Башланув 43:18 - Мукъаддес Китап

¹⁸ Агъа-къардашлар Юсуфнынъ эвине келип, къоркътылар ве: – Бизни мында чувалларымызгъа къайтарылгъан кумюш ичюн алып кельдилер. Шимди бизге илишеджек ве уджюм этеджеклер, бизни къул япаджакъ ве эшеклеримизни аладжакълар, – дедилер.

Башланув 43:18 Referans Kwoze

Башланув 42:35

Чувалларыны бошаткъанда, эр бирининъ чувалындан кумюшке толу киселери чыкъты. Олар озьлерининъ кумюшке толу киселерини корьдилер; олар ве бабалары корьдилер ве къоркътылар.

Римлилерге 7:8

Эмирнинъ ярдымынен гуна фырсат тапып, меним юрегимде эр тюрлю истекни уятты. Къанун олмагъанда исе, гуна олюдир.

Марк 6:16

Ирод исе, буны эшитип: – Бу, мен башыны кестирген Ягъядыр. О тирилип кельген, – деп тура эди.

Ешая 7:2

Арамлылар Эфраимнинъ топрагъында ерлешкени акъкъында Давутнынъ союна хабер этильди. Ормандаки тереклер ельден титрегени дайын, Ахазнынъ ве халкънынъ юреклери титреп башлады.

Зебур 73:16

Куньдюз Сенинъ, гедже де Сенинъ. Ай ве йылдызларны, кунешни де Сен ерлештирдинъ.

Зебур 53:5

Ябанджы адамлар манъа къаршы чыкъты, мераметсиз адамлар джанымны алмагъа истей; оларнынъ алдында Алла ёкъ. Сэла

Эюп акъкъында китап 30:14

Олар манъа кенъ бир тешиктен келелер, эр шейни йыкъып, устюме атылалар.

Эюп акъкъында китап 15:21

Дешет сеслери къулагъындадыр, аманлыкъ вакътында айдутлар онъа атылыр.

Къадылар 14:4

Анасы ве бабасы буларнынъ эписи РАББИден олгъаныны бильмей эдилер. РАББИ фелестинлилерге уджюм этмек ичюн, фурсат беклей эди. О заманларда фелестинлилер исраиллилерге укюм эте эдилер.

Къадылар 13:22

– Биз мытлакъ оледжекмиз, чюнки биз Алланы корьдик, – деди Маноах апайына.

Къануннынъ текрары 22:17

Мына энди о, къызымны къабаатлады: “Къызынъда къызлыкъ намусы тапылмагъан”. Лякин къызымнынъ къызлыкъ аляметлери мына!» Сонъ урбаларыны акъсакъалларнынъ козю огюнде тёшесин.

Къануннынъ текрары 22:14

ве оны къабаатлап, адыны чыкъарып: «Мен онъа эвлендим, амма онен яткъанымда, о къыз олмагъаны ачылды», – десе,

Башланув 42:28

агъа-къардашларына: – Кумюшим къайтарылгъан. Мына о, чувалым ичинде, – деди. Олар шаштылар, титреп, бири-биринден: – Бу бизнен Алланынъ япкъаны недир? – деп сорадылар.

Башланув 42:21

Олар бири-бирине: – Керчектен де, къардашымызгъа къаршы гуна къазангъандырмыз. О, бизге ялваргъанда, биз онынъ джан азабыны корьдик, амма оны динълемедик. Онынъ ичюн башымызгъа бу беля тюшти, – дедилер.

Башланув 43:17

Башлыкъ Юсуфнынъ айткъаны киби япты, агъа-къардашларны Юсуфнынъ эвине алып кетти.

Башланув 43:19

Эвнинъ къапусы янында олар Юсуфнынъ башлыгъы алдына барып, онъа:

Даниял 6:4

О заман баш везирлер ве виляетлер башлыкълары Даниялны, падишалыкъкъа ярамай башлыкъ эткени себебинден къабаатламакъ ичюн, мана къыдырдылар, амма бир мана ве янълыш тапып оламай эдилер, чюнки Даниял ишанчлы эди ве ич бир тюрлю янълыш я да къабаат онда тапылмай эди. Бу адамлар:

Башланув 42:27

Геджелемек ичюн токътагъанда, олардан бири, эшекке ем бермек ичюн, чувалыны ачты. Чувалнынъ агъзында кумюшини корип,

Башланув 44:8

Мына, чувалларымызнынъ агъызларында тапылгъан кумюшни биз Ханаан топрагъындан санъа къайтарып кетирдик. Насыл этип де биз эфендинънинъ эвинден кумюш я да алтынны хырсызлап олурмыз?