Даниял 7:5 - Мукъаддес Китап

⁵ Экинджи айван аювгъа ошай эди. Бир тарафы башкъа тарафына бакъкъанда, чокъ котерильген эди. Агъзында, тишлери арасында учь къабургъа кемиги бар эди. Онъа: «Тур, тойгъандже чокъ эт аша!» – айтылгъан эди.

Даниял 7:5 Referans Kwoze

Даниял 2:39

Сенден сонъ сенинъ падишалыгъынъдан бетер олгъан башкъа падишалыкъ оладжакътыр. Сонъ даа учюнджи, бакъыр падишалыкъ бутюн дюньяда акимдарлыкъ этеджектир.

Хошеа 13:8

Балаларындан айырылгъан аюв анасы киби, оларгъа атыладжагъым ве кокреклерини йыртаджагъым. Арслан киби, оларны анда ашайджагъым, кийик айванлар оларны парчалайджакъ.

Даниял 11:2

Шимди исе санъа акъикъатны ачайым: Фарста даа учь падиша пейда оладжакъ. Сонъ дёртюнджи падиша келип, анавы учюнден бай оладжакъ. Онынъ байлыгъы онъа буюк къудрет береджек, ве о, эр кесни Юнанистан падишалыгъына къаршы турсатаджакъ.

Даниял 5:28

Перес – падишалыгъынъ болюнген ве мадайлыларнен фарслыларгъа берильгендир.

Ешая 56:9

Эй, эписи кийик айванлар, ормандаки бутюн айванлар! Ашамагъа келинъиз!

Икметли сёзлер 17:12

Яврусындан айырылгъан аювны расткетирмек акъылсызны ахмакълыгъында расткетирмектен яхшыдыр.

4 Падишалар 2:24

Эль-Яса айланып, оларны корьди ве РАББИни чагъырып, оларны къаргъады. Ормандан эки аюв анасы чыкъып, балаларнынъ къыркъ эки данесини парчаладылар.

Сырларнынъ ачылувы 13:2

Мен корьген айван леопардгъа ошай эди. Аякълары аювнынъ аягъына, агъзы арсланнынъ агъзына ошай эди. Аждерха онъа озь къудретини, тахты ве буюк акимлигини берди.

Даниял 7:4

Биринджи айван арслангъа ошай эди, лякин къартал къанатлары бар эди. Мен бакъып тургъанда, онынъ къанатлары оськен ерлеринден чекип чыкъарылды, о, ерден котерильди ве адам киби аякъкъа къоюлды. Онъа бир адам юреги де берильди.

Даниял 7:6

Сонъ бакъсам, леопардгъа ошагъан бир айванны корьдим. Аркъасында дёрт къуш къанаты бар эди. Бу айваннынъ дёрт башы да бар эди. Бу айвангъа падишалыкъ япмагъа кучю берильген эди.