Чыкъыш 24:8 - Мукъаддес Китап

⁸ Муса савутлардаки къанны алып, халкъкъа пускюртти ве: – Бу – бутюн айтылгъан шейлер акъкъында РАББИ сизлерге эткен васиетнинъ къаны, – деди.

Чыкъыш 24:8 Referans Kwoze

Чыкъыш 24:6

Муса къаннынъ ярысыны савутларгъа джыйды, къалгъаныны къурбан ерине пускюртти.

Ехезкель 36:25

Мен устюнъизге темиз сув сепеджегим, ве сизлер эписи озь писликлеринъизден темизленеджексинъиз. Сизни даа эписи путларынъыздан темизлейджегим.

Матта 26:28

– Бу – Меним къаным, васиет къаны. О, чокъ адамнынъ гуналары багъышланмасы ичюн тёкюледжек.

Еудийлерге 13:20

Эбедий васиетнинъ къанына бакъып, къойларынынъ буюк Чобаны, Раббимиз Исаны олюлерден тирильткен, тынчлыкъ-аманлыкъ берген Алла,

1 Коринтлилерге 11:25

Эм де акъшам ашындан сонъ къадени алып: «Бу къаде – къанымнен кучьке кирген янъы васиеттир. Ондан эр кере ичкенинъизде, акълынъызда Мени тутып, ичинъиз», – деди.

Марк 14:24

Иса оларгъа: – Бу – чокъ адамлар ичюн тёкюледжек Меним къанымдыр, васиет къаны, – деди.

1 Пётр 1:2

(Алла Баба эвельден бильгени киби, сиз сайлангъан эдинъиз, Мукъаддес Рух сизни азиз этти, ве сиз итаат эттинъиз, Иса Месихнинъ къанынен темизлендинъиз): Эйилик ве тынчлыкъ-аманлыкъ сизде чокълашсын!

Лука 22:20

Аштан сонъ оларгъа къадени узатып, шойле деди: – Бу къаде – сиз ичюн тёкюлеяткъан къанымнен кучьке кирген янъы васиеттир.

Зекерья 9:11

Сизге кельгенде исе, сизлерге берген васиетнинъ къаны ичюн, Мен эсирлеринъизни сувсуз чукъурдан чыкъарып къуртараджагъым.

Эфеслилерге 1:7

Онынъ къанынен биз Онда къуртулыш таптыкъ, ве бизим гуналы ишлеримиз багъышланды, чюнки Онынъ эйилиги пек буюктир.

Ешая 52:15

Лякин чокъ миллетлерни шашыртаджакъ, онынъ огюнде падишаларнынъ агъызлары къапаладжакъ. Оларгъа айтылмагъан шейлерни кореджеклер, эшитмеген шейлерни биледжеклер.

Левийлилер 8:30

Муса ягълав ягъыны ве къурбан ерининъ устюндеки бираз къанны алды, Харунгъа ве урбасына, огъулларына ве урбаларына септи. Бойле этип, Харунны ве урбаларыны, огъулларыны ве урбаларыны айырып азиз этти.

Еудийлерге 10:29

Тюшюнинъиз, эгер кимдир Алланынъ Огълуны таптаса, оны азиз эткен васиетнинъ къаныны азизлик деп саймаса, хайырлы Рухны яманласа, о, не къадар агъыр джезагъа ляйыкъ сайыладжакъ!

Нун огълу Ехошуа 24:25

О куню Ехошуа халкънен шартнаме тизди, ве анда Шекемде оларгъа низамнаме ве къанунларны берди.

3 Падишалар 8:9

Сандыкънынъ ичинде эки дане таш левадан гъайры бир шей ёкъ эди. Исраиль огъуллары Мысыр топрагъындан чыкъкъан сонъ, РАББИ оларгъа Хорев дагъында васиет бергенинен, Муса оларны анда къойгъан эди.

Ехезкель 16:8

Мен янынъдан кечеяткъанда, сени корьдим. Севги чагъынъ кельген эди. Урбамнынъ этегини устюнъден кердим, ве чыплакъ беденинъни къапаттым. Санъа ант эттим ве санъа васиет бердим. – Бу – РАББИ-ТААЛЯнынъ сёзлери. – Бойлеликнен, сен Менимки олдынъ.

Къануннынъ текрары 5:2

– РАББИ-Таалямыз Хорев еринде бизлерге васиет берди.

3 Падишалар 8:21

ве анда РАББИнинъ Васиетини сакълагъан Сандыкъ ичюн ер азырладым. РАББИ исраиллилерни Мысыр топрагъындан алып чыкъкъан сонъ, бу Васиетни баба-деделеримизге берген, – деди.

Йирмея 31:32

Деделеринъизни къолларындан тутып, Мысыр топрагъындан чыкъаргъанда, оларгъа бир васиет бердим. Мен оларнынъ Сабысы олсам да, олар о васиетни боздылар, – дей РАББИ.

Хагъгъай 2:5

«Сизлер Мысырдан чыкъаяткъанда, Мен сизлерге берген васиет даа тура. Рухум да сизинъ аранъызда булуна. Къоркъманъыз!»