Чыкъыш 26:7 - Мукъаддес Китап

⁷ Мескеннинъ устюни къапатмакъ ичюн, эчки юнюнден безлер яп. Безлер он бир дане олсун.

Чыкъыш 26:7 Referans Kwoze

1 Пётр 5:5

Яшлар, акъсакъалларны динъленъиз. Эпинъиз бири-биринъизге алчакъгонъюллик косьтеринъиз. Алла къопайларгъа къаршы чыкъа, алчакъгонъюллилерге исе эйилик япа.

1 Пётр 3:4

амма эбедий дюльберлигинъиз юрегинъизде сакълангъан юваш ве йымшакъ рух олсун. Алланынъ огюнде бунынъ къыймети буюк.

Ешая 4:5

РАББИ ойле япаджакъ ки, бутюн Сион дагъынынъ устюнде ве анда топлашкъанларнынъ устюнде куньдюзлери булут ве думан тураджакъ, геджелери исе парлакъ алевли атеш янаджакъ. Олар бутюн шуретли ерни къаплайджакъ

Сайылар 31:20

Эр урбанъызны ве териден, эчки юнюнден, агъачтан япылгъан эр савутны элялланъыз, – деди.

Сайылар 4:25

Мескеннинъ безлерини, Корюшюв Чадырыны ве орьтюсини, устюне тёшеледжек индже ишленген терилер орьтюсини, Корюшюв Чадырынынъ киришиндеки пердени,

Чыкъыш 35:26

Апайлар усталыкънен джанлары истеген эчки юнюнден безлер яптылар.

Чыкъыш 35:23

Мор, мавылы къырмызы ве ачыкъ къырмызы юнь, индже ишленген кетен, эчки юнюнден япылгъан безлер, къойларнынъ дибагъ этильген ве къырмызы ренкке боялангъан ве индже ишленген терилери олгъан эр ким оларны РАББИге кетирдилер.

Чыкъыш 35:6

мор, мавылы къырмызы, ачыкъ къырмызы юнь, индже ишленген кетен ве эчки юнюнден япылгъан безлерни,

Чыкъыш 26:14

Тёпесинден даа эки орьтю яп – бири къойнынъ дибагъ этилип къырмызы ренкке боялангъан терисинден, экинджи исе индже ишленген терилерден.

Чыкъыш 26:12

Мескеннинъ арттаки диварындан асылгъан безнинъ бир къысмындан, четтеки безнинъ ярысы ерде ятсын.

Чыкъыш 26:9

Беш безни бири-биринен айры тиктир, къалгъан алты безни де бири-бирине айры тиктир. Алтынджы безни экиге къатла, о, Мескеннинъ огюни къапатсын.

Чыкъыш 26:1

Мескенни он дане индже ишленген кетенден ве мор, мавылы къырмызы ве ачыкъ къырмызы юньден япылгъан безлерден яса. Оларнынъ устьлерине усталыкънен Керувларны нагъышла.

Чыкъыш 25:4

мор, мавылы къырмызы ве ачыкъ къырмызы юнь, индже ишленген кетен ве эчки юнюнден япылгъан безлер;

Чыкъыш 26:6

50 дёгмени алтындан япып, дёгмелернен безлерни бири-бирине дёгмеле де, бир бутюнлик олур.

Чыкъыш 26:8

Бир безнинъ узунлыгъы 15 метр олсун, кенълиги эки метр – бу бир без. Эписи он бир безнинъ ольчюси бир олсун.

Сайылар 3:25

Гершон огъуллары Корюшюв Чадырында Мескен, Чадырнынъ орьтюси ве Корюшюв Чадырынынъ киришиндеки перде ичюн джевапкяр эдилер.