Башланув 7:4 - Мукъаддес Китап

⁴ Еди куньден сонъ Мен ер юзюне 40 кунь ве 40 гедже девамында ягъаджакъ ягъмур ягъдырырым, ер юзюнден яраткъанларымнынъ эписини силерим, – деди.

Башланув 7:4 Referans Kwoze

Башланув 7:17

Сув ташкъыны 40 кунь девам этти. Сув кучьлешип, артып башлагъанда, сандыкъны котерди, ве сандыкъ ялдап кетти.

Башланув 7:12

ве 40 кунь ве 40 гедже девамында ер юзюне ягъмур ягъды.

Башланув 6:17

Мен ер юзюни сувгъа гъаркъ этерим ве онынъ устюндеки эр бир ичинде аз-бучукъ руху олгъан джанларны ёкъ этерим. Ер юзюнде яшагъан эр бир тири джан гъайып оладжакътыр.

Башланув 6:13

Алла Нухкъа: – Мен ер юзюндеки эр бир тири джанны ёкъ этерим. Эр бир тири джан ер юзюни акъсызлыкъкъа толдурды. Мен оларны ве оларнен берабер ер юзюни де ёкъ этерим, – деди.

Башланув 6:7

Сонъ РАББИ деди: – Озюм яраткъан адамларны ер юзюнден къырарым: адамдан башлап айванларгъа, сюйрелип юрген махлюкъларгъа ве кок къушларына баргъандже къырарым. Мен оларны ясагъаныма пешман эттим.

Сырларнынъ ачылувы 3:5

Енъеджек адам беяз урба киеджек. Мен онынъ адыны яшайыш китабындан сильмем, онынъ адыны Алла Бабамнынъ ве Онынъ мелеклерининъ алдында танырым.

Амос 4:7

– Мен оракъ вакътындан учь ай эвель ягъмур ягъдырмадым. Бир шеэрге Мен ягъмур ягъдырдым, башкъа шеэрге исе ягъдырмадым. Бир топракъ пайы ягъмургъа тойды, башкъа пай исе ягъмурны корьмейип къуруды.

Эюп акъкъында китап 28:25

Ельге кучь бергенде, сувларны ольчегенде,

Эюп акъкъында китап 22:16

Олар исе вакъытлары кельмезден къырылдылар, темеллерини сувлар басты.

Башланув 8:12

Нух, даа еди кунь беклеп, кене гогерджинни йиберди, ве бу сефер гогерджин кери къайтмады.

Башланув 7:10

Еди куньден сонъ ташкъын сувлары ер юзюне келе башладылар.

Башланув 8:10

Даа еди кунь беклеп, о, гогерджинни бир даа йиберди.

Башланув 6:3

РАББИ: – Меним нефесим адамда эбедий къалмайджакъ. О – вуджут, онынъ куньлери 120 йыл олсун, – деди.

Башланув 2:5

ер юзюнде не бир тарла чалысы, не бир тарла оту бар эди. РАББИ-Тааля ер юзюне ягъмур даа ягъдырмагъан эди, ве топракъны бакъмакъ ве ишлемек ичюн адамлар ёкъ эди.

Башланув 7:3

ве кок къушларынынъ эписи сойларындан эркек-ыргъачыларыны едишер чифт ал. Ер юзюнде оларнынъ эвлятлары сакълансын.

Башланув 8:2

Буюк теренликнен кок къапулары къапалып, коктен ягъмур ягъмагъа токътады.

Йирмея 28:16

Бунынъ ичюн РАББИ бойле дей: Мына, сени ер юзюнден ёкъ этерим, Манъа къаршы айткъанларынъ ичюн, бу йылы оледжексинъ.