Башланув 27:43 - Мукъаддес Китап

⁴³ Огълум, айткъанларымны динъле: Харангъа, меним агъам Лавангъа къач.

Башланув 27:43 Referans Kwoze

Башланув 27:8

Шимди, огълум, мен санъа буюргъан шейни динъле.

Башланув 11:31

Терах, къасдийлилернинъ Ур шеэринден чыкъып, Ханаан топрагъына кетмек ичюн ёл алды. О, огълу Ибрамны, Хараннынъ огълу олгъан Лут торуныны ве огълу Ибрамнынъ апайы олгъан Сарей келинини янына алды. Лякин Харан шеэрине келип, анда ерлештилер.

Башланув 27:13

Лякин анасы онъа: – Огълум, сенинъ къаргъышынъ манъа олсун, тек айткъанымны динъле. Бар да, сорагъанымны кетир, – деди.

Фаалиет 5:29

Пётр ве башкъа эльчилер джевап берип: – Адамлардан эвель Аллагъа бойсунмакъ керек.

Йирмея 35:14

Рекъавнынъ огълу Ёнадав озь огъулларына шарап ичмемеге буюрды, ве олар бабаларынынъ буюргъаныны беджерелер, бу куньге къадар шарап ичмейлер. Мен исе сизлерге токътамаздан, саба-танъдан текрарлап отурам да, сизлер Меним айткъанларымны динълемейсинъиз.

Икметли сёзлер 30:17

Бабасыны мыскъыллагъан ве анасынынъ сёзюни динълемеген адамнынъ козюни вадийдеки къаргъалар чокъуп чыкъараджакъ, о, къартал балаларына аш олур.

Башланув 28:7

ве Якъуп ана-бабасынынъ айткъанларыны динълеп, Паддан-Арамгъа кетти.

Башланув 24:29

Рефикъанынъ Лаван адлы агъасы бар эди. О, чокъракъ янына, бу адамгъа чапып барды.

Башланув 28:10

Якъуп Беэр-Шевадан чыкъып, Харангъа ёл алды.

Башланув 27:42

Лякин буюк огълу Исавнынъ сёзлерини Рефикъагъа етиштирдилер. Рефикъа кичик огълу Якъупны чагъырттып, онъа бойле деди: – Агъанъ Исав сени ольдюрмеге истей.

Башланув 28:5

Сонъ Исхакъ Якъупны йиберди. Якъуп Паддан-Арам топрагъына, арамлы Бетуэлнинъ огълу олгъан Лавангъа, Якъупнынъ ве Исавнынъ анасы Рефикъанынъ агъасына кетти.

Башланув 35:1

Алла Якъупкъа бойле деди: – Барып, Бет-Эльге кет ве анда ерлеш. Анда агъанъ Исавдан къачкъанынъда санъа корюнген Аллагъа къурбан ери яп.

Башланув 25:20

Исхакъ къыркъ яшында олгъанда, о, Паддан-Арамдан олгъан арамлы Бетуэлнинъ къызы Рефикъагъа эвленди. Рефикъа, арамлы Лаваннынъ къызкъардашы эди.