Башланув 33:11 - Мукъаддес Китап

¹¹ Мен санъа кетирген багъышлавымны ал. Алла мени багъышлады, ве меним эр шейим бар. Якъуп Исавгъа пек ялварды, ве Исав бахшышларны алмагъа разы олды.

Башланув 33:11 Referans Kwoze

Филиплердекилерге 4:18

Менде эр шей бар, боллукъта биле яшайым. Сизлер ёллагъан шейлерни Эпафродиттен алдым, меним эр бир шейим бар. Бу шейлер – гузель къокъудыр, къабул этильген ве Алланы разы эткен къурбандыр.

1 Падишалар 25:27

Мына, эфендим, санъа хызмет эткен адамларгъа мен кетирген бу бахшышларны ал.

4 Падишалар 5:23

Нааман онъа: – Ялварам, эки чувал кумюш ал! – деп оны къандырды. Сонъ эки чувал кумюшни ве эки къат урбаны алды да, эки хызметчисине берди. Олар буны Гехазийнинъ огюнде алып кеттилер.

Башланув 33:9

– Къардашым, бойле менде де чокъ, – деди Исав. – Сенинъ малынъ сенде къалсынъ.

Башланув 30:43

Якъуп пек зенгин адам олды, онынъ пек чокъ къой-эчкилери, хызметчи къызлары ве къуллары, девелери ве эшеклери бар эдилер.

1 Тимотейге 4:8

Беден мешгъулиетлерининъ файдасы олса да, аз. Алла истеген ишлер япмакънынъ файдасы исе буюк; олар эм шимдики, эм келеджек омюрде мукяфатлар ваде эте.

2 Коринтлилерге 6:10

Бизни ынджыталар, амма биз эр вакъыт къуванамыз. Озюмиз фукъаремиз, амма чокъ адамларны бай этемиз. Ич бир шейимиз ёкъ, амма эр шей бизимкидир.

1 Коринтлилерге 3:21

Шунынъ ичюн ич кимсе адамларнен макътанмасын. Эр шей сизинъкидир.

Лука 14:23

О вакъыт эфенди къулуна: «Ёллар ве ёлчыкълар бою кечип, эписини мында кельсинлер, деп къандыр. Эвим толсун, – дей.

4 Падишалар 2:17

Лякин олар вазгечмейип ялвара бердилер, Эль-Яса тап утанды ве: – Айды, йиберинъиз оларны, – деди. Элли адамны йибердилер, олар Ильясны учь кунь къыдырдылар, амма тапалмадылар.

1 Падишалар 30:26

Давут Цикълагъгъа кельди ве онынъ достлары олгъан Ехуда акъсакъалларына мулькнинъ бир къысмыны йиберип: – Мына сизге РАББИнинъ душманларындан тартып алынгъан мульктен бахшыш, – деди.

Къадылар 1:15

Акъса онъа: – Манъа бир бахшыш бер. Сен манъа Негевде топракъ бердинъ, энди сув чокъракъларыны да бер, – деди. Бабасы онъа юкъары ве ашагъы сув чокъракъларыны да берди.

Нун огълу Ехошуа 15:19

– Манъа бир бахшыш бер, – деди къызы. – Сен манъа Негевде топракъ бердинъ, энди сув чокъракъларыны да бер. Ве Къалев онъа юкъары ве ашагъы сув чокъракъларыны да берди.

Башланув 33:10

– Ёкъ, – деди Якъуп, – эгер мен сенинъ козюнъде мерамет къазангъан олсам, берген бахшышларымны ал. Сенинъ бетинъни, Алланынъ бетини корьген дайын олдым. Сен мени пек яхшы къаршыладынъ.

Башланув 33:12

Сонъ о, деди: – Юр, кеттик. Мен огюнъден кетерим.

Башланув 32:21

Бахшышларны огюнден йиберип, Якъуп ордуда геджелемеге къалды.