Башланув 2:7 - Мукъаддес Китап

⁷ РАББИ-Тааля топракъ тозундан адамны яратып, бурнунынъ тешиклерине яшайыш нефесини уфюрип киргизди, ве адам тири джан олды.

Башланув 2:7 Referans Kwoze

1 Коринтлилерге 15:45

Язылгъанына коре, биринджи адам Адем тири джан олды. Сонъки Адем исе омюр берген рух олды.

Эюп акъкъында китап 33:4

Мени Алланынъ Руху яратты, Къудретлининъ нефеси манъа омюр берди.

Джемаат башы 12:7

Сонъ тоз топракътан келип, топракъкъа чевирилир, джан исе оны берген Аллагъа къайтыр.

Ешая 64:8

Амма шимди, я РАББИ, Сен – бизим Бабамызсынъ! Биз – чамурмыз, Сен – чёльмекчисинъ, эпимиз – сенинъ къолларынънынъ ишимиз.

Фаалиет 17:25

Онынъ, инсан къолларынен хызмет этилип япылгъан ич бир шейге мухтаджы ёкъ. О, Озю эписине аят, нефес ве эр бир шейни бере.

1 Коринтлилерге 15:47

Биринджи адам ерден, топракъ тозундан пейда олды. Экинджи адам исе коктен кельди.

Башланув 3:19

Къан-теринъе батып, озюнъе нимет къазанаджакъсынъ. Ахыр-сонъу, къара ерден алынып, къара ерге кери киреджексинъ. Сен тозсынъ, тозгъа да чевириледжексинъ, – деди.

Эюп акъкъында китап 27:3

Мен сагъ олып, нефес алгъаныма къадар, ичимде Алла берген яшайыш руху олгъанына къадар,

Башланув 7:22

Топракъ устюнде эписи ичинде аз-бучукъ руху олгъанлар гъайып олдылар.

Зекерья 12:1

Исраиль акъкъында РАББИнинъ пейгъамберлик сёзю. Коклерни керген, ер юзюнинъ темелини къойгъан, адамнынъ ичиндеки рухны яраткъан РАББИ бойле дей:

Зебур 103:14

Сен айван ичюн от ве инсан ичюн ешиллик осьтюресинъ. Инсан ешиллик ишлете – топракъ аш бере.

Зебур 100:3

Ярамай шейни козюм огюне кетирмейджегим, мен джинает ишинден нефретленем, бойле шей манъа япышмаз.

Римлилерге 9:20

Эй, адам, сен кимсинъ? Аллагъа сёз къайтарырсынъмы? Чёльмек чёльмекчиге: «Мени не ичюн бойле ясадынъ?» – дерми?

Ешая 2:22

Тек нефеси олгъан адамларгъа ишанмакътан вазгечинъиз! Онынъ омюри ярым капик этмез!

Башланув 3:23

РАББИ-Тааля адамны Эдем багъчасындан къувалады. Барсын, озю асыл олунгъан топракъны ишлеп бакъсын.

Еудийлерге 12:9

Бизим бабаларымыз эпимизни тербиелей эди, ве биз оларны урьмет эте эдик. О алда, биз рухларнынъ Бабасына итаат этмеге керекмиз. Ойле япсакъ, яшайджакъмыз.

Сайылар 16:22

Олар бетлеринен ерге тюшип, бойле ялвардылар: – Алла, эр джанлы шейге рухуны берген Алла! Бир адам гуна къазанды, Сен исе бутюн джемааткъа къаршы ачувланасынъмы?

Икметли сёзлер 20:27

Адамнынъ руху – РАББИнинъ нурудыр, о, юрекнинъ теренликлерини сынай.

Эюп акъкъында китап 33:6

Алланынъ огюнде мен де сен кибидирим, мен де чамурдан яратылдым.

2 Коринтлилерге 5:1

Биз билемиз ки, бу дюньядаки эвимиз, биз яшагъан чадырымыз йыкъылгъан сонъ, Алла бизге коклерде эбедий бир эв, къолнен япылмагъан эвни береджек.

2 Коринтлилерге 4:7

Бу къыйметли ярыкъны биз озь къуветсиз беденлеримизде, балчыкъ савутларда киби, алып юремиз, чюнки аджайип къудретимиз бизден дегиль, лякин Алладан келе.

Юхан 20:22

Шойле деп, оларнынъ устюне уфюрди ве: – Мукъаддес Рухны къабул этинъиз, – деди.

Эюп акъкъында китап 4:19

Я адамлар акъкъында не айтмагъа мумкюн? Олар тоз-топракъта тургъан, балчыкътан япылгъан эвлерине ошайлар. Оларны сюмеден къолай эзмеге мумкюн.

Сайылар 27:16

– РАББИ, эр джанлы шейге рухуны берген Алла бу джемааткъа бир башлыкъ къойсун,

Джемаат башы 3:7

йыртмакъ вакъты ве тикмек вакъты; сусып отурмакъ вакъты ве айтмакъ вакъты;

1 Тимотейге 2:13

Алла биринджи Адемни, сонъ Аваны яратты.

Башланув 2:6

Ялынъыз ер ичинден чыкъкъан дерья ер юзюни сувгъа тойдура эди.

Агълав йырлары 4:20

Омюримизнинъ нефеси, РАББИнинъ Месихи чукъурда тутулды; бизлер исе: «Халкъларнынъ арасында, онынъ колеткесинде яшайджакъмыз», – дедик.

Ехезкель 37:5

РАББИ-ТААЛЯ кемиклерге шойле дей: «Бакъынъыз, Мен сизлерге яшайыш рухуны ёллайджагъым, ве сизлер тириледжексинъиз.

Башланув 1:27

Алла Озюнинъ къыяфетине коре адамны яратты, оны Алланынъ корюнишине коре яратты: оларны эр киши ве къадын оларакъ яратты.

Ехезкель 37:6

Сизлерге дамар-джылынлар береджегим, устюнъизде эт осьтюреджегим, этинъизни теринен къаплайджагъым, ичлеринъизге яшайыш рухуны къояджагъым, ве сизлер тириледжексинъиз. О заман Мен – РАББИ олгъанымны биледжексинъиз».