Чыкъыш 3:1 - Мукъаддес Китап

¹ Муса мидьянлы руханий олгъан къайнатасы Йитронынъ къой-эчкилерини бакъа эди. Куньлерден бири о, сюрюни сахранынъ узакъ ерине айдады ве Хорев деген Алланынъ дагъына кельди.

Чыкъыш 3:1 Referans Kwoze

3 Падишалар 19:8

Ильяс турып, ашады-ичти ве шу аштан такъат алып, 40 кунь ве 40 гедже кетип, Алланынъ дагъы олгъан Хоревге кельди.

Чыкъыш 17:6

Иште, Мен алдынъа Хоревдеки къая устюнде турарым. Сен къаягъа урарсынъ, ве ондан сув чыкъар. Оны халкъ ичер, – деди. Исраиль акъсакъалларынынъ козьлери огюнде Муса ойле де япты.

Сайылар 10:29

Муса мидьянлы Реуэлнинъ огълу Ховавгъа (Реуэл Мусанынъ къайнатасы эди) бойле деди: – РАББИ бизге бермеге сёз берген ерге ёлгъа чыкъамыз. Бизнен юр, санъа бизнен яхшы олур. РАББИ Исраильге яхшылыкъ япаджагъына сёз берди.

Малакий 4:4

– Къулум Мусанынъ Къануныны акъылларынъызда тутунъыз. Мен бу Къанунны, эм де низамнамелерни ве къарарларны Хорев дагъында бутюн Исраиль ичюн буюрдым.

Къадылар 4:11

О заманларда кенли Хевер кенлилерден, Мусанынъ къайнатасы олгъан Ховавнынъ огъулларындан айрылып, Кедеш якъынларындаки Цаананним эменининъ тюбюнде чадырларыны ерлештирди.

Чыкъыш 19:11

Учюнджи куньге азыр олмакъ ичюн, озь урбаларыны ювсунлар. Учюнджи куню бутюн халкънынъ козю огюнде РАББИ Синай дагъына энер.

Лука 2:8

О ернинъ этрафларында чобанлар бар эди, олар чёльде яшап, геджелери къой сюрюсини къаравуллай эдилер.

Зебур 106:19

Беляда РАББИден ярдым истедилер, ве О, оларны азапларындан къуртарды.

Къануннынъ текрары 4:10

О куню сиз Алланъыз олгъан РАББИнинъ огюнде Хорев еринде турмакъта эдинъиз. О вакъыт РАББИ манъа: «Халкъны Меним огюмде топла. Мен оларгъа эмирлеримни береджегим. Олар омюрбилля Менден къоркъмагъа огренеджеклер ве огъулларыны да бунъа огретеджеклер», – деди.

Къануннынъ текрары 1:6

– Алламыз олгъан РАББИ Хорев еринде бизге бойле айтты: Бу дагъларда яшагъанынъыз етер!

Чыкъыш 24:13

Муса ярдымджысы Ехошуанен барып, Алланынъ байырына котерилип башлады.

Чыкъыш 19:3

Муса Алланынъ огюне котерильди. РАББИ дагъдан оны чагъырып: – Якъупнынъ эвлятларына, Исраиль огъулларына бойле деп айт ве хабер эт:

Чыкъыш 3:5

– Якъын кельме, – деди Алла. – Аякъларынъдан аякъкъапларынъны чыкъар. Сен тургъан ер – мукъаддес ердир.

Чыкъыш 2:16

Мидьяндаки руханийнинъ еди къызы бар эди. Олар, шу къуюгъа келип, бабаларынынъ къой-эчкилерине сув бермек ичюн, сув чекип ашлавларны толдурдылар.

Амос 1:1

Амоснынъ пейгъамберлик сёзлери. О, Текъоя шеэринде бир айванасравджы эди. Амос Ехуда падишасы Уззиянынъ куньлеринде ве Исраиль падишасы Ёашнынъ огълу Еровоам куньлеринде, зельзеледен эки йыл эвельси, Исраиль акъкъында руялар корьди.

Чыкъыш 4:27

РАББИ Харунгъа: – Мусаны къаршыламакъ ичюн, сахрагъа кет, – деди. Харун кетип, Мусанен Алланынъ дагъы янында корюшип, опюшти.

Чыкъыш 2:21

Муса бу адамда яшамагъа разы олды. Сонъ о адам озь къызы Циппораны Мусагъа акъайгъа берди.

Чыкъыш 2:18

Къызлар озь бабалары Реуэлге келип, бабасы олардан: – Бугунь не ичюн о къадар тез кельдинъиз я? – деп сорады.

Фаалиет 7:30

Къыркъ йыл кечкен сонъ, Синай дагъы янындаки сахрада янаяткъан чалынынъ алеви ичинден Мусагъа Мелек корюнди.

Чыкъыш 3:12

– Мен сеннен олурым. Сени Мен ёллагъаным акъкъында олгъан алямет будыр: сен халкъны Мысырдан алып чыкъкъан сонъ, бу дагънынъ устюнде Аллагъа ибадет этерсинъиз, – деди Алла.

Чыкъыш 4:18

Муса кетип, къайнатасы олгъан Йитрогъа къайтты. Онъа: – Мен Мысырда олгъан халкъыма къайтайым. Олар даа сагъмы-ёкъмы экен бакъайым, – деди. Йитро Мусагъа: – Аман-эсен бар, – деди.

Чыкъыш 18:12

Сонъ Мусанынъ къайнатасы Йитро Аллагъа бутюнлей якъылгъан ве башкъа къурбанлар чалды. Алланынъ огюнде Мусанынъ къайнатасынен берабер аш ашамакъ ичюн, Харун ве Исраильнинъ акъсакъаллары кельдилер.

Чыкъыш 19:2

Рефидимден чыкъып, Синай сахрасына кельдилер ве анда, сахрада, ордунен ерлештилер. Исраиллилер анда, дагънынъ къаршысында орду олып ерлешти.

Чыкъыш 33:6

Исраиллилер Хорев деген дагънынъ янында устьлеринден ильванларыны чыкъардылар.

Къануннынъ текрары 1:2

(Хорев еринден Къадеш-Барнеа шеэринедже Сеир дагъларындан кечип кеткен ёлнынъ узунлыгъы он бир куньлюктир.)

Сайылар 10:33

Сонъ, ерлешеджек ерни сайламакъ ичюн, олар РАББИнинъ дагъындан учь куньлюк ёлгъа чыкътылар. РАББИнинъ Васиет Сандыгъы учь кунь девамында оглеринде кете эди.

1 Падишалар 16:11

Сонъра о: – Эписи огъулларынъ мындамы? – деп Йишайдан сорады. – Даа кичиги бар. О, къой-эчкилерни бакъа, – деди Йишай. – Бир адамны ёлла да, оны кетирт. О, мында кельмегендже, уйле ашына отурмамыз, – деди Йишайгъа Смаил.

3 Падишалар 19:19

Ильяс андан кетип, Шафат огълу Эль-Ясаны тапты. Эль-Яса о вакъыт он эки чифт бугъасынен топракъ сюре эди. О, он экинджи чифтининъ янында эди. Ильяс Эль-Ясанынъ янындан кечеяткъанда, онынъ устюне озь урбасыны атты.