Чыкъыш 7:23 - Мукъаддес Китап

²³ Фыравун айланып эвине кетти. Бу шейлер онъа тесир этмеди.

Чыкъыш 7:23 Referans Kwoze

Малакий 2:2

Эгер сиз Мени динълемесенъиз ве Адымны джан-юректен шуретлемесенъиз, – дей Ордуларнынъ РАББИси, – башынъызгъа къаргъыш ягъдыраджагъым, хайыр дуваларынъызны къаргъышларгъа чевиреджегим. Оларны энди къаргъышкъа чевирдим, чюнки джан-юректен Мени шуретлемеге истемейсинъиз.

Хавакъкъукъ 1:5

– Башкъа халкъларгъа бакъынъыз, къулакъ асынъыз ве шашып къалынъыз! Сизинъ куньлеринъизде ойле бир иш япаджагъым ки, эгер сизге айтып берселер, инанмаз эдинъиз.

Ехезкель 40:4

Адам манъа: – Инсан огълу! Козьлеринънен бакъ ве къулакъларынънен динъле, – деди. – Санъа косьтереджек шейлерге дикъкъат эт, сени мында, мен санъа эр шейни косьтерейим деп, кетирдилер. Бутюн корьгенлеринъни Исраиль халкъына айтып береджексинъ.

Йирмея 36:24

Бу сёзлернинъ эписини эшиткен не падиша, не бутюн хызметчилери къоркъмадылар, урбаларыны йыртмадылар.

Йирмея 5:3

Я РАББИ, козьлеринъ акъикъатны корьмейджекми? Сен оларны урдынъ – олар такъаттан кесильмеди; къырып ташладынъ – джезаны къабул этмеге истемейлер, таштан къатты олдылар, тёвбе этмеге истемедилер.

Ешая 26:11

Я РАББИ! Сен къолунъны юкъары котердинъ, амма олар корьмейлер. Сен халкъынъны севгенинъни корип, утанаджакълар, атешинъ душманларынъны ашап битиреджек.

Икметли сёзлер 29:1

Сыкъ опькени эшитип, юрегини инатландыргъан адам апансыздан эляк олур, – арткъа ёлу олмаз.

Икметли сёзлер 24:32

Корьгенлеримден тюшюнджеге далдым, ве бойле дерс алдым:

Икметли сёзлер 22:17

Къулакъ асып, икметли адамларнынъ сёзлерини динъле, юрегинъ бильгиме дикъкъат этсин.

Зебур 62:10

Амма джанымны ёкъ этмеге истеген адамлар ернинъ теренлигине тюшип кетсинлер.

Эюп акъкъында китап 7:17

Адамларгъа не о къадар къыймет кесесинъ? Неден токътамайып олар акъкъында тюшюнесинъ?

1 Падишалар 4:20

Олюм алында яткъанда, янындаки къадынлар онъа: – Къоркъма, сен огъул таптынъ, – дедилер. О исе кимсеге джевап бермей, къулакъ асмай эди.

Къануннынъ текрары 32:46

Муса оларгъа: – Мен сизге бугунь айткъан бу сёзлерни акъылларынъызда тутунъыз, бу Къанун сёзлерининъ эписини тутып беджермеге балаларынъызгъа эмир этинъиз.

Чыкъыш 9:21

РАББИнинъ сёзлерине къулакъ асмагъан адамлар исе сюрюлеринен къулларыны тарлада къалдырдылар.

Чыкъыш 7:22

Амма Мысыр тылсымджылары озь тылсымларынен айны шуны яптылар. Фыравуннынъ юреги таш киби олды, ве о, РАББИ айткъаны киби, Мусанен Харунны динълемеди.

Чыкъыш 7:24

Эписи мысырлылар ичмеге сув тапмакъ ичюн, дерья янындаки ерни къазып башладылар, чюнки озендеки сувны ичип оламай эдилер.

Чыкъыш 9:20

Фыравуннынъ хызметчилеринден базылары РАББИнинъ сёзлеринден къоркъып, озь сюрюлеринен къулларыны ашыкъып эвлерине джыйдылар.

Икметли сёзлер 28:14

Эр бир заман РАББИден къоркъкъан адам бахтлыдыр, инатлангъан адамнынъ башына исе беля тюшер.

Ешая 47:7

«Омюрбилля ханым-эфенди оладжагъым», – айта эдинъ, амма бундан сонъ нелер оладжагъыны акълынъда тюшюнмединъ.