Даниял 10:5 - Мукъаддес Китап

⁵ Козьлеримни котерип бакъсам, кетен урбасына кийинген, белине темиз алтындан къушакъ багълангъан бирини корьдим.

Даниял 10:5 Referans Kwoze

Ехезкель 9:2

О вакъыт шималий Юкъары Къапу тарафындан келеяткъан алты кишини корьдим. Эр бирисининъ къолунда ёкъ этиджи силясы бар эди. Оларнен берабер даа бир кимсе келе эди, онынъ устюнде кетен урбасы, белинде де кятипнинъ алетлери бар эди. Олар келип, бакъыр къурбан ерининъ янында турдылар.

Йирмея 10:9

Кумюш япракълары Таршиштен кетирильди, алтын Уфаздан кельди, уста къуюмджынынъ къоллары оларны ясады, оларнынъ устюне мор ве мавылы къырмызы урба кийдирильди, путларнынъ эписи – акъыллы усталарнынъ ишидир.

Нун огълу Ехошуа 5:13

Куньлерден бири Ехошуа Ерихоннынъ янында олгъанында, козьлерини котерип, къолунда къылычы олгъан адамны корьди. Онынъ янына барып, Ехошуа: – Сен бизимкилеринден я да душманларымыздансынъмы? – деди.

Эфеслилерге 6:14

Шунынъ ичюн, белинъизни акъикъатнен багъланъыз, кокрегинъизге догърулыкъ зырхыны такъынъыз,

Зекерья 1:8

Геджесинен корьгеним будыр: мына, сары аткъа минген адам вадийде, мирт тереклери арасында отура. Аркъасында исе сары, къаверенки ве беяз атлар бар эди.

Ешая 11:5

Инсафлыгъы – белине багълагъан къушакъ киби, ишанчлылыгъы – янбашына багълагъан къушакъ киби оладжакъ!