Даниял 4:32 - Мукъаддес Китап

³² Ер юзюнде эписи яшагъанлар бир шей дегиллер. О, эм коктеки ордунен, эм ер юзюнде яшагъанларнен Озю истегенини эте. Онынъ къудретли къолуны кимсе токътатып оламаз! Ондан: «Сен не япасынъ?» – деп кимсе сорап оламаз!

Даниял 4:32 Referans Kwoze

Даниял 5:21

О, адамлардан къувулгъан эди, ве онынъ юреги кийик айван юреги дайын олды. Алла-Тааля адамларнынъ падишалыгъына акимдарлыкъ эткенини ве падишалыкъкъа озю истегенини къойгъаныны анъламагъандже, о, кийик эшеклернен яшады, онъа, бугъагъа киби, от ашата эдилер, бедени исе коктеки чыкънен сылана эди.

Йирмея 27:5

«Мен ер юзюни, адамларны ве ер юзюндеки айванларны Озюмнинъ буюк къудретимнен, кучьлю къолумнен яраттым ве Озюм истеген адамнынъ къолуна бердим.

Нун огълу Ехошуа 4:24

Шунынъ ичюн ер юзюндеки бутюн халкълар бильсинлер: РАББИнинъ къолу кучьлюдир. Сизлер исе омрюнъиз боюнджа Алланъыз олгъан РАББИден къоркъунъыз».

Чыкъыш 9:29

– Мен шеэрден чыкъып, къолларымны котерип, РАББИге дува этеджегим, – деп джевапланды Муса. – Ер юзю – РАББИнинъ мулькю олгъаныны биль деп, кок гурюльтилери токътар ве бурчакъ башкъа олмаз.

Чыкъыш 8:10

Фыравун онъа: – Ярын, – деди. Муса онъа: – Айткъанынъ киби олур. Бойледже биль: Алламыз олгъан РАББИ киби кимсе ёкъ.

Ешая 37:20

Шимди исе, РАББИм, бизим Алламыз, бизни олардан къуртар. Бутюн ернинъ падишалыкълары бильсин ки, бирден-бир РАББИ – Сенсинъ.

Чыкъыш 9:14

– Эгер йибермесенъ, бутюн дюньяда Манъа ошагъан кимсе олмагъаныны биль деп, бу сефер сенинъ, хызметчилеринъ ве халкъынъ башына эписи беляларны ёлларым.

Ешая 45:3

санъа къаранлыкъта сакълагъан хазинелерни, гизли байлыкъларны береджегим. Сонъра сен биледжексинъ ки, Мен – РАББИм, Исраильнинъ Алласыдырым, сени адынънен чагъырам.

2 Тарих вакъиалары 33:13

О, Онъа дува этти, ве Алла онъа къулакъ асты, онынъ ялварувыны эшитти ве оны Ерусалимге падишалыгъына къайтарды. О заман Менашше Алла РАББИ олгъаныны анълады.

Даниял 2:21

О, заман ве йылларны денъиштире, падишаларны алып ташлай ве тахткъа чыкъара, акъыллы адамларгъа – акъыл, бильгили адамларгъа – бильги бере.

Даниял 4:31

О куньлер кечкен сонъ исе, мен, Невукъаднеццар, кокке бакътым, ве меним акъыл-идрагъым озюме къайтты. Мен Алла-Таалягъа шукюрлер эттим. Эбедий Яшагъанны урьмет эттим ве Оны намлы сайдым. Онынъ акимдарлыгъы эбедиендир, Онынъ падишалыгъы несильден несильге кече.

Эюп акъкъында китап 9:12

Эгер О, бир шей алмагъа истесе, Оны кимсе токътатып оламаз, «Недир эткенинъ?» – деп кимсе айтып олмаз.

Эюп акъкъында китап 42:2

– Сен эр шейни япып оладжагъынъны билем, ич бир ниетинъ токътатылмаз.

Зебур 115:3

Манъа япкъан бутюн яхшылыкълары ичюн, РАББИни насыл такъдирлерим?

Зебур 135:6

ерни сувлар устюне пекитти, – акъикъатен эбедийдир Онынъ севгиси, –

Ешая 40:15

РАББИ ичюн миллетлер – къопкъадаки сув тамчысы, теразедеки тоз зерреси кибидир. Мына, индже тоз киби, адаларны котере.

Ешая 40:17

РАББИнинъ огюнде эписи миллетлер – ич бир шей кибидир, ич бир шейден ашагъы, бошлукъ дайын сайыла.