Башланув 41:25 - Мукъаддес Китап

²⁵ Юсуф фыравунгъа: – Фыравун тюшлерининъ манасы бирдир, – деди. – Алла не япаджагъыны фыравунгъа эвельден бильдирди.

Башланув 41:25 Referans Kwoze

Даниял 2:45

Бунынъ ичюн, къолларнынъ ярдымы олмайып, дагъдан бир таш къопып, демир, бакъыр, чамур, кумюш ве алтынны парчалагъаныны сен корьдинъ. Буюк Алла падишагъа келеджекте не оладжагъыны бильдирди. Тюш де догъру, тарифи де керчектир.

Сырларнынъ ачылувы 4:1

Ондан сонъ бакъсам, кокте ачылаяткъан бир къапуны корьдим. Эвельден меннен лаф эткен боразан сесине ошагъан сес кене эшитильди: «Бу ерге чыкъ, ондан сонъ не оладжагъыны санъа косьтеририм».

Эфеслилерге 1:17

эм де Раббимиз Иса Месихнинъ Алласына, шуретли Бабагъа ялварам: сиз Алланы билинъиз деп, О сизге рухий акъылданеликни ве анълавны берсин,

Марк 13:23

Сизлер исе сакът олунъыз. Мен буны сизлерге эвельден айтып берем.

Матта 24:40

О вакъытта эки адам тарлада олгъанда, Алла бирисини аладжакъ, экинджисини исе къалдыраджакъ.

Амос 3:7

РАББИ-ТААЛЯ Озь ниетлерини къуллары пейгъамберлерге ачмагъандже, бир шей япмаз.

Даниял 2:47

Падиша Даниялгъа: – Сен бу сырны ачып олгъанынъ себебинден, керчектен сизинъ Алланъыз – аллаларнынъ Алласы, падишаларнынъ Раббисидир ве сырларны ачкъан Алладыр! – деди.

Ешая 43:9

Эписи миллетлер берабер топлаштылар, халкълар бир ерде олдылар. Араларында буны ким хабер этти? Сонъундан олып кечкен шейни кунь эвельден ким айтты? Шаатларны кетирсинлер, догъру олгъанларыны косьтерсинлер, адамлар эшитип, «Бу керчектир!» – десинлер.

Зебур 98:2

Сионда РАББИ улудыр, Юджедир О, бутюн халкълардан устюндир!

Нун огълу Ехошуа 11:6

РАББИ Ехошуагъа: – Олардан къоркъма. Ярын, къарарнен бу вакъытта, Мен оларнынъ эписини Исраильнинъ къолуна ольдюрильмек ичюн берерим. Атларнынъ дамарларыны кесип ташла, ат арабаларыны якъ, – деди.

Башланув 41:16

Юсуф фыравунгъа: – Мен дегиль, фыравуннынъ эйилигине Алла джевапны берер, – деди.

Чыкъыш 9:14

– Эгер йибермесенъ, бутюн дюньяда Манъа ошагъан кимсе олмагъаныны биль деп, бу сефер сенинъ, хызметчилеринъ ве халкъынъ башына эписи беляларны ёлларым.

Башланув 41:26

Еди яхшы сыгъыр – еди йылдыр. Еди яхшы башакъ да еди йылдыр: тюш бирдир.

Башланув 41:28

Мына не себептен мен фыравунгъа: «Алла не япаджагъыны фыравунгъа эвельден косьтерди», – дедим.

Башланув 41:32

Тюшнинъ фыравун ичюн эки кере текрарланувы – Алланынъ сёзю акъикъий ве Алла буны тезден япаджагъы демектир.

Башланув 40:8

Олар онъа: – Биз тюш корьдик, амма оларны тарифлемеге адам ёкъ, – дедилер. Юсуф оларгъа: – Тарифлер Алладан дегильми? Манъа икяе этсенъиз, – деди.