Башланув 4:8 - Мукъаддес Китап

⁸ Сонъ Хаин озь къардашы Хабильнен лаф этти. Олар тарлада олгъанда, Хаин озь къардашы Хабильге къаршы чыкъып, оны ольдюрди.

Башланув 4:8 Referans Kwoze

Иуда 1:11

Оларнынъ алы беля! Олар Хаиннинъ ёлундан кетмектелер, Белам киби, акъча къапкъанына тюшелер, Къорахкъа ошап, исьян ичюн гъайып олалар.

Матта 23:35

Бойледже, инсафлы адам Хабильнинъ къанындан башлап, Алланынъ Сарайы ве къурбан ери арасында сизлер ольдюрген Берекиянынъ огълу Зекъарьянынъ къанынадже ер юзюнде тёкюльген бутюн гунасыз адамларнынъ къаны сизинъ бойнунъызда!

Лука 11:51

Хабильнинъ къанындан башлап, къурбан еринен Алланынъ Сарайы арасында ольдюрильген Зекъарьянынъ къанына къадар. Эбет, сизге айтам: эр шей ичюн бу несиль джевап береджек!

Микъа 7:6

Огъул бабасыны урьмет этмей, къыз – анасына къаршы, келин – къайнанасына къаршы чыкъа. Инсаннынъ къорантасы – онынъ душманларыдыр.

2 Падишалар 14:6

Меним, къулунънынъ эки огълум бар эди. Олар тарлада къавгъа эттилер, оларны айырмагъа исе кимсе ёкъ эди. Бириси экинджисини урып ольдюрди.

Нехемья 6:2

Санбаллат ве Гешем манъа хабер йибердилер ве: – Кель, Оно тегизлигиндеки койлернинъ биринде корюшейик, – дедилер. Олар манъа бир яманлыкъ япмагъа тюшюне эдилер.

2 Падишалар 3:27

Авнер Хевронгъа къайтып кельгенде, Ёав оны юзьме-юзь лаф этеджек киби къапудан кирсетти ве анда къурсагъына къылыч саплады. Бойлеликнен, Ёав озь къардашы Асаэл ичюн Авнерни ольдюрди.

Еудийлерге 12:24

эм де янъы васиетни алып кетирген Исагъа ве Онынъ септирильген къанына кельдинъиз. Шу къан Хабильнинъ къанындан даа яхшы шейлерни илян эте.

Зебур 36:3

РАББИге ишанып, яхшылыкъ яп, ер юзюнде яшап, акъикъатны тут.

Эюп акъкъында китап 11:15

утанмайып башынъны котерирсинъ, сагълам ве къоркъусыз ола билирсинъ.

Лука 22:48

Иса онъа: – Иуда, сен Инсан Огълуны опип сатасынъмы? – деди.

Еудийлерге 11:4

Хабиль Хаинге коре Аллагъа яхшыджа къурбанны иман ярдымынен кетирди. Хабиль иманнен инсафлы олып косьтерильди, чюнки Алла онынъ бахшышларыны къабул этип, онъа разылыкъ бильдирди. Хабиль ольген олса да, иманнен але даа лаф эте.

Башланув 4:25

Адем кене апайынен ятты. Апайы огълан бала тапты ве, «Хаин ольдюрген Хабильнинъ ерине Алла манъа башкъа бала берди», деп, онынъ адыны Шет къойды.

Сайылар 35:20

Эгер бирев башкъа биревге кин беслеп, оны итесе я да аселет онъа бир шей фырлатса ве о адам ольсе,

2 Тарих вакъиалары 21:4

Ехорам бабасынынъ падишалыгъынынъ башлыгъы ве пек къудретли олгъан сонъ, о, эписи къардашларыны ве базы Исраиль башлыкъларыны къылычнен ольдюрди.

Хошеа 4:2

Адамлар къаргъайлар, ялан айталар, башкъаларны ольдюрелер, хырсызлайлар ве ороспулыкъ япалар. Къан эр ерде тёкюле.