Даниял 8:1 - Мукъаддес Китап

¹ Белшаццар падишалыкъ эткенининъ учюнджи йылында, мен, Даниял, эвель корьген руядан башкъа руяны корьдим.

Даниял 8:1 Referans Kwoze

Даниял 7:1

Вавилон падишасы Белшаццарнынъ падишалыкъ эткенининъ биринджи йылында Даниял тёшегинде яткъанында бир тюш ве руялар корьди. О, руясыны язып алды ве онынъ эсас манасыны анълатты.

Даниял 11:4

Лякин о, кучю арткъан заманында, онынъ падишалыгъы айырыладжакъ, кокнинъ дёрт ели олгъаны киби, дёрт парчагъа болюнеджек. Падишалыкъ онынъ эвлятларына кечмейджек ве онынъ вакътында олгъан кучю даа олмайджакъ. Падишалыгъы парча-кесек олып, башкъа адамларгъа бериледжек.

Даниял 10:7

Янъгъыз мен, Даниял, буны корьдим. Янымда олгъан адамлар исе ич бир шейни корьмеди, амма олар пек къоркътылар ве сакъланмагъа къачтылар.

Даниял 10:2

О куньлери мен, Даниял, учь афта матем тута эдим.

Даниял 9:2

мен, Даниял, китаплардан анъладым ки, Ерусалим 70 йыл бакъымсыз оладжакъ. Буны РАББИ Йирмея пейгъамберге хабер эткен эди.

Даниял 8:15

Мен, Даниял, корьген руямнынъ манасыны тюшюнип отургъанымда, акъайгъа ошагъан бири къаршымда турды.

Даниял 7:28

Мына, айтылгъан сёзлер мында бите. Тюшюнджелерим мени (Даниялны) пек раатсыз этти. Чырайым бозулды, амма айтылгъан сёзлерни мен юрегимде сакъладым.

Даниял 7:15

Меним (Даниялнынъ) рухум тенимде титреди, корьген руяларым мени раатсыз этти.

Ехезкель 1:1

30-ынджы йылы, дёртюнджи айынынъ бешинджи кунюнде мен Кевар озенининъ ялысында сюргюн этильгенлернинъ арасында эдим. О вакъыт коклер ачылды, ве мен Алладан кельген руяларны корьдим.

Даниял 1:17

Алла бу дёрт огълангъа бильги, акъыл ве эр бир китапны анъламакъны берди. Даниялгъа исе даа тюрлю руя ве тюшлерни анъламакъны берди.

Даниял 8:2

Руямда мен Элам виляетиндеки Шушан къалесинде, Улай дерьясы янында эдим.