Башланув 49:8 - Мукъаддес Китап

⁸ Ехуда! Агъа-къардашларынъ сени макътарлар. Сенинъ къолунъ душманларынънынъ бойнунда олур. Агъа-къардашларынъ санъа къатланаджакълар.

Башланув 49:8 Referans Kwoze

Еудийлерге 7:14

Белли ки, бизим Раббимиз Иса Ехуда къабилесинден келип чыкъты. Муса исе бу къабиле акъкъында айткъанда, руханийлик хызмети акъкъында ич бир шей айтмагъан эди.

Башланув 27:29

Санъа халкълар хызмет этсинлер, миллетлер бель буксюнлер. Агъаларынъа акимдарлыкъ эт, ананънынъ огъуллары санъа бель буксюнлер. Сени къаргъагъан адамлар къаргъышлы олсун, сени багъышлагъан адамлар багъышлангъан олсунлар!

1 Тарих вакъиалары 5:2

Ехуда къардашлары арасында энъ кучьлюси эди, ве онынъ союндан ёлбашчы чыкъты, амма биринджилик имтиязлары Юсуфкъа кечти.

Нун огълу Ехошуа 10:24

О падишаларны Ехошуанынъ янына кетиргенлеринден сонъ, Ехошуа эписи исраиллилерни чагъырды ве онен берабер дженк эткен орду башлыкъларына: – Янларына келип, бу падишаларнынъ боюнларына аякъларынъызны басынъыз, – деди. Олар падишаларнынъ янларына келип, аякъларыны боюнларына бастылар.

Къануннынъ текрары 33:7

Ехуда къабилесине буны айтты: – Я РАББИ, Ехуданынъ сесини эшит, оны халкъына кетир. Озюни Озь къолларынен къорчалай; онъа душманларына къаршы ярдымджы ол.

Башланув 29:35

Сонъ кене юклю олып, кене огълан тапты ве: «Бу сефер РАББИни макътарым!» – деди. Онынъ ичюн огълунынъ адыны Ехуда къойды. Бундан сонъ бала тапмакъны токътатты.

Сырларнынъ ачылувы 11:15

Единджи мелек боразан чалды. Кокте кучьлю сеслер янъгъырады: – Бу дюньянынъ падишалыгъы Раббимизнинъ ве Онынъ Месихининъ падишалыгъы олды. О, эбедиен падишалыкъ япаджакъ.

Сырларнынъ ачылувы 5:5

О вакъыт акъсакъаллардан бири манъа: – Агълама! Мына, Ехуда къабилесинден Арслан, Давутнынъ Эвляды, енъди ве энди еди печатны бозып ве бурулгъан кягъытны ачып ола, – деди.

Еудийлерге 10:13

О вакъыттан берли О, душманларынынъ енъильгенини ве аякъларынынъ астына атылгъаныны беклей.

Ехезкель 21:29

Сенинъ акъкъынъда руялар бош, санъа ачкъан фаллар – ялан олгъанда, олюмге укюм этильген яман адамларнынъ боюнларына къылыч тюшеджек. Сенинъ вакътынъ кельди, джеза аладжакъ вакъыт якъынлашты.

Ешая 9:7

Падишалыкъ эткенине ве акимиети тюбюнде аманлыкъ-тынчлыкъкъа сонъ олмайджакъ. Давутнынъ тахтындан эбедиен падишалыкъ этип, адалетнен ве догърулыкънен падишалыкъны пекитеджек ве къавийлештиреджек. Буларнынъ эписи – гъайрет ве буюк севгинен япылгъан Ордулар РАББИсининъ ишидир.

Зебур 76:1

Баш чалгъыджы ичюн. Едутун ичюн. Асафнынъ зебуры.

2 Тарих вакъиалары 30:11

Амма Ашер, Менашше ве Зевулун къабилелеринден олгъан базы адамлар боюн эгип, Ерусалимге кельдилер.

2 Тарих вакъиалары 17:2

Ехошафат Ехуданынъ эписи пекитильген шеэрлеринде озь аскерлерини къойды ве Ехуда топрагъында ве бабасы Аса запт эткен Эфраим шеэрлеринде къаравул отрядларыны къойды.

2 Тарих вакъиалары 15:9

Сонъра Аса бутюн ехудалыларны, биньяминлилерни ве оларнен о вакъытта яшагъан эфраимлилерни, менашшелилерни ве шимеонлыларны топлады. (Чокъ исраиллилер, Асанынъ Алласы РАББИ Асанен олгъаныны корип, онъа къошулдылар.)

2 Тарих вакъиалары 14:8

Асанынъ ордусында къалкъан ве мызракънен силялангъан 300 000 ехудалы, къалкъаннен силялангъан ве окъ аткъан 280 000 биньяминли бар эди. Олар эписи джесюр аскерлер эди.

2 Падишалар 24:9

Ёав падишагъа халкънынъ сайысы язылгъан джедвельни берди. Исраиллилернинъ 800 000 кучьлю, дженклеше биледжек акъайлары, Ехуданынъ исе 500 000 акъайы олгъаны белли олды.

2 Падишалар 22:41

Душманларымны менден къачмагъа меджбур этесинъ, менден нефретленгенлерни ёкъ этем.

2 Падишалар 5:3

Эписи Исраиль акъсакъаллары Давут падишагъа Хевронгъа кельгенде, РАББИнинъ огюнде онен мукъавеле япты, оны ягънен сюртип, бутюн Исраильнинъ падишасы этти.

Къадылар 20:18

Исраиллилер Бет-Эль шеэрине келип, Алладан: – Бизни Биньямин къабилесине къаршы ким алып бараджакъ? – деп сорадылар. РАББИ джевап берип: – Сизлерни Ехуда алып бараджакъ, – деди.

Сайылар 26:22

Будыр Ехуданынъ сойлары. Оларнынъ джедвельде язылгъанлары – 76 500 адам.

Сайылар 10:14

Биринджи Ехуда огъулларынынъ ордусы озь байрагъы тюбюнде болюклерине коре ёлгъа чыкъты. Амминадавнынъ огълу Нахшон оларнынъ орду башлыгъы эди.

Сайылар 1:27

Ехуда къабилесинде 74 600 адам сайылды.

Башланув 46:12

Ехуданынъ огъуллары: Эр, Онан, Шела, Перец ве Зерах, амма Эр ве Онан Ханаан топрагъында ольдилер. Перецнинъ огъуллары: Хецрон ве Хамул.

Башланув 42:6

О вакъыт мемлекетнинъ акимдары Юсуф эди. Бутюн ер юзюндеки халкъкъа ашлыкъны о, сата эди. Юсуфнынъ агъалары онъа келип, седжде эттилер.

Сайылар 26:20

Сойларына коре Ехуданынъ огъуллары: Шеладан – шелалыларнынъ сою, Перецтен – перецлилернинъ сою, Зерахтан – зерахлыларнынъ сою.

1 Тарих вакъиалары 28:4

Амма Исраильнинъ Алласы олгъан РАББИ бутюн бабамнынъ эвинден Исраильге эбедиен падиша олмакъ ичюн мени сайлап алды. О, Ехуда къабилесини Исраильнинъ ёлбашчысы этип сайлады, Ехуда къабилесинде бабамнынъ эвини сайлады. Бабамнынъ огъулларындан исе мени бутюн Исраильге падиша этип къоймагъа РАББИнинъ истеги эди.

Нун огълу Ехошуа 15:20

Ехуда къабилесининъ топракъ пайы, сойларына коре, будыр: