Башланув 49:33 - Мукъаддес Китап

³³ Огъулларына эмирини берген сонъ, Якъуп аякъларыны тёшегине къойды ве кечинип, озь халкъына, о бир дюньягъа кетти.

Башланув 49:33 Referans Kwoze

Башланув 49:29

Сонъ Якъуп огъулларына бойле эмир берди: – Мен о бир дюньягъа, озь халкъыма кетем. Мени хитли Эфроннынъ тарласында олгъан къобада баба-деделеримнен берабер дефн этинъиз.

Башланув 25:8

О, баягъы яшта олгъан къарт олып, яшайышкъа тойып кечинди ве баба-деделерине къошулды.

Еудийлерге 12:23

адлары кокте язылгъан биринджи догъгъан балаларнынъ топлашувына, эр кесни суд этиджи Аллагъа ве къусурсыз олгъан инсафлы адамларнынъ рухларына якъынлаштынъыз,

Еудийлерге 11:22

Юсуф да олеяткъанда, иман ярдымынен Исраиль огъулларынынъ Мысырдан чыкъып кетеджеклери акъкъында айтты ве онынъ кемиклерини андан алып кеткенлерини буюрды.

Фаалиет 7:15

Якъуп Мысыргъа барды, озю ве бабаларымыз о ерде кечинди.

Лука 2:29

– Укюмдар! Берген сёзюнъни тутып, Сен энди мени, Озь къулунъны, тынчлыкънен йибересинъ.

Джемаат башы 12:7

Сонъ тоз топракътан келип, топракъкъа чевирилир, джан исе оны берген Аллагъа къайтыр.

Эюп акъкъында китап 30:23

Билем, Сен мени олюмге, эписи яшагъанлар ичюн корюшюв эвине кетиреджексинъ.

Эюп акъкъында китап 14:10

Адам исе къуветсиз олып, олер, гъайып олур, ондан бир шей къалмаз.

Эюп акъкъында китап 5:26

Пишкен богъдай вакътына джыйылгъаны киби, мезаргъа къартлыгъынъда киреджексинъ.

Башланув 49:1

Якъуп огъулларыны чагъырып, бойле деди: – Топлашынъыз, сизлернен келеджекте не оладжагъыны сизге хабер этеджегим.

Башланув 35:29

О, баягъы къарт олып, яшайышкъа бутюнлей тойып кечинди ве баба-деделерине къошулды. Огъуллары Исав ве Якъуп оны дефн эттилер.

Башланув 25:17

Исмаил эписи олып, 137 йыл яшады. Сонъ о кечинди ве баба-деделерине къошулды.

Башланув 15:5

РАББИ Ибрамны чадырдан чыкъарды ве онъа: – Кокке бакъып, йылдызларны сай: сайып оладжакъсынъмы? – деди. – Эвлятларынъ да бойле оладжакътыр!

Башланув 49:32

Бу тарла ве устюндеки къоба Хет огъулларындан сатын алынгъандыр.

Башланув 50:1

Юсуф бабасынынъ устюне тюшип, оны опип окюр-окюр агълады.

4 Падишалар 13:14

Эль-Яса хаста эди. Шу хасталыкъ сонъра онъа олюм кетирди. Исраиль падишасы Ёаш онъа келип агълады ве: – Бабам, бабам! Исраильнинъ арабасы ве атлылары! – деди.

4 Падишалар 13:20

Эль-Яса ольди ве дефн этильди. Йылындан моавлыларнынъ айдутлар сюрюлери топракъларны басты.