Чыкъыш 12:6 - Мукъаддес Китап

⁶ О, сизде бу айнынъ 14-юнджи кунюнедже турсун. О заман бутюн Исраиль джемаатынынъ топлашувы оны акъшам сойсун.

Чыкъыш 12:6 Referans Kwoze

Левийлилер 23:5

Биринджи айда, 14-юнджи кунюнинъ акъшамы – РАББИнинъ Песахыдыр.

Сайылар 28:16

Биринджи айда, айнынъ 14-юнджи куню – РАББИнинъ Песахыдыр.

Сайылар 9:11

Экинджи айнынъ 14-юнджи куню акъшамы Байрамны япынъыз ве Песах ашыны маясыз пишкен пителернен ве аджджы отларнен берабер ашанъыз.

Чыкъыш 12:18

Биринджи айнынъ 14-юнджи куннинъ акъшамындан башлап, шу айнынъ 21-инджи куннинъ акъшамынадже маясыз пишкен пите ашанъыз.

Фаалиет 4:27

Эм акъикъатен, Ироднен Понтий Пилат бу шеэрде Исраиль халкъынен ве башкъа миллетлернен берабер, Сен Месих деп тайинлеген азиз къулунъ Исагъа къаршы бирликте чыкътылар,

Ехезкель 45:21

Биринджи айнынъ 14-юнджи куню сизде Песах Байрамы олсун. Бу байрамда еди кунь девамында маясыз пителерни ашамакъ керек.

Лука 23:18

Халкъ исе бир агъыздан: – Буны гъайып эт! Бизге Бараббаны чыкъарып йибер! – деп къычырды.

Лука 23:1

‌Оларнынъ эписи турып, Исаны Пилатнынъ алдына алып кеттилер.

Марк 15:25

Оны хачкъа мыхлап аскъанда, саба саат докъуз эди.

Марк 15:11

Баш руханийлер исе, Онынъ ерине Бараббаны азат эткенини талап этинъ деп, халкъны къозгъалдылар.

Марк 15:8

Халкъ Пилаткъа келип, ондан эр даим япкъан ишни эда эткенини сорай башлады.

Марк 15:1

‌Саба танъ аткъанынен, баш руханийлер, акъсакъаллар, Къанун оджалары ве бутюн Юксек Шура топланып, мушавере яптылар. Сонъ, Исанынъ къолларыны багълап, Пилатнынъ огюне алып бардылар.

Матта 27:25

Бутюн халкъ бунъа джевап берип: – Онынъ къаны бизим ве балаларымызнынъ башында олсун! – деди.

Матта 27:20

Баш руханийлер ве акъсакъаллар халкъны къандырдылар, ве халкъ Бараббаны азат этмесини ве Исаны ольдюрильмесини талап эттилер.

Сайылар 28:18

Биринджи куню мукъаддес топлашув олсун, ишке янашманъыз.

Фаалиет 3:14

Адам ольдюрген джинаетчининъ афу этильмесини сорап, Мукъаддес ве Инсафлы Олгъанындан ред эттинъиз.

Фаалиет 2:23

Алла эвельден къарар чыкъаргъаны ве эвельден бильгени киби, Иса сатылгъан эди, ве сиз адалетсиз адамларнынъ къолунен Оны хачкъа мыхлап ольдюрдинъиз.

Ешая 53:6

Эпимиз, къойлар киби, долаштыкъ, эпимиз озь ёлумызнен кеттик, ве РАББИ бизим эписи гуналарымызны Онъа юкледи.

Чыкъыш 12:14

Бу кунь сиз ичюн хатырлаткъан кунь олсун: оны РАББИге байрам оларакъ несильден несильге япынъыз. Сиз ичюн бу эбедий эмирдир.

Чыкъыш 12:17

Маясыз Пишкен Пите Байрамыны япынъыз. Тамам бу куню Мен сизинъ ордуларынъызны Мысыр топрагъындан чыкъардым. Бу кунни эбедий урф-адет оларакъ несильден несильге япынъыз.

Чыкъыш 12:47

Исраиль огъулларынынъ бутюн джемааты Песахны тутмакъ кереклер.

Чыкъыш 16:1

Мысыр топрагъындан чыкъкъанларына экинджи айнынъ 15-инджи кунюнде Исраиль огъулларынынъ бутюн джемааты Элимден ёлгъа чыкъып, Элим ве Синай арасында ерлешкен Син сахрасына кельди.

Чыкъыш 19:1

Исраиллилернинъ Мысыр топрагъындан чыкъкъанларынынъ тамам учюнджи айы догъгъанда, олар Синай сахрасына кельдилер.

2 Тарих вакъиалары 35:1

Ёшия Ерусалимде РАББИге Песах Байрамыны япты. Йылнынъ биринджи айынынъ 14-юнджи куню Песах айваныны сойдылар.

Узеир 6:19

Эсирден къайтып кельгенлер биринджи айнынъ 14-юнджи куню Песах Байрамыны яптылар.

Чыкъыш 29:39

бир къойны сабадан, экинджисини – акъшам кетир.

Чыкъыш 29:41

Экинджи къойны акъшам къурбан чал, оны да сабадакине ошагъан ун бахшышынен ве айны ойле ичерлик бахшышынен берабер кетир. Бу – РАББИ ичюн тынчландыргъан, мунис къокъудыр, Онъа атеште якъылгъан къурбандыр.

Нун огълу Ехошуа 5:10

Исраиль огъуллары Гилгалда ордунен ерлештилер ве айнынъ 14-юнджи кунюнинъ акъшамы Ерихоннынъ тегиз ерлеринде Песах Байрамыны кечирдилер.