Башланув 36:24 - Мукъаддес Китап

²⁴ Цивоннынъ огъуллары: Айя ве Ана. Бу анавы, бабасы Цивоннынъ эшеклерини бакъкъанда сахрада сыджакъ сув тапкъан Анадыр.

Башланув 36:24 Referans Kwoze

3 Падишалар 4:28

Бундан гъайры олар атларгъа ве джуйрюклерге арпа ве тобан кетире эдилер. Эр бири кетиреджек нормасыны бельгиленген ерге кетирип къоя эди.

3 Падишалар 1:44

Падиша онен берабер руханий Цадокъны, Натан пейгъамберни, Ехояда огълу Бенаяны, керетлилер ве пелетлилерни йиберди. Олар оны падишанынъ къатырына отурттылар.

3 Падишалар 1:38

Сонъ руханий Цадокъ, Натан пейгъамбер ве Ехояда огълу Беная, керетлилер ве пелетлилер барып, Сулейманны Давут падишанынъ къатырына отуртып, оны Гихонгъа алып кеттилер.

2 Падишалар 18:9

Авишалом Давутнынъ аскерлеринен расткельди. О, къатыр устюнде эди. Къатыр буюк эмен терегининъ тюбюне къачкъанда, Авишаломнынъ сачлары терекнинъ пытакъларына илишти, ве о, ернен кок арасында асылып къалды. Тюбюндеки къатыр исе къачып кетти.

2 Падишалар 13:29

Авишаломнынъ йигитлери, о, насыл эмир эткен олса, Амнонгъа ойле де яптылар. О вакъыт падишанынъ эписи огъуллары къатырларына отурып къачтылар.

Къануннынъ текрары 2:10

(Эвель анда эмлилер яшай экен. Олар кучьлю ве чокъ сайылы халкъ ве анакълылар киби юксек бойлу экенлер.

Левийлилер 19:19

Низамнамелеримни беджеринъиз. Чешит сой олгъан айванларны чифтлештирменъиз. Тарланъызгъа эки тюрлю урлукъ сачманъыз. Эки тюрлю йиптен, юнь ве кетенден токъулгъан урба кийменъиз.

Зекерья 14:15

Душман ордусындаки бутюн айванлар да: атлар, къатырлар, девелер, эшеклер – айны белягъа огърайджакъ.

Башланув 36:2

Исав ханаанлы къызларындан озюне апайлар алды: хитли Элоннынъ къызы Аданы ве хивли Цивоннынъ къыз торуны, Ананынъ къызы Охоливаманы.

Башланув 36:23

Шовалнынъ огъуллары: Алван, Манахат, Эвал, Шефо ве Онам.

Башланув 36:25

Ананынъ балалары: Дишон ве Ананынъ къызы Охоливама.

1 Тарих вакъиалары 27:29

Шаронлы Шитрай Шаронда отлагъан туварлар ичюн, Адлай огълу Шафат исе вадийлерде отлагъан айванлар ичюн джевапкяр эди.