Башланув 36:9 - Мукъаддес Китап

⁹ Мына эдомлыларнынъ бабасы-дедеси олгъан, Сеир деген дагълы топрагъында яшагъан Исав ве онынъ эвлятлары акъкъында ривает.

Башланув 36:9 Referans Kwoze

Башланув 19:37

Буюги огълан бала тапты ве онынъ адыны Моав къойды. О, бу куньгедже моавлыларнынъ бабасы-дедесидир.

Башланув 32:3

Якъуп Эдом мемлекетине, Сеир топрагъында олгъан агъасы Исавгъа хаберджилерни йиберди,

Башланув 36:8

Исав яшамакъ ичюн Сеир деген дагълы топрагъында ерлешти. Исав – бу Эдом.

Башланув 36:10

Мына Исав огъулларынынъ адлары. Исавнынъ апайы Аданынъ огълу Элифаз ве Исавнынъ апайы Басематнынъ огълу Реуэл.

1 Тарих вакъиалары 4:42

Шимеон эвлятларындан 500 киши дагълы Сеир улькесине кеттилер. Йишийнинъ огъуллары Пелатья, Неарья, Рефая ве Уззиэл оларнынъ башлыкълары эдилер.

Башланув 32:4

оларгъа эмир берди: – Эфендим Исавгъа бойле айтынъыз: «Къулунъ Якъупнынъ айткъанлары будыр: “Мен вакътынджа Лаванда яшай эдим, шимдигедже анда отура эдим.

Башланув 36:43

Магдиэл къабилеси ве Ирам къабилеси. Будыр – олар саип олгъан топракъларында, яшагъан ерлерине коре Эдомнынъ къабилелери. Будыр Исав, эдомлыларнынъ бабасы-дедеси.

Къануннынъ текрары 2:5

Оларнен дженклешменъиз, чюнки Мен оларнынъ топрагъындан сизге аякъ басмагъа биле ер бермем. Сеир дагълы топрагъына Мен Исавнынъ эвлятларыны саип этип къойдым.

Нун огълу Ехошуа 24:4

Исхакъкъа Якъупны ве Исавны бердим. Исавгъа Сеир дагъыны асабалыкъкъа бердим. Якъуп исе огъулларынен берабер Мысыргъа кочьти.

Овадья 1:1

Овадьянынъ руясы. РАББИ-ТААЛЯнынъ Эдом акъкъында айткъанлары будыр. – Биз РАББИден бир хабер алдыкъ, халкъларгъа хаберджи ёллангъан: «Турунъыз, Эдомгъа къаршы дженкке чыкъайыкъ!»