мен янъы бир кок ве янъы бир ерни корьдим. Эвельки ер ве кок гъайып олды. Денъиз энди ёкъ эди.

Джемаат башы 7:10

«Эвельки куньлер бугунькилеринден не ичюн яхшы олгъанлар?» – деп сорама. Бойле суаль бермеге икметлиге ляйыкъ дегиль.

Йирмея 31:22

Даа чокъ долашаджакъсынъмы, имансыз къыз? РАББИ ер юзюнде насылдыр янъы шей яратаджакъ, апай акъайны къуртараджакъ!

2 Пётр 2:1

Исраиль халкъы арасында яланджы пейгъамберлер бар эди, сизинъ аранъызда да яланджы оджалар оладжакъ. Олар сизинъ аранъызда гизлиден пек зарарлы огретювлерни даркъатаджакълар. Оларны сатын алгъан Эв Саибинден вазгечип, бу адамлар озь башларына тез олюм кетиреджеклер.

Ешая 43:19

Бакъынъыз, янъы бир шей япаджагъым! Мына-мына пейда оладжакъ, аджеба буны да бильмеге истемейсинъиз? Мен сахрада ёл япаджагъым, бакъымсыз ерлерде озенлер акъызаджагъым.

Сырларнынъ ачылувы 21:5

Тахтта Отургъан: – Мен эр шейни янъы этип яратам! – деди. Сонъ манъа: – Буны язып къой, бу сёзлер ишанчлы ве акъикъийдир! – деди.

Джемаат башы 1:10

Базыда: «Бакъ, бу янъылыкътыр!» – деп, бирде-бир шей акъкъында айталар. Амма бу да бизден эвель, кечкен асырларда олгъан эди.