Чыкъыш 27:9 - Мукъаддес Китап

⁹ Сонъ Мескеннинъ азбарыны яса. Азбарнынъ дженюп тарафы ичюн индже ишленген кетенден безлер яп. Узунлыгъы азбар бою 50 метр олсун.

Чыкъыш 27:9 Referans Kwoze

Ехезкель 42:3

Бу бина ички азбарнынъ он метр узунлыгъындаки мейданнынъ ве тышкъы азбарнынъ таш темелининъ арасында ерлеше эди. О, учь къатлы эди, онынъ галереялары бир-бири устюнде ерлешкен эди.

Ехезкель 40:44

Ички къапуларнынъ тыш тарафында, ички азбарда эки ода бар эди. Бир ода шималь къапусынынъ янында олып, дженюпке бакъа; башкъа ода дженюп къапусынынъ янында олып, шимальге бакъа эди.

Ехезкель 40:32

Сонъра бу адам мени куньдогъуш къапусындан ички азбаргъа алып барды. Бу къапунынъ ольчюси башкъаларынен айны эди.

Ехезкель 40:28

Сонъра адам мени дженюп къапудан ички азбаргъа кетирди ве къапуны ольчеди. Онынъ ольчюси де башкъаларынен айны эди.

Ехезкель 40:23

Куньдогъушкъа бакъкъан къапунынъ къаршысында олгъаны киби, шимальге бакъкъан къапунынъ къаршысында да бир ички азбаргъа кирсеткен къапу бар эди. Тышкъы азбарнынъ къапусындан ички азбарнынъ къапусынадже 50 метр эди.

Ехезкель 40:20

Сонъра о, тышкъы азбарнынъ шимальге бакъкъан къапусынынъ узунлыгъыны ве кенълигини ольчеди.

Ехезкель 40:14

Сонъ о, аятнынъ узунлыгъыны ольчеди. 30 метр чыкъты. Азбар къапусынынъ эки колонналарыны да эки тарафтан ольчеди.

Зебур 100:4

Бозукъ юрек менден узакълашыр, яманлыкънен багълы олмам.

Зебур 84:10

Акъикъатен, Алладан къоркъкъанларгъа къуртулыш пек якъындыр, бизим топрагъымызда шурети битмесин!

2 Тарих вакъиалары 33:5

РАББИнинъ Сарайынынъ эки азбарында да о, коклернинъ ордусына къурбан ерлерини къурды.

3 Падишалар 8:64

Кене шу куню падиша, РАББИ Сарайынынъ огюндеки азбарнынъ орта къысмында бутюнлей якъыладжакъ къурбанлар чалып, ашлыкъ бахшышларыны кетирип ве аманлыкъ къурбанларынынъ ягъыны якъып, оны азиз этти. РАББИнинъ огюндеки бакъырдан япылгъан къурбан ери эписи бутюнлей якъыладжакъ къурбанлар, ашлыкъ бахшышлары ве аманлыкъ къурбанларынынъ ягъы ичюн азлыкъ этти.

3 Падишалар 6:36

Сарайнынъ азбарыны учь къат тегизленген ташлардан яптырды, бир къатыны кедр тереклеринден яптырды.

Чыкъыш 40:8

Азбарны безлернен къоралап, азбарнынъ къапусына пердени ас.

Чыкъыш 39:40

азбарнынъ перделерини, онынъ диреклеринен темеллерини ве азбарнынъ къапуларында олгъан пердени, къазычыкъларыны ве йиплерини, Мескеннинъ Корюшюв Чадырында ибадет этмек ичюн олгъан эписи алетлерни,

Чыкъыш 36:17

Безлерден япылгъан эки парчаны багъламакъ ичюн, биринджи без парчасынынъ четинде 50 ильмек япты, экинджи онен багъланаджакъ парчанынъ четине де 50 ильмек япты.

Чыкъыш 27:10

Безлерни асмакъ ичюн, 20 дирек яса, диреклер тюбюне 20 тунч темель яп. Диреклердеки ченгеллернен багъламалар кумюштен олсун.

Чыкъыш 35:17

азбарнынъ безлерини, онынъ диреклеринен темеллерини ве азбарнынъ къапусына асыладжакъ пердени;

Чыкъыш 40:33

Сонъ Мескеннинъ ве къурбан ери азбарынынъ чевре-четини къоралады ве азбарнынъ къапусына перделерни асты. Бойле эттирип, Муса ишини битирди.

Сайылар 3:26

Азбар перделери, Мескеннинъ ве къурбан ерининъ чевресиндеки азбар киришиндеки перде, йиплер ве бутюн керекли алетлери оларнынъ къолунда эдилер.

Сайылар 4:26

азбарнынъ безлерини, Мескеннинъ ве къурбан ерининъ чевре-четинде олгъан азбар киришиндеки пердени, йиплерини, оларнынъ бутюн алетлерини, олар ичюн япылгъан эр бир шейни ташысынлар. Бойле этип, хызмет этсинлер.

Сайылар 4:32

азбарнынъ чевре-четиндеки диреклери ве темеллери, къазычыкълары, йиплери ве оларнынъ бутюн алетлери ве хызметте къулланылгъан бутюн шейлер. Ташымагъа керек олгъан шейлернинъ адларыны эр бир адамгъа бильдир.

2 Тарих вакъиалары 4:9

Сонъра руханийлер ичюн азбар, балабан азбар, ве бу азбаргъа къапу япты ве къапуны бакъырнен къаплады.

Ехезкель 40:17

Адам мени тышкъы азбаргъа алып кирди. Анда одалар бар эди. Ерден юкъары япылгъан таш темелинде азбарнынъ этрафында 30 ода ерлеше эди.