Чыкъыш 28:4 - Мукъаддес Китап

⁴ Олар тикеджек урбалар булардыр: кокректеки торба, эфод, усть урба, нагъышлангъан тюп урба, чалма ве бель къушагъы. Агъанъ Харун ве онынъ огъуллары Меним руханийлерим олсун деп, оларгъа азиз урбалар тиксинлер.

Чыкъыш 28:4 Referans Kwoze

Сырларнынъ ачылувы 9:17

Мен руяда атларны ве атлыларны корьдим: атлыларнынъ атешли къырмызы, мавы ве сары, кукюрт тюсте зырхлары бар эди. Атларнынъ башы арслан башына ошай, агъызларындан атеш, тютюн ве кукюрт чыкъып тура эди.

Эфеслилерге 6:14

Шунынъ ичюн, белинъизни акъикъатнен багъланъыз, кокрегинъизге догърулыкъ зырхыны такъынъыз,

1 Тессалоникелилерге 5:8

Лякин биз, куньдюзнинъкилер олып, айыныкъ олайыкъ, иман ве севгини, кокрек къорчаламасы киби, ве къуртулыш умютини, башлыкъ киби, кийип отурайыкъ.

Ешая 59:17

Устюне бир зырх киби, догърулыкъны кийди, Озь башына башлыкъ киби, къуртарувны къойды. Акътыман урбасыны кийди, гъазапнен, япынджанен киби, устюни къаплады.

Ешая 11:5

Инсафлыгъы – белине багълагъан къушакъ киби, ишанчлылыгъы – янбашына багълагъан къушакъ киби оладжакъ!

2 Падишалар 6:14

Давут, кетен эфод кийип, бар кучюнен РАББИнинъ огюнде ойнай эди.

1 Падишалар 30:7

Давут РАББИден, Алласындан кучь алып, Ахимелех огълу Авиатаргъа: – Манъа эфодны кетир, – деди. Авиатар эфодны Давуткъа кетирди.

1 Падишалар 23:6

Ахимелек огълу Авиатар Давуткъа Кеилагъа кельгенде, озюнен берабер эфодны кетирген эди.

1 Падишалар 22:18

Падиша Доэгге: – Сен бар, руханийлерни ольдюр, – деди. Эдомлы Доэг кетип, руханийлерге атылды ве шу куню кетен эфод кийген сексен беш адамны ольдюрди.

1 Падишалар 2:18

Генч Смаил, кетен эфод кийип, РАББИге хызмет эте башлады.

Чыкъыш 39:28

Индже ишленген кетенден чалманы, башларына саргъыларыны, тюп урбаны япты.

Чыкъыш 25:7

эфод ве кокректеки торба ичюн шохам деген къыйметли ташлар ве дигер, козьлерге къоюлгъан къыйметли ташлар.

Чыкъыш 29:6

Башына чалманы кийдир, чалманынъ устюне Азизлик Таджыны пекит.

Хошеа 3:4

Исраиллилер чокъ вакъыт ичинде падишасыз, ёлбашчысыз яшайджакъ. Оларнынъ не къурбанлары, не къурбан ери, не эфод, не эв путлары оладжакъ.