Башланув 37:32 - Мукъаддес Китап

³² Бу урбаны алып, бабаларына кетирдилер ве: – Биз буны таптыкъ. Бакъ, огълунънынъ урбасыны таныйсынъмы? – дедилер.

Башланув 37:32 Referans Kwoze

Лука 15:30

Амма бутюн мал-мулькюнъни ороспуларнен берабер сарф эткен анавы огълунъ къайткъанда, сен онъа бесленген бузавчыкъны сойгъансынъ!» – дей.

Башланув 37:3

Юсуф догъгъанда, Исраиль баягъы яшта олгъаны ичюн, Исраиль Юсуфны башкъа огъулларындан зияде севе эди. Эм де Якъуп онъа чешит ренкли урба тикип берди.

Башланув 37:20

– Айдынъыз, шимди барайыкъ да, оны ольдюрейик, къуюгъа атайыкъ, сонъ: «Оны кийик айван ашады», – деп айтайыкъ. Тюшлеринден не олып чыкъаджагъыны корермиз.

Башланув 37:31

Агъалары Юсуфнынъ урбасыны алдылар ве улакъны сойып, урбаны улакънынъ къанына батырдылар.

Башланув 37:33

О, урбасыны таныды ве: – Бу, огълумнынъ урбасы. Оны кийик айван ашагъан. Керчектен де Юсуф парчалангъан, – деди.

Башланув 38:25

Лякин Тамарны тышкъа чыкъаргъанларда, о, къайнатасына бойле деп айтмаларыны риджа этти: – Бу кимнинъ шейлери олса, мен ондан юклюдирим. – Ве: – Бу муурь, сыджым ве таякъны бакъса, кимнинъ олгъаныны билесинъми? – деди.