Даниял 2:12 - Мукъаддес Китап

¹² Падиша бунъа гъазапланды ве пек ачувланды. О, Вавилондаки эписи акъыллы адамларны къырмагъа эмир этти.

Даниял 2:12 Referans Kwoze

Даниял 3:13

Невукъаднеццар гъазапланып ве ачувланып, Шадракъ, Мешакъ ве Авед-Негоны кетирмеге эмир этти. Бу акъайлар падишагъа кетирильдилер.

Матта 2:16

Ирод исе, тылсымджы алимлер оны алдаткъанларыны корип, пек ачувланды ве, олардан билип алгъан вакъыткъа коре, Вифлеемде ве онынъ этрафында эки яшына етмеген эписи огълан балаларны ольдюрмек ичюн аскер ёллады.

Даниял 3:19

О вакъыт Невукъаднеццар Шадракъ, Мешакъ ве Авед-Негогъа гъазапланды, ве олар онынъ козюнден чыкътылар. О, собаны адети узьре якъкъанларындан еди къат кучьлюдже якъмагъа эмир этти.

Зебур 76:10

Алла мерамет эйлемекни унуткъанмы, шефкъатыны гъазап къапладымы?» Сэла

Даниял 2:5

Падиша джевап берип, къасдийлилерге: – Сёзюм къатты. Эгер сизлер манъа тюшни ве онынъ манасыны айтмасанъыз, парча-парча кесиледжексинъиз, эвлеринъиз де кубре обалары олур.

Икметли сёзлер 29:22

Ачувлы адам къавгъа чыкъара, гъазаплы да чокъ акъсызлыкъ япа.

Икметли сёзлер 20:2

Падишанынъ гъазабы арсланнынъ окюрюгине ошай, оны ачувлаткъан озь джанына зарар кетире.

Икметли сёзлер 19:12

Падишанынъ гъазабы арсланнынъ окюрюгине ошай, онынъ разылыгъы исе – отнынъ устюнде чыкъ кибидир.

Икметли сёзлер 16:14

Падишанынъ гъазабы – олюм хаберджиси, лякин икметли адам оны ятыштырыр.

Эюп акъкъында китап 5:2

Ахмакъны ачувы ольдюрир, акъылсызны пахыллыгъы гъайып этер.

Матта 5:22

Мен исе сизге айтам: ким агъа-къардашына кин тутса биле, махкемеде къабаатлы сайыладжакъ. Ким бирисине «къабакъ баш» десе, Юксек Шура огюнде къабаатлы сайыладжакъ. Ким бирисине «акъылсыз кяфир» десе, джеэннем атешине огърамагъа ляйыкъ оладжакъ.

Даниял 2:24

Бундан сонъ Даниял Арьёкъкъа кельди (падиша Арьёкъкъа Вавилоннынъ акъыллы адамларыны ольдюрмеге буюргъан эди). Онъа келип: – Вавилондаки акъыллы адамларны ольдюрме. Мени падишагъа кирсет, ве мен онъа тюшнинъ манасыны тарифлерим, – деди.

Даниял 5:19

Онъа берген буюклигининъ огюнде эписи халкълар, миллетлер ве тиллер къалтырай ве ондан къоркъа эдилер. О, истегенини ольдюре эди, истегенини сагъ къалдыра эди, истегенини юксельте эди, истегенини алчата эди.