Чыкъыш 9:6 - Мукъаддес Китап

⁶ Айланыр куню РАББИ буны да япты. Мысырлыларнынъ эписи айванлары олип кеттилер, Исраиль огъулларынынъ айванларындан исе бири биле ольмеди.

Чыкъыш 9:6 Referans Kwoze

Чыкъыш 9:25

Бурчакъ бутюн Мысыр топрагъы бою, тарлаларда олгъан бутюнини: адамдан башлап айвангъадже, – эписини къырды. Тарлада оськен эписи осюмликлерни урды, тарлада оськен эписи тереклерни сындырды.

Чыкъыш 8:22

О куню халкъым яшагъан Гошен топрагъыны айырырым, ве анда чибинлер олмаз. О заман, Мен – РАББИ, бу топракъта олгъанымны билирсинъ.

Чыкъыш 9:4

Амма РАББИ исраиллилернинъ айванларыны мысырлыларнынъ айванларындан айырыр, Исраиль огъулларынынъ бутюн айванларындан бири биле ольмез.

Чыкъыш 9:5

РАББИ вакътыны бильдирип: «Бу мемлекетте Мен буны ярын этеджегим», – деди.

Чыкъыш 9:26

Бурчакъ тек Исраиль огъуллары отургъан Гошен виляетинде олмады.

Чыкъыш 12:29

Яры геджеде РАББИ Мысыр топрагъында олгъан эписи биринджи догъгъан балаларны, тахтында отургъан фыравуннынъ биринджи догъгъан баласындан башлап, зинданда отургъан эсирнинъ биринджи догъгъан баласынадже, ве айванларнынъ бутюн биринджи балаларыны ольдюрди.

Чыкъыш 12:12

Мен тамам бу геджеси Мысыр топрагъындан кечерим ве адамдан башлап айванларгъа баргъандже, Мысыр топрагъында олгъан эр бир биринджи догъгъан баланы ольдюририм ве эписи Мысыр аллаларыны джезаларым. Мен – РАББИм.