Чыкъыш 8:9 - Мукъаддес Китап

⁹ Муса фыравунгъа: – Бакъалар сенде, халкъынъда, эвлеринъде ёкъ олып, тек дерьяда къалсынлар деп, сен ичюн, хызметчилеринъ ве халкъынъ ичюн дува этеджегимнинъ вакътыны бильдир, – деди.

Чыкъыш 8:9 Referans Kwoze

Ешая 10:15

Балтанен ишлеген адамгъа къаршы балта котерилип олурмы? Пычкъынен чалышкъан адамнынъ огюнде пычкъы макътанырмы? Таякъ оны котергенни саллармы? Сопа терек олмагъан адамны котерирми?

3 Падишалар 18:25

Ильяс Баалнынъ пейгъамберлерине: – Бир бугъаны сайлап алынъыз ве биринджи олунъыз, чюнки сизлер чокълукъсынъыз. Алланъызны чагъырынъыз, амма одунларны якъманъыз, – деди.

Къадылар 7:2

РАББИ Гидонгъа: – Сеннен берабер пек чокъ адам бар. Мидьянлыларны сизинъ къолунъызгъа бермем. Ёкъса исраиллилер Меним огюмде бурунларыны котерип, озюмиз озьлеримизни къуртардыкъ, дейджеклер.

Чыкъыш 8:8

Сонъ фыравун, Мусанен Харунны чагъыртып, оларгъа: – Менден ве халкъымдан бакъаларны ёкъ этсин деп, мен ичюн РАББИге дува этинъиз. Сонъ, РАББИге къурбан чалмакъ ичюн, Исраиль халкъыны йиберерим, – деди.

Чыкъыш 8:10

Фыравун онъа: – Ярын, – деди. Муса онъа: – Айткъанынъ киби олур. Бойледже биль: Алламыз олгъан РАББИ киби кимсе ёкъ.

Чыкъыш 7:25

РАББИ дерьяны харап эткенине еди кунь толды.

Чыкъыш 8:11

Бакъалар сенден, эвлеринъден, хызметчилеринъден ве халкъынъдан кетерлер. Олар тек Нил дерьясында къалырлар, – деп джевап берди.

Сайылар 14:20

– Сенинъ сёзюнъе коре оларны багъышлайым, – деди РАББИ Мусагъа.