Башланув 41:45 - Мукъаддес Китап

⁴⁵ Фыравун Юсуфкъа Цафнат-Панеах деген ад къойды ве Он шеэриндеки руханий Поти-Перанынъ къызы Аснаткъа эвлендирди. Сонъ Юсуф Мысыр топрагъы бою кетти.

Башланув 41:45 Referans Kwoze

Башланув 46:20

Мысыр топрагъында Юсуфнынъ Менашше ве Эфраим огъуллары догъдылар. Оларны онъа Поти-Пера деген Он шеэриндеки баш руханийнинъ Аснат къызы тапты.

Ехезкель 30:17

Авен ве Пи-Бесет шеэрлерининъ йигитлери къылычнен ольдюриледжек, къызлары исе сюргюн этиледжеклер.

Чыкъыш 2:16

Мидьяндаки руханийнинъ еди къызы бар эди. Олар, шу къуюгъа келип, бабаларынынъ къой-эчкилерине сув бермек ичюн, сув чекип ашлавларны толдурдылар.

Фаалиет 11:28

Олардан Хагъап дегени Мукъаддес Рухтан ильхамланып, бутюн дюньяда буюк ачлыкъ оладжагъыны бильдирди. Сонъ бу ачлыкъ император Клавдийнинъ девринде олды.

Лука 2:1

‌О вакъыт Римнинъ императоры Август бутюн эалини джедвельге чекмеге эмир этти.

2 Падишалар 20:26

Яир шеэринден Ира – Давутнынъ руханийи эди.

2 Падишалар 8:18

Ехояда огълу Беная керетлилер ве пелетлилер болюгининъ башлыгъы эди, ве Давутнынъ огъуллары руханийлер эдилер.

Башланув 14:18

Салимнинъ падишасы Мелкиседек де отьмекнен шарап алып чыкъты. О, Юдже Алланынъ руханийи эди.

Башланув 41:50

Ачлыкъ йыллары башламадан, Юсуфнынъ эки огълу олды. Оларны онъа Он шеэрининъ руханийи олгъан Поти-Перанынъ къызы Аснат догъды.

Йирмея 43:13

Мысыр топрагъындаки Бет-Шемеш шеэринде тургъан диреклерни йыкъаджакъ, Мысыр аллаларынынъ эвлерини атеште якъаджакъ.

Даниял 1:7

Баш везир оларнынъ адларыны денъиштирди: Даниял – Белтешаццар, Хананья – Шадракъ, Мишаэл – Мешакъ ве Азарья – Авед-Него олдылар.